صدفة

✨الجزء 30✨

"" فهاد الأجزاء الأخيرة لاحظت التفاعل ديالكم نقص و خصوصا التعليقات و هادشي لي كايخليني نعگز نكتب ليكم..أنا ولفتكم تعلقو على اي حاجة و أي حدث وقع و تعطيو رأيكم فيه محيت رأيكم كايهمني بزاف كان زوين او خايب كايخليني نفرح و نزيد نكتب أحداث مشوقة و زوينة ""

الساعة كتشير 6 دالعشية متكية على الحيط و قدامها داليا عينيها حمرين و كاتدعي الله يخرج بنتها بخر و على خير أما جاد فكان واقف بعيد و نيهال كاتدي ليه الخبار محيت جوزيف ماخلاهش يقرب ليهم و مزال غير حن فيه اما كان غايمنعو يدخل حتى من المستشفى

تقدمات عند داليا و جوزيف لي جالس جنبها
نيهال : غاترجع لينا بخير أخالتي بلا ماتديري فراسك هكا عفاك
داليا : بنتي كاينة الداخل حبيبة ماماها كاتواجه الداخل الحياة و الموت بوحدها
نيهال (عنقاتها) : ليسا قوية
جوزيف : كلتي شي حاجة أبنتي
نيهال : لا (وقفات) غانمشي نخود ليا شي حاجة بغيتو نجيب ليكم ؟
جوزيف : لا أبنتي شكرا
نيهال : و نتي أخالتي
داليا : ماعندو منين يدوز غير سيري تاكلي الله يرضي عليك
نيهال : واخا ها أنا مشيت

دازت نيهال من جنب جاد هزات ليه براسها و هبطات للكافيتيريا تاكل شي حاجة.. داز شوية الوقت و هي تحس بشي حد وقف عليها
نيهال : خالتي سناء !
سناء : يمكن ليا نجلس
نيهال : اه اه تفضلي
سناء جلسات و تبسمات ليها : شكرا
نيهال : لينا جات
سناء : اه راه الفوق كاتسول على ليسا و أنا قالت ليا داليا بلي كاينة هنا و جيت عندك
نيهال : اه احم سمحي ليا على صباح
سناء : حنا لي خاصنا نطلبو السماحة منك ابنتي
نيهال : بسبابي مدام ماجدة خرجات من القصر
سناء ( شدات ليها فإيديها) : ماتديريش فبالك أبنتي واخا
هزات نيهال براسها و عم السكلت بيناتهم حتى نطقات سناء
سناء : عينيك زوينين مشاء الله
نيهال (حشمات) : شكرا ليك
سناء : ماعرفتيش لمن كايشبهو
نيهال (حدرات راسها) : لا معارفة والو
سناء : الله يفرجها عليك ياربي
نيهال : أمين

عند لينا لي كانت واقفة كادوي مع السكريتيرة حتى لمحات ملاك داخلة كاتجري و تابعها سيف و أوس
ملاك (عنقاتها) : لييينااا توحشتك توحشنك اصاحبتي
لينا : حتى انا احبيبتي فين غبرتي
ملاك : غير الخدمة اااه فين لاخرين
لينا : سيري نيشان و ضوري على يدك ليمنى و غاتلقايهم تماك
ملاك : واخا نتي فين غادة
لينا : غانسافر
سيف شاف فيها و هي ملاحظة هادشي و لكن كاتحاول تجتبو
ملاك : لااااا عفاااك بقاي عفاااك
لينا : عندي الخدمة مزيرة هاد الأيام و خاصني ضروري نوقف عليها بإيدي
ملاك : دبا غاتمشي لفرنسا
لينا : اه
ملاك : و نيهال
لينا : لا غاتبقا حتى يسالي المشروع
ملاك : امتى غاتمشي
لينا : غدا فصباح
ملاك : اوووفففف و الله ماسخيت بيك
لينا : الوقت لي توحشتيني جي عندي
ملاك : إنشاء الله و حتى نتي نزلي مرة مرة عندنا
لينا : إنشاء الله يلاه نخليك دبا
ملاك : غاتعشاي فالقصر ؟
لينا : لا غانمشي للأوطيل مع نيهال
ملاك : اوووفففف مشيت يوماين لقيت دنيا مقلوبة
ضحكات ليها لينا و ضارت باش تمشي لقات سيف وراها مباشرة خنزرات فيه و زادت خارجة
ملاك شافت فالدراري و مشات عند العائلة اما أوس ضحك و شاف فسيف
أوس : الله على تخنزيرة دارت فيك أساط
سيف : سير تقود القلاوي و فوت ليا كري
أوس : مالك معاها
سيف : خاص لي يربيها هاديك و انا لي غانربيها على يدي حتى تولي تشوفني و تحدر عينيها
أوس : رخف رخف اصاحبي قصوحية الراس ماغتنفعك بوالو
سيف : واحد شموستي فينها توحشتها
أوس دغيا تقلب من واحد مهدن لوحش شدو من لور ظيال رغبتو و قربو عندو
أوس : كفاش شموستك
سيف (تفرشخ بالضحك): ههههه‍هه ناري أصاحبي و راك غارق ماشي غير طايح
أوس : واقيلا راه غاتولي مراتي لا
سيف : و شنو كاتسنا
أوس : ليسا تفيق و ترحع الأوضاع كي كانت و إنشاء الله غايرو العرس
سيف : زغما آزار غايعطيها ليك بهاد السهولة
أوس فكر شوية و رجع شاف فيه
أوس : و حتى نهار قلتها ليه مدار حتى شي ردة فعل و كان مهدن
سيف : يييي يا المسخوط و حتى نتا مبانت ليك غير شمس و الله يا باباك آزار حتى يخرجك من عين ضبع
أوس : منها مانتفك و ليا لاش غاتكون
سيف : صافي صافي غير تهدن
ضحك عليه سيف و مشا عندهم و تبعو أوس و راسو كلو كايضور بالأسئلة