صدفة

✨الجزء 23✨

دخلات نيهال مخلوعة على جدها و جداها ياكما وقعات لبهم شي حاجة محبت خلعها عهد بهضرتو توجهات للصالون مالقاتهمش
نيهال : السلام عليكم
الكل تلفتو عندها : و عليكم السلام
شمس : فين غبرتي أصحبتي
نيهال : غير نبدل الجو شوية
سناء (أم عهد) : بنتي كيف بقيتي
نيهال : الحمد الله أخالتي (و كضور عينيها فالصالون )
سناء : كاتقلبي على شي حد
نيهال : اه جدة
الحاجة (بناني) : طلعات أبنتي لبيتها ترتاح

سناء جات عند نيهال و شداتها من كتافها
سناء : بغيت ندوي معاك ممكن ؟

قاطعاتعم ماجدة لي وقفات وجات متوجهة عندهم
ماجدة : سيري أ نيهال عند جداك
نيهال : ولكن....
ماجدة : سيري
سناء : ختي مالكي ؟
ماجدة : أجي معايا بغيت ندوي معاك
سناء : واخا غير نسالي مع نيهال و نجي
ماجدة : دباا أسناء
سناء (شافت فنيهال) : صافي أبنتي غير سيري حتى من بعد
نيهال : واخا

مشات نيهال لعند جداها من بعد ما وجهاتها الخدامة على بيتها و من بعد ما دقات دخلات عندها لقاتها كتصلي و دموعها شلال من عينيها بقات نيهال واقفة عند الباب كاتسناها تسالي..من بعد ما كملات الحاجة و دعات دعائها و هي تشوف جيهتها و طبطيات على رجلها
الحاجة : أجي أبنتي عندي
حدرات نيهال عينيها و جات تكات حاطة راسها على رجليها
الحاجة : كيف صبحتي أبنتي
نيهال : بخير الحمدلله ونتي أجدة
الحاجة (تنهدات) : قلبي محروق و لكن الحمدلله على كل حال
نيهال : كون ما بغاها الله ماغاياخدهاش أجدة و كلنا تابعنا داك المقام هم السابقون ونحن اللاحقون
الحاجة : الله يرضي عليك أبنتي تهلاي فصلاتك راه دنيا غدارة و ماتعرفي شنو مخبي ليك القدر
نيهال : دعي معايا أجدة يهديني الله
الحاجة : الله يهديك و يتبتك على صلاتك
نيهال : أمييين (سكتو شوية و رجعات دوات) كيف دايرة صحة جدي
الحاجة : اااه أبنتي لباس لباس

كانت كاتدوي بحزن كبيير و هادشي لاحظاتو نيهالو ناضت شافت فيها
نيهال : جدة واقعة شي حاجة
الحاجة : اش غانقول ليك أبناي مابقا مايتخباا
نيهال : جدة خلعتيني شنو واقع
الحاجة : صحة جدك غادا و كاتدهور و حتى الشركة زادت عليه
نيهال : ياك كياكل دواه فالوقت و كان بخير
الحاجة : اه أبنتي و لكن الشركة دالوراثة لي غاتعرض لإفلاس و هادشي لي مرضو فصحتو
نيهال : الله ياربي منين طاح علينا هادشي و لكن ضروري يكون شي حل
الحاجة : اه أبنتي كاين و لكن نتي هي الحل ديالو
نيهال بعدم فهم : مافهمتش أجدة شنو علاقتي أنا
الحاجة شدات لنبهال فإيدينا و كاتدوي بلا ماتشوف فيها
الحاجة : جا شي رجل أعمال باغي ينقد الشركة من الإفلاس و يدخل فشراكة مع جدك و لكن بشرط
نيهال : شنو هو
الحاجة (شافت فيها بأسف) : تزوجي بيه
نيهال سرطات ريقها مصدومة من هضرة جدها و بدات كاضحك بطريقة غريبة
نيهال : ههههههه جدة واش كاضحكي ياكي ممم قولو ليا غير كاضحكو
الحاجة : الصمت
نيهال : لا لا مايمكنش تعطيكم خاطركم تزوجوني برجل غريب لا مستحيييل نقبل
الحاجة : شوفي أبنتي راكي مولات العقل تسناي نشرح ليك
نيهال (بالغوات) : اش غاتشرحي أجدة ااااشنو أنا مستحيل نتزوج برجل ماكنبغيهش أجدة فهمي ماغندفنش راسي مع شي حد ماكنعرفوش
الحاجة : صافب أبنتي ماغنبززش عليك فكري بعقلك أبنتي راه جدك غاتوقع ليه شي حاجة و هو داير فيك تيقتو و أنك غاتزوجي على قبلو
نيهال : جدة واش نتي صفااا هاااا كييفاااش تييقتوووو رااه أنا أهم زعما من الشركة و لا لا هااااا
الحاجة : اه أبنتي بطبيعة الحال و لكن نتي عارفة الشركة شحال عزيزة على جدك و هي ورث من باباه الله يرحمو عافاك فكري فالموضوع بشوية عليك
نيهال : ههههههه والله حتى مابغيت عارفة ماانقووول ليكم واش ماكنهمكمش و لا تسناااي هههه أنا أصلا غير بنت الميتم ممم من الواجب عليا نرد ليكم خيركم ياااك هادشي غاتقوليه ليا حتى هو ممم دوي أجدة ياك بصصح
الحاجة : الله يهديك أبنتي راكي الكبدة ديالي شنو هادشي كتقولي
نيهال : فاااش يجي جدي غاندويو دبا مابقات هضرة