صدفة

✨الجزء 43✨

نبداو بأرسلان لي وقف قدام الفيلا و سكت لوطو و شاف فيها
أرسلان : صافا دبا
سوسن (ومآت براسها)
أرسلان : سمعيني صوتك باش نرتاح
سوسن : اه بخير احم شكرا على لي درتي و سمح ليا فاش غوت عليك
أرسلان : ماتقوليش هكا راك دبا فحالك فحال نيهال ندير على قبلكم كولشي
سوسن : سعداتها عندها صديق فحالك دبا عاد عرفت علاش متعلقة بيك
أرسلان : نقدرو نكونو أصدقاء ايلا بغيتي
سوسن (بتاسمات) : بطبيعة الحال غانقبل
أرسلان حط ايدو على حنكها سخون و كايدوز عليه بشوية و كايشوف فعينيها
سوسن : خاصني نمشي و شكرا على توصيلة
أرسلان : لوطو ديالك غايجيبها الكارد
سوسن : واخا شكرا

هبطات من السيارة و شيرات عليه بسلامة و كسيرة و تلفتات طلعات عينيها جهة الشرجم ديالو لقاتو واقف و كايكمي و عينيه كون كانو قرطاس يقتلوها فبلاصتها

رجعات شعرها لور و تمشات داخلة حلات ليها الخدامة و توجهات للصالون لي كانو فيه العيالات و حتى شمس و ملاك

سوسن : السلام عليكم
الكل : عليكم السلام
سوسن : اااه عييت بغيت غير نعس
ماماها : مالكي على حالتك را يلاه العشية اويلي
سوسن : بغيت نرتاح اماما
الجدة : طلعي ابنتي ترتاحي طلعي
ملاك (غمزاتها و فهماتها)

خرجات ملاك هي و شمس للجردة و تبعاتهم سوسن و جلسو فواحد الجليسة تماك زويونة و مقابلة مع الفيلا

سوسن : مالكم
ملاك : نسولك نتي مالكي
شمس : سوسن واش كنتي كتبكي
سوسن : ها ء ء لاا لا علاش غانبكي اويلي
ملاك : نتي عارفة فاش كاتبكي كايحمارو هالاتك
شمس : مالكي اسوسن عاودي لينا علاش كتبكي
سوسن (طلعات عينيها فراكان لي باقي واقف و مراقبهم من بعيد) :هو فالحقيقة اه بكيت غير محيت توحشت إيمان و نيهال
ملاك (صغرات عينيها) : سسسووسسسن
سوسن : غير محيت توحشتهم و صافي
شمس : خاطرك احبيبتي ماغنضغطوش عليك و متعاوديش تبكي را عينيك غايضروك
سوسن : اووفف ايلا ساليتو من تحقيقاتكم بغيت نمشي ننعس

وقفات و مشات دخلات للدار و طلعات للفوق غادة فالكولوار جهة بيتها حتى كايخرج راكان من بيتو تخلعاات و تفكرات شنو دار ليها فالحمام بقات كلها كاترعد و رجعات بجوج خطوات لور شيئ لي لاحظو راكان و تبسم بجنب و داز من جنبها حتى ضرب فكتفها و هبط لتحت و هي فاش مشا عاد تنفسات الصعداء و دخلات لبيتها و سمعات الروايض تحكو مع الأرض عرفاتو هو لي خرج و توجهات للحمام خدات ليها دوش تريح بيه عضامها و أعصابها و خرجات لابسة بينوار و توجهات للمارية و تمعنات فشفايفها لي مجروحين و هزات مرطب و دارتو ليهم و كادوز عليهم بشوية باش ماتعگرش و توجهات لدريسينغ لبساب شورط و ضوني ديالو و تلاحت فوق الناموسية و طفات لفيوز و نعسات

عند ملاك لي تاصلات بيها صحبتها و جاوبات و شمس جنبها كتقول ليها شكون

ملاك : سلاام ابتسام
ابتسام : زيين غبورات هادي
ملاك : كاينة فمراكش دكشي علاش
ابتسام : واايلي حتى انا
ملاك : صافي نتشاوفو
ابتسام : ااه شحال توحشت ياماتنا خلينا نتشاوفو فشي بار كيف شحال هادي مع صحابنا و صحباتنا
ملاك : ماكرهتش و لكن
ابتسام : مكاين ما ولكن غاتجي هيا غاتجي واا صاافي اصاحبتي راا غانشطو ديال بصح
ملاك : واخا لي بغيتي
ابتسام : بار **** و جي مع 21 واخا
ملاك : واخا