سعدي يا لالة و فرحي يا لالة 💃🏻💃🏻جيت و جبت ليكم قصة طووووب وااعرة ديال بصح فيها گاع دكشي لي كتبغيو
كوميديا 😂 حب ❤️ رومانسية 🤤 اشتياق 🥺 حزن 😭 عنف💥 و اغتصاب🔥 غموض ☠️ و محبوبة الجماهير السفاااااااالة 🔞🥵😈
الكاتبة : 🍀حسناء اليمني🍀
❌ ممنوع...
عند لينا لي وقفات بيها لوطو قدام باب القصر و هبطات جارة ڤاليزتها.. حلات ليها الخدامة لي شدات من عندها لڤاليز و طلعاتها لبيت الضياف.. اما هي تقدمات للصالون و هي خايفة تشوفو.. دخلات عليهم لقات لبنات عاد نايضين غير شافوها تصدمو مكانوش متوقعين غاتجي دبا.. طارو عليها كلهم ماقداتهم فرحة.. يبوسو و يعتقو توحشوها بلا قياس الحاجة : و توووما بشوية غاتخنقو البنت ملاك : ناااااري توحشتتك الكلبة لينا : الله يمسخك الحماارة سوسن : ملفخبارناش غاتجي دبا و لكن احسن حاجة درتي شمس : اااه والله ييييي (عنقاتها) مشات لينا سلمات على البقية و هي حشمانة عاد رجعات عند البنات لينا : غادين لشي بلاصة ؟ شمس : اااه لسبا و غاتمشي معانا ياك لينا : ضرووري ملاك : اوا هيا دبا سوسن : كون غير تسنيتو إيمان را شوية و غاتجي
مجاو فين يكملو هضرتهم حتى دخلات تنقز و محيحة طارت عغلينا مع كانت هي لولة حدا دخلة إيمان : هاااناااا جييييييت اااااا لييينااااا توحشتك توحشتك الحمارة لينا : غاااا بشوية ههههه حتى انا و الله عنقات البنات و هوما حامين السوق و سلمات على النساء لي غا كيشوفو و يضحكو على هاد المجنونات
خرجو البنات منوضين الحيحة هازين حوايجهم و ركبو مع الشيفور و لينا گاع دوك الاجواء لي فلتات عليها فعرس إيمان كاتحاول تعيشهم دبا فعرس شمس
بعد خروجهم دخل أمين و مع دخلة تلاقا بأوس.. تسالمو سلام رجولي و دخل سلم على العائلة و قبل يد و رأس الحاجة و خرج لقا أوس فالمكتب
نطلعو الفوق عند راكان لي عاد فايق گاع مشقلب شعرو مخربق و طايح على عينيه و صدرو عريان لابس شورط قصير ازرق غامق.. فاق عاقد حواجبو ماعندو خاطر و راكم عارفين النعاس ورا العصر اش كايدير😂..ناض مروفز و بقا شحال و هو كايحك فعينيه و رما الغطاء لارض و هو كايسوط غا بوحدو راكان : حيدي حتى نتي اوووففف ناض وقف توجه لدوش دوش دغيا فقط خمسة دقايق و خرج لاوي عليه الفوطة و مغوبش توجه لدريسينغ لبس قاميجة بيضة مع شورط فالأزرق و سبادري بيضة رش ريحتو و دار ساعتو و هبط كايطوي فكمام القاميجة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
تلاقا بالخدامة و جات عندو كاتجري فاش عيط عليها الخدامة : اش حب الخاطر اسيدي راكان : فين أوس الخدامة : سي أوس و سي أمين فالمكتب اسيدي راكان : مم صافي سيري تاجه للمكتب دخل مدرم و رجع ضرب بالباب.. شافو فيه أمين و أوس و هوما عارفين طبعو و انه كايتقلب فحال الجو..ناض أمين سلم عليه سلام رجولي و حتى أوس تسالمو بالكتاف و تلاح فوق الفوتوي لي كان فالمكتب بالاسود مرجع راسو للور و مفرق رجليه.. أمين جالس جلسة رجولية فالكرسي و مقابل معاه أوس لي كانو كايتحدثو فأعمال الخدمة السرية ديالهم (المافيا) أوس : شي حد هاجمنا البارح أمين : كنت عارف أوس : فنظري قوي لدرجة انه هاد المرة درسنا مزياان الخطة و مع ذلك غفلنا أمين : علاش لي مايكونش شي حد قريب لينا راكان : خليه يلعب على خاطرو فاللخر غايخسر ماتنساش راه نافس لوسيفر أوس : اش كايقول آزار فهادشي أمين : مادويناش فهادشي بزااف و ماكيعطينيش راس الخيط كل هضرتو نفد لي كانقول و من بعد تعرف راكان : و اش كاتعرف على آزار مستحيل تعرف فاش كايخمم و لكن باينة هادشي كان عارفو غايوقع أوس : من نيتك هادي صفقة مهمة كون كان عارف ماغيخليهش يدير هكا أمين (كايخمم و ساكت) راكان : لا انا متأكد كان عارف و الا كان غايحرق گاع لي مكلفين بالمهمة لجد بوهم كلهم أوس : و نتا اش قلتي أ أمين أمين : حتى يجي و نفهمو منو
