صدفة

✨الجزء 36✨

جالسة فبيتها و كاتقرا فواحد المجلة حتى سمعات الدقان فالباب سمحات بالدخول و شافت باباها داخل مبتاسم
ليسا : بابا جلس
جوزيف : حبيبة باباها صفا دبا
ليسا : الحمدلله بخير
جوزيف : ماكضرك حتى حاجة
ليسا : لا الحمدلله
جوزيف جلس جنبها و بدا كايمسح على شعرها
جوزيف : جاد كايزعجك أبنتي
ليسا : احم لا لا
جوزيف : و علاقتك معاه كيف غادا
ليسا : علاقتي انا و ياه عمرها ماغترجع انا خرجتو من عقلي و قلبي و مستحيل يرجع
جوزيف : الله يرضي عليك ماتنسايش كيف جرا عليك فعز البرد و مارحمكش و ماتنسايش كفاش حتاقرك و سبك بگاع الأساليب و قلل منك
ليسا : ماغنساش ابابا و عمري مانسيت
جوزيف (تنهد) : غانرجعو لأمريكا

خرج جوزيف من عند بنتو و هي شعلات تيلي و دخلات للصور و كاتشوف فالصورة لي قدامها و كادوي
ليسا : غانقتلك بإيدي و نشرب من دمك مستحيل نخليك تعيشي بخاطرك واخا يبقا غير عرق لي ينبض فيا

حطو سرباية العشاء لي كان عبارة على بسطيلات دجاج و الديسير و السفة
إيمان مسحات الحناء و جلسات كاتعشا و نيهال معاها مابغاتش تخليها بوحدها
نيهال : الصغيرة هي لي سبقات تزوجات و حنا بقينا بايرات
إيمان : عطا الله التيتيز أصحيبتي شبري فشي حد
نيهال : مزوجة و باقي مابغيتي تحشمي
إيمان : لا هاد الساعة أمين معمر ليا عيني
نيهال : حسن ليك قبل ما يتقبهم ليك
إيمان : فخبارك غانموت بالخلعة
نيهال : مناش
إيمان (حشمات) : دكشي
نيهال : جاتك بعدا لالاهم تفكيتي هاد السيمانة
إيمان : المهم تابعاني تابعاني
نيهال : كايقولو فلول كاتقصحي و لكن من بعد كاتولفي و نتي لي كاتولي طالبة عليه
إيمان : يييعععع منيتك
نيهال : كولي كولي ايلا سمعك أمين قلتي هاد يييعع يسرحك هنا باقي و قدامنا من الفوق
إيمان : اجي بعدا شفتك قبيلا هابطة من الفوق نتي و أزار (غمزاتها) فين كنتو
نيهال : حتى بلاصة غير وريتو طواليط محيت لي التحت كانت عامرة فقط لا غير
إيمان : مممممم راني كانشك فيكم
نيهال : فخبارك جا شي حد بغا يتزوجني من عند جدي
إيمان : ااه
نيهال : عرفتي شكون
إيمان : شكون
نيهال : أزار
طلقات إيمان واحد الغوتة حتى كولشي قفز و شافو فيها و هي تبسمات حشمانة و رحعات شافت فنيهال لي كاتسكت فيها
نيهال : شوهتينا
إيمان : ماتقوليهااش أصحبتي أزار أزار داك صعصع الزوين
نيهال (ضحكات) : ممم هو
إيمان : و نااااضي يلصحباي شدي فيه بإيديك و رجليك
نيهال : و انا فاش عرفت هو مابقيتش بغيت
إيمان : منيتك علاش
نيهال : هاكداك غانقولها لجدي و لي ليها ليها
إيمان : نتي تعرفي نخاف غير توقع شي حاجة لجدي الموضوع كايتعلق بشركة جدودو و جدر أصلو
نيهال : و هادشي مناش خايفة
إيمان : اوووفففف انا اصلا مخلوعة و كملتيها عليا نتي
نيهال : سالينا الهضرة حتى برد هادشي
كملو ماكلتهم و مسحو ايديهم مابغاوش يغسلوهم باش تطلع ليهم الحنى و تولي حمرة كتر

عند دراري لي غير تعشاو خرجو برا آزار كايكمي و أمين واقف جنبو
أمين : ناوي بصح تزوج
أزار : اش بان ليك
أمين : و ريماس لي 21 عام و نتا كاتبغيها
أزار : شكون قال ليك نسيتها (شاف فيه) ريماس حتى وحدة ماتقدر تجي فبلاصتها مستحيل
أمين : نخاف غير تبغي نيهال
أزار : عارف شنو كاندير
أمين : و شنو ذنب نيهال حتى تعيش مع واحد ماكيبغيهاش
أزار : ماسوقيش فيها
أمين : أزااااار ايلا سمعك عهد كاتقول هكا غايقودها معاك را عزيزة عليه و شحال وصا فيك تعطيها تيساع
أزار : (الصمت)
أمين : نتا تعرف
أزار : خاصني نمشي
أمين : اجي قالو ليا جاد مشا للاوطيل و مالقاش ماماه و ختو
أزار : اه
أمين : اكيد عارف فين مشاو
أزار : مريم ختو فالحبس و ماجدة مشات برجليها عند الشخص لي غايدمرها
أمين : كفاش مافهمتش
أزار : أكيد نريم مادوزتش ليها لي دارت فملاك و فليسا و لهذا تعاقبات و زدت عليها شي تهم و مشات فين تربا
أمين : و ماجدة
أزار : عند جعفر المهم تصبح على خير راني عياان باغي نرتاح
أمين : سير سير اخويا نتا مايقد عليك غير لي خلقك حسن عوان ريماس و نيهال
أزار : غير نيهال اما ريماس نهار نلقاها غانديرها فوق راسي
أمين (ضحك) : كايلان ليا هاد العياء تقلب ليك رومانسية