صدفة

✨الجزء 49✨

حس بيها آزار ترخات طل عليها لقلها نااعسة بالعياء دالسفر بتاسم و هزها بين يديه و حطها فوق الناموسية ..طول فيها الشوفة هبط باغي يبوسها فجبهتها حتى ناض قافز عاقد حدااش ظلم البيت و طفا الضوء و خرج مخليها غارقة فنعاسها ..داز على مو لقاها متكية غير شافتو تلفتات للجهة الاخرى..تنهد و دخل داير يديه فجيابو و وجهو عليه علامة البرود وقف عند راسها و هبط باسو ليها و هو كايستنشق ريحتها حتى كسرات داك الصمت بحديثها

إلهام : علاش !
غير ساكت مادواش
إلهام : علاش كسرتي هضرتي للمرة الثانية هاا ؟ واش لهاد الدرجة ماعندكش أهمية بكلام ماماك ؟
آزار : الوليدة رتاحي دبا من بعد و ندويو فهاد المواضيع التافهة
إلهام : أزار ولدي ماتفقسنيش الله يرضي عليك.. علاش كادير غير لي فراسك مم ؟ شنو غانقول دابا لخالتك و هي غاتجي عندنا اليوم مع حسناء بنتها ؟ حشومة عليك اولدي ديما محشمتي مع الناس
أزار : نتي لي درتيها بيديك فكيها فسنيك انا ماقلتش ليك باغي بنتها
إلهام (كتغبن) : الله يرضي عليك اولدي دير بكلام ماماك غير لمرة وحدة ااه بصح نيهال فحال بنتي شمس و عزيزة عليا مانكدبش و لكن خالتك راني عطيتها الكلمة و قلت ليها باش غير يدوز عرس شمس غانجيو نخطيو حسناء
أزار : ماكيهمنيش

رجع باس راسها و خرج مخليها كتعيط عليه ..خرج داير يديه فجيابو و نظراتو كايخلعو خرج للجردة فين كانو دراري تقدم عندهم و جلس فمكانو كالعادة شعل گارو و دارو ففمو و كايشوف بعيد

فحين دراري (أمين و راكان و اوس) كايشوفو بصمت فيه حتى قاطع داك الصمت راكان
راكان : نتا لاش بغات اولد عمي ضربتيها بتزويجة و خليتي لي بغا يضرب راسو مع الحيط يضربو ينعل بو العلاام
شاف فيه أزار بنص شوفة خلاتو يجمع ابتسامتو و يحنحن عارفو معصب مابغاش يجيبها فعضامو..ناض وقف كايلعب بالكونطاكط سلم على أمين و اوس باليد و أزار ضرب ليه على كتفو
راكان : اش بان ليكن نتلاقاو فليل فشي كازينو نزهااو
أمين : لا اخويا سير غا نتا انا عفا عليا الله
راكان : صافي حكماتك
أمين : غاتمشي ت*ود لا
راكان : هههههه و نتا اسي العريس
أوس حول نظراتو لأزار لقاه عاطيه نظرا البرود و هو عارف قصد بيها ايلا كنتي راجل قول واخا
أوس : لا لا بصحتك انا عندي شي شغل
راكان : مممم شي شغل
ضحك و حول نظراتو لأزار
راكان : نتا بلاش مانسولك عارف جوابك (غمزو و هو كايضحك)
مشا ركب فلوطو يسلت قبل ما ياكل شي دقة فحين أوس حتى هو ناض بارك لأزار و طلع ..بقا أمين و أزار راس فالراس شاف فيه أمين و هو كايتسنا منو شي تفسير
أزار : شباغي حتى نتا
أمين : هادشي لي درتي
أزار : ماديرش فيها مصدوم راك عارف اتبي
أمين : ماكندويش على الزواج
شاف فيه أزار كايتسناه يكمل
أمين : على المنافس المجهول لي خرج لينا من الجنب
أزار : مالو
أمين : أزار واش فيك نعااس فيق معايا اصحبي
أزار : ماكدبتيش فكرتيني بعدا نمشي غير نعس شوية (غمزو) يلاه تلاح حتى ليل
تنهد أمين بقلة حيلة هاد البرود ديال أزار كايجيب ليه تمام.. شاف جيهة القصر و هز تيلي ديالو و دوز الخط
إيمان : الو
أمين : هبطي
إيمان : مامسالياش أ أمين كانتقااد
أمين : هبطي عندك دقيقة
قطع عليها مخليها شبعات فيه سبان حتى كاتبان ليه لابسة بينوار حرير بسروالو بالغوز بيبي و جاية كايضرب برجليها منفخة.. تبسم من شكلها و رجع عقد حداش حتى يشد فيها شوية..وقفات عليه و هي ساكتة و ماكتشوفش فيه
أمين : مالك !
إيمان : مماليش
أمين : و لاش كاتنفخي حتى نصمك مك دروك
إيمان : أميين اش بغيتي دغيا باقي خاصني نلبس و نماكي و نتقاد حتى انا را مابقا والو و يجيو الناس
أمين : مابغيتش نشوف على وجهك نقطة دالماكياج و خصوصا فمك سمعتي و لا نحيدو لحسك من بلاصتو
إيمان : لا صافي كملاات شووف غيرتك خليها لنهار آخر انا الماكياج غانديرو و بزز منك
أمين : اوا ديريه و تشوفي ايلا ماسمعو خبارك را ماكنتسماش أمين
إيمان : ممم إن شاء الله
أمين : وريني اش غاتلبسي راني عارف داك نص توب ديالك
إيمان (سلاه تيلي وراتها ليه) : هاهياا غا سكتنا
أمين : ممم مزيان هاد المرة درتي عقلك
إيمان : يلاه بسلامة
مشاات كاتجري و لكن ماشي مع أمين يدارو هاد القوالب شدها قبل ما تمشي و حاصرها مع الحيط بين يديه شافها بدات كاتحمار جابتلو الضحكة و زاد هبط براسو كايطل عليها
أمين : شنو ندير فيك دبا
إيمان : امين بلا بسالة دبا يشوفنا شي حد
أمين : و انا مالي ياك مع مراتي ماسوق حد فيا
إيمان : واخا يلاه غير طلق مني
دخل راسو فعنقها كايستنشق ريحتها و كايبوسو بوسات خفاف حتى كاتبورش
إيمان : ااه أم مين بعد
أمين : ششش
بعد عليها كايشوف فمها مشهييه بلا قياس يلاه غادوي حتى طرما على شفايفها كايبوس و يجر كانت قبلة عنيفة و كايبوسها بوحشية و لكن كانت صابرة على حماقو حتى بعد بوحدو و هو كاينهج تبسم فاش شاف فمها مجرح و فيه اثر الدم
أمين : شكون دار لمراتي هاكا
إيمان (كاتغبن) : شفتي اش درتي ليا حشومة عليك
قاس ليها شفايفها حتى توجعات و شاف فعينيها هايم فيهم
أمين : كايضرك
إيمان: اه
عنقها كايبوسها فراسها اما هي كانت مستحلية حضنو بقات غير ساكتة و قلبها غايسكت
أمين : إيمان
إيمان : همم
أمين : بغيتك
إيمان : مافهمتش
أمين : محتاجك باغيك فليل
تزنگات و الخلعة طلقات معاها من صبعها صغير و حدرات عينيها
أمين : يلاه سيري و ماتنسايش مانلقاش نقطة دالماكياج على كمارتك (باسها فحكنها) وجدي ليا راسك باغي ندوز شي ليلة مبرعة مع مراتي بليل
مشات إيمان كاتجري هربانة منو و من نظراتو و كلامو ..طلعات عند البنات لي كانو كايوجدو راسهم بمساعدة الكوافورة و الميكاب ارتست شمس كانت كاتقاد شعرها و ملاك كاتقاد ظفرانها اما لينا عاد بادية فالميكاب و سوسن كاتلبس عليها باقي مقادت لا شعر لا ميكاب لا ظفار