صدفة

✨الجزء 56✨

نيهال (وقفات) : لا وياااك
شاف فيها أزار و ضحك بخفة
أزار : غرتي همم ؟
قرب ليها و جرها من يديها عندو حتى تخالطو أنفاسهم .. حط جبهتو على جبهتها و سد عينيه و بقا ساكت
نيهال : مالك ؟
أزار : نيهال
نيهال : نعام
أزار : متأكدة باغا تبقاي معايا
نيهال (بارتباك) : كفاش شنو كاتقصد
أزار (هز راسو فيها) : هاد الزواج كان على أساس صفقة و مجبور عليك و كانظن الشركة وقفات على رجليها و رحعات حسن من قبل واش عمرك فكرتي نتفارقو
نيهال قلبها تقبض عليها ماحساتش امتا بعدات عليه
نيهال : يعني باغي نطلقو
أزار : ماقلتش هكا انا سولتك نتي
نيهال : و شنو نفهم من هضرتك و خصوصا ان بنت خالتك كاتسناك تخطبها همم !؟ باغي تفك مني باش تزوجها ياك ؟ اوا صافي نطلقو
أزار تعصب و كايحاول يكالمي راسو .. جرها من كتافها و زداها معاه بالجهد حتى توجعات
أزار : مانعاودش نسمع هاد الهضرة انا سولتك ايلا مرتاحة معايا كفضول و صافي و حتى لو قلتي لا كنت غانزيد نبزز عليك تبقاي معايا (زاد زيرها) محيت الحاجة ايلا ولات ديالي ماكنخلي حتى حد ياخدها من بعدي
نيهال : أزار ضريتيني
أزار : شوفي فيا (هزات عينيها فيه) و لو تلاقا سماء مع الارض عمرك تحلمي بالطلاق
نيهال : واخا غير طلق عفاك ضريتيني
طلق منها و مشا تلاح فبلاصتو داير يديه تحت راسو و ساد عينيه .. اما هي طولات فيه الشوفة و مشات حتى هي بلاصتها .. طفات الضور و خلات غير ديال الفيوز .. حاولت يجيها النعاس و لكن والو .. والفت على انه يعنقنا و تحس بالأمان فحضنو و الحنان و الدفئ و لكن دبا كل واحد فقنت و كاتشوفو نعس و خلاها .. كانت عاطياه بالضهر كاتسناه يعنقها كالعادة و لكن لا .. تلفتات شافتو نااعس مامسوقش ليها .. ترددات فالأول و لكن تشجعات ياك كايبقا راجلها و عادي .. قربات حداه و دارت راسها ناعسة .. اما هو كان غير فايق حتى هو مابغاش يديه النعاس و هي مكايناش بين دراعو .. حاس بحركتها و فاش قربات حداه عرفها حتى هي بحالو .. بقا داير راسو ناعس حتى يشوفها اش غاتصنع .. دارت يديها على كرشو و من بعد عنقاتو .. لايحة رجليها على رجليه و تخشات فيه .. تبسم من تصرفاتها و عنقها كتر
أزار : ماتعاوديش تجبدي داك الموضوع ديال حسناء و لا الطلاق مفهوم
فاش نطق تصدمات كانت حاسباه نعس
نيهال : و..و..واخا
أزار : يلاه نعسي خليني نعس راني عيان
نيهال : تصبح على خير
أزار (باسها فراسها) : و نتي من اهلو

أصبحنا وأصبح الملك لله

فاقت إيمان فحضن حبيبها و ساترها غير الغطاء .. ناضت خدات ليها دوش و خرجات لبسات عليها و هبطات توجد الفطور و هي ماشي على بعضها .. قادت الفطور فوق الطبلة و بقا غير الخبز مشات تجيبو و فجأة حسات بالدوخة .. شدات فالباب و لكن غير ماكتزيد و ماحسات حتى طاحت فاقدة الوعي

ناض معنكش فنعاسو .. حط يديه على وسادتها مالقا حد .. حل عينيه مالقاهاش عرف بلي هبطات .. ناض توجه للدوش دوش و لبس عليه ملابس رسمية ديال الخدمة و هبط كايقاد فساعتو .. شم ريحة الطياب و تبسم
أمين : إيمااان .. فراشتي فينك
ماجاوبو حتى حد و استغرب .. تاجه للكوزينة و تسعق .. هبط عندها كايجري و كايفيق فيها
أمين : إيمااان إيماان حبيبة فيقي مالك
هزها بين يديه و خرج بيها كايجري .. ركبها فلوطو لور و ركب حتى هو و كسيرا مخلوع عليها