صدفة

✨الجزء 38✨

خرجو من المحل من بعد ما شرات ملاك سلسلة ديال الذهب فنة لإيمان و هو غير مقابلها و كايشوف فالقفطان كيف جا عليها مزير ماكره يفسخو ليها و يلبسها شي خنشة ماتبانش طايتها گاع

شد ايديها بالزعاف و ركبها فلوطو و هي مستغربة من حركاتو تسناتو حتى ركب و دوات

ملاك : مالك على هاد التصرفات غا بشوية عليك وااه
عهد : غاتسكتينا و لا نسلخ مك فحال آخر مرة
ملاك : كانكرهك عارف ياك
عهد (قرب ليها) : ماتصوريش شحال كانبادلك نفس الشعور
ملاك : بعد لهيييه
عهد : هانا مبعد اصلا اش غانعشق فيك باش نقرب
ملاك : بعض المرات كانقول واش بصح انا وياك كانتشاركو نفس الدم و نفس الكنية ييييع كانعيف
عهد : حتى انا كانسول راسي واش هاد البنت لي قدامي هي نفسها لي كاتكون تحت ال*وامل
ملاك : بزاااف عليك و لهلا يحييك و يطول الزمان على عينيك المسخ

عهد فرانة بالجهد حتى مشات و جات و دار عندها معصب

عهد : واااش غاتزمي فمك و لا نصرفق طاسيلتك
ملاك : لاء مباغياش
عهد : جريئة مع راسك
ملاك : اش بان ليك

شدها من شعرها و قربها ليه و عينيه كيف الصقر كايشوف فيها و هي كتر ماحشماتش و لا تخلعات

ملاك : طلق مني
عهد : اليوم ايلا نا قتلتك مانتسماش
ملاك : عرفت علاش هاد التصرفات كلهم
عهد : ممم و علاش
ملاك : نار الغيرة شاعلة فعينيك محيت مباغي حتى حد يقرب و لا يشوف جيهتي يااك
عهد (ضحك بقهقهة) : شفت فالثقة حتى عيت و تقتك فراسك عمري شفت بحالها ابنت عمي
ملاك : مممم دبا نشوفو واش هضرتي بصح او لا
عهد : واخا الالة

طلق منها بالنترة و كسيرة اما هي رحعات باللور و مخنزرة و طول الطريق و هوما ساكتين و مادواوش حتى وصلو بلاصة لوطو و هبطات ضربات بالباب حتى كان غايتهرس و دخلات سابقاه هو خنزر فيها كون ما هربات كون شبع فيها تصرفيق

سمعات صوت صباط أنثوي كايتسمع فالأرجاء تلفتات و وجهها صفر و الأخرى شافت فيها

الحاجة : لاش معيطة عليا اشنو بغيتي
ماجدة : نيهال غاترجع منين جات و غدا
الحاجة : كاتحلمي بزاف
ماجدة (بضحكة عالية) : مابغيتيش تسمعي للأوامر اش بان ليك نكشف على هادشي كلو و نتي لي غاتكرهك
الحاجة : بنتي مستحيل تكرهني
ماجدة : و علاش لا ايلا عرفات بلي المرأة لي كبراتها هي نفسها لي خداتها من عائلتها و تسناتها حتى دوزات 3 سنين فالميتم و تبناتها بصفة أنها غير بغاتها محيت ماعندهاش الولاد اوووووو على منظر كانتخيل فاش تعفط عليك و ماتعقلش عليك و تمشي عند عائلتها
الحاجة : هادشي ماغيكونش و بنتي انا بنفسي غانقولها ليها ماغنتسناكش حتى تقوليها نتي و لا شخص آخر

ماجدة تقدمات عندها و صرفقاتها و دغيا قلباتها تخنزيرة
ماجدة : شووفي هاااه اديك الشارفة يا غاتسمعي الهضرة و ديي دكشي لي غانقول ليك و لا هادشي ملو غايتقلب فوق راسك و دبا
الحاجة (بقلة حيلة) : اش بغيتي
ماجدة : اوا دبا مزيان المهم الغزالة نيهال كيف قلت غاترجع فحالها من هنا و داك الزواج بآزار غايتلغا
الحاجة : و لكن...
ماجدة : مكاين ما ولكن انا الشركة ماكتهمنيش و ماكيهمني حتى شي حد لي كايهمني ديك البنت ماغترجع لديك العائلة الا نهار نبغي انا فهمتي اااا
الحاجة : واخا غير سيي من هنا ظبا يشوفك شي حد
ماجدة : ايلا عرفتك درتي شي حاجة مورا ضهري كانلحف ليك حتى هاد المرة نقتلها و مانرحمهاش
الحاجة : لا لا كوني هانية