صدفة

✨الجزء السادس ✨

في مدينة باريس كانت 12:30 خارجين من الشركة ولي داز من حداهم كيوجه ليهم التحية لقاو طوموبيلاتهم عند الباب.. لينا توجهات لعند إيمان تجيبها من المعهد و نيهال توجهات لماكدو باش تجيب الغداء
عند إيمان..خارجة من المعهد و معاها شي بنات صحاباتها حتى وقف عليها صاحب قبلتها الأولى.. فمها تخيط مابقات عارفة ماتقول
البنات : المهم باي باي نتشاوفو من بعد
سلمات عليهم إيمان و كانت غادية دارت راسها مشافتوش حتى شدها من إيدها ووقفها
أمين : قولي غير السلام و لا معلموهش ليكم فبلادكم
إيمان : شبااغي تاني
أمين : شي بوسة آخرة😉
يلاه غتبدا إيمان تسب و تعرعر حتى بدا يضحك
أمين : غير كنضحك معاك ههههه كون تشوفي وجهك كي تزنگ.. المهم جيت غير نطلب منك السماحة على ديك نهار
إيمان : بآش من وجه جاي مزال عندي و المشكل كانت أول قبلة ليا ازمر فخبارك اععههه كنت مخبياها لراجلي الموصيبة و جيتي نتا و خديتيها بكل سهولة اههعععع حيد من قدامي متعصبنيش
أمين : شتي بعدا عندي زهر أنا اول واحد نعرف المداق ديال فمك😉😂
إيمان : و زاايد فيه مزال مكتحشمش باز لوجهك
مشات و تبعها من اللور و كيهضر
أمين : وا هو الصراحة عمري مادقت بحال المداق ديال فمك لذيذ و ماخليتيني حتى نتمتع بيه يخخ
إيمان : ااااهههععععع(صافي جوننها)
جبدات گاع دفاتر لي فمحفظتها و بدات تضرب فيه و تعاود و هو ميت بالضحك عليها..حتى وقفات عليهم لينا
لينا : إيمان اش هاد الحالة حماقيتي
إيمان : اوووففف بردت بعدا جنوني (شيرات عليه بصبعها)ونتا ايلا باقي قربتي ليا هاد المرة غنزيد ليك بالحجر سمعتي... و مشات ركبات فطوموبيل و تبعاتها لينا حتى هيا و مشاو خلاو أمين مبتاسم واخا العصاا لي كلا عاجبو الحال عمر شي وحدة تجرآت و دارتها ديما البنات لي تابعينو و باغين غير كلمة منو اما هادي ماشي بحالهم هادي غير عليهم و هادشي لي خلا إيمان مميزة عندو و باغيها..
دوز أمين الخط لأزار..
أزار : اش كاين
أمين : والله ماكدبت أخويا فاش قلت ليك ضاسرة ناري شحال مشاغبة
ازار : مالكم تاني
أمين : جيت ناوي نطلب السماحة صدقت واكل العصا بالدفاتر مزال كون ما ديك صحبتها خدني باقي واحل
ازار : لا بزاااف والله هههههههههه غتهربوه ليا..فيا الفضول نعرف هادي لي مشغباك
أمين : قريب قريب
و فهاد الأثناء وصلات نيهال كانو باقي البنات ماجاو حطات دكشي لي جابت فالكوزينة حتى بدا الفون يصوني كان الحاج
نيهال : حبيبي
الحاج علي : من نهار مات مابقاو زاروه
نيهال : ههههههه فالعشية إنشاء الله
الحاج علي : معاش عندك الطيارة ؟
نيهال : 4 لقيتني يلاه غنطلع نوجد لڤاليز
الحاج علي : واخا مزيان ابنتي المهم راه غتلقاي الشيفور كيتسناك كنت باغي انا و جداك نجيبوك و لكن الخدمة كثيرة هاد الأيام و مغنجي حتى الليل
نيهال : مزيان الله يسهل عليك و شكرا
الحاج علي : امين ابنتي حتى نتي و لا شكر على واجب..المهم بسلامة عليك حتى ليل
نيهال : بوساات باي باي
مع قطعات مع دخلو البنات بعجاجتهم
لينا : نيهال اجي اجي تسمعي آخر الأخبار
نيهال : مالكم ؟
لينا : ناااري فشلت انا(كتمرمد بضحك)😂😂😂😂😂
نيهال : وا دوي الخرياا
إيمان : لقاتني مخاريا مع داك زمر
لينا : (كضحك و تهضر فنفس الوقت)وا مسكين تكرفصات عليه كون تشوفي كفاش كانت راكبة ليه فوق ضهرو و كضرب بالدفاتر والله حتى تموتي بالضحك.. هو براسو كيضحك😂😂😂😂
نيهال : 😂😂😂😂شكون هداا ؟؟
إيمان : داك الولد لي باسني
نيهال : لا فالحقيقة راه نتي لي مفترسة ماشي هو ههههههه
بقاو البنات ميتين عليها بالضحك ..حتى هي بدات كضحك على راسها..تغداو جمعات نيهال لڤاليز و دكشي لي غتحتاج بحكم كاين كولشي تماك من حوايج ميكاب كولشي عندها تماك دات غير الضرورية و دكشي لي مميز و عزيز عليها و شي وراق و ملفات دالشركة..وصلو المطار بطوموبيل دلينا هبطات نيهال الڤاليز و الدموع فعينيها أخيب حاجة عندها هي الوداع و كلهم عارفين هادشي
لينا : نيهال حبيبة صافي راه غير تلتيام و لا ربعة و نكونو عندك
إيمان : وا صافي مسحي دموعك
نيهال : غنتوحشكم اهئ اهئ اهئ غنتوحش نگيركم على صباح اهئ
لينا : وا صافي البكااية الطيارة راه غتفوتك
إيمان : أجي أجي نعنقك
تعانقو بتلاتة و نيهال غير كتشهق اما لينا و إيمان كيحاولو ميبكيوش عارفين غير غيزيدو عليها..من بعد وداع طويييل دخلات نيهال و حتى البنات مشاو للدار
كملات نيهال الإجراءات و توجهات لطيارتها من بعد ما ضربات واحد الطوف و حطاتها فالأنستغرام لي من بعد 3 شهور عاد غترجع تفتحو و كتبات عليها
bye paris👋🏻❤️