سعدي يا لالة و فرحي يا لالة 💃🏻💃🏻جيت و جبت ليكم قصة طووووب وااعرة ديال بصح فيها گاع دكشي لي كتبغيو
كوميديا 😂 حب ❤️ رومانسية 🤤 اشتياق 🥺 حزن 😭 عنف💥 و اغتصاب🔥 غموض ☠️ و محبوبة الجماهير السفاااااااالة 🔞🥵😈
الكاتبة : 🍀حسناء اليمني🍀
❌ ممنوع...
عند شمس و اوس لي كانو جاو للمغرب .. كانت كاتقاد الحوايج فلڤاليز حتى حسات بايديه محاوطينها من كرشها .. تبسمات و ضارت عندو كاتشوف فيه اما هو كان هايم فتفاصيلها شمس : مالك احبيبي عينيك شاحبين ؟ أوس (عنقها مدخل راسو فعنقها) : والو شمس (بعداتو عليها و شدات فوجهو بكفوفها) : لا بيك شي حاجة عاود ليا ا أوس أوس : غير عيان من طريق و صافي شمس : صافي سير ترتاح حتى نكونو واجدين و نعيط ليك أوس (باسها فحنكها) : الله يخليك ليا أشموستي
فنفس المكان و لكن فغرفة اخرى كانت سوسن وجدات شادة تيلي بين ايديها و كاتخمم فالمجهول.. رجعات شعرها لور بملل. ناضت جارة ڤاليزتها و هابطة للتحت .. خرجات لبرا و توجهات للوطو ديال سيف .. لقاتو واقف كايدوي فتيلي غير قطع ضار لعندها سيف : صافي واجدين ؟ سوسن : انا واجدة البقية ماعرفتش سيف : اك طلعي للوطو انا غانتاصل بأزار طلعات سوسن للوطو و سيف تاصل بأزار و لكن كايقطع عليه حتى شاف لوطو داخلة مع القصر و وقفات جنبهم .. هبط أزار عندو و تسالمو بليدين أزار : فين لاخرين ؟ سيف : مانعرف أزار : اش هاد الخرا عاود طلع للوطو و كلاكصا باش يسمعوه .. اما سيف لمح لينا لور كاتشوف فتيلي مامسوقاش و لكن فرح محيت غاتكون معاهم
هبطو شمس و أوس لي توجه باش يقاد لي ڤاليز فلوطو ديالهم اما شمس مشات عند خوها لي هبط عندها و نقزات عليه بواااحد التعنيقة و هو غير كايطبطب على ضهرها شمس : خووياا توشحتك بلا قياس أزار : لباس عليك ؟ ياكما كايقلقك هاد المسخوط شمس : لا لا داير ليا خاطري و الله أزار : يلاه سيري ركبي را تعطلنا
عهد و راكان لي كانو جاو فلوطو وحدة .. هبط راكان عاد تبعو عهد لي كان سايق راكان : فيين العشران أوس : هانيا راكان : الحمد لله على سلامة امولاي سلطان أوس : الله يبارك فيك أزار (مخنزر) : ساليتو ؟ راه تابعانا طريق ابناادم سربيونا راني مامساليش ليكم خرجات حسناء جارة ڤاليزتها و تابعاها ملاك معاجبها حال حسناء : اوووه واقيلا كتاار بلاش مانمشي ملاك (فخاطرها) : احسن مغاديري شمس : لا حشومة تقولي هكا ا حسناء اجي ركبي معانا (شافت فاوس و هو يضربها ليها بواحد تخنزيرة ) حسناء : لا بلاش مانصدعكن و نتوما عاد عرسان جداد أزار : طلعي و براكة من الهضرة تفو الله يخلي لي غايسافر معاكم حسناء ماقداتها فرحة مداتلو الڤاليز بتحلوين و طلعات جنب لينا لي معارفاش شكون هادي اصلا كولشي تقادو فلوطو .. أزار معاه نيهال و لينا و حسناء .. عهد معاه راكان .. سيف معاه ملاك و سوسن .. و اوس و شمس .. شدو طريق سابقهم بكر العائلة .. دايزين مهيبين و الفخامة والرقي .. فواحد الرومبوان لقاو أمين و إيمان كايتسناوهم .. و تبعوهم حتى هوما
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
