Fate (Fierce Love Series 1)

CHAPTER 15

Faith

Wala kaming imikan habang tahimik naming binabaybay ang kalsada pauwi sa hotel na tinutuluyan ko. Tanging ang tunog lang ng sasakyan at buntong-hininga lang ang naghahari sa paligid namin.

Saan ko ba ihahatid 'to? Sa hotel? Sabi niya kanina, sa hotel na lang daw siya matutulog.

"Saan kita ihahatid?" Tanong ko dahil hindi ako sigurado sa naiisip ko.

Nilingon niya ako. "Ayos lang ba kung sa bahay ko na lang? Wala akong damit na pamalit sa hotel. Ayoko na ring mang-istorbo ng kasambahay para dalhan ako roon kung sakali."

Tumango ako. "Ituro mo na lang kung saan."

Itinuro niya sa akin kung saan ang daan papunta sa bahay niya. Napansin kong hindi iyon kalayuan sa bahay nila Mark. Pwede ngang lakarin kung tutuusin dahil nasa apat na bloke lang ang layo nito. Nadaanan din namin ang building kung saan ang opisina ng construction firm niya. Lumiko kami pakanan sa kalsada hanggang sa marating namin ang kabilang dulo nito. I turned right again, as per his instruction. Agad kong napansin ang magarang bahay na may taas na tatlong palapag.

Pinasadahan ko ng tingin ang kabuuan nito. Mukhang bagong tayo lang. Maliwanag ang paligid dahil sa mga ilaw na naka-on. Ngunit kapansin-pansin ang lawak ng veranda sa ikalawang palapag nito.

"Is this your house?" I asked knowing the obvious answer.

Narinig ko ang pagtanggal ni Philip ng seat belt. "Yeah. Halika, magkape ka muna bago ka umuwi."

"Kape?"

He smirked and nodded. Siya ang unang lumabas sa sasakyan pero hindi niya rin isinara ang pintuan dahil hinintay niya akong kumilos.

Ayoko mang tanggapin ang alok niyang magkape, nakuryoso naman ako sa itsura ng bahay niya. Hindi ko namamalayang inalis ko na rin ang seat belt ko at sumunod na sa kanya sa pagbaba.

Pagkalock ko sa sasakyan, sinundan ko siya na ngayon ay nasa gate na at nag-doorbell. Hindi rin nagtagal ay may lumabas na kasambahay. She opened the gate and let us in.

Napako ang tingin ko sa garahe kung saan may nakaparada ring Lamborgini na kulay itim. May motor bike din na BMW ang tatak. Naalala ko ang Hammer truck na minaneho ni Karissa kanina. And I realized, this man I am with is filthy rich.

"Nice bike," puri ko.

Hinipo ko ang itim na motorsiklo. Gusto ko rin sana ang magkaroon ng ganito. Earl had one of these, iba lang ang tatak kaysa rito. But he never teach me how to drive this thing.

"Kay Karissa 'yan." Aniya. "Pumunta siya rito para sabay na kaming pumunta sa bahay nila Mark."

Tumangu-tango ako. "How about the Lambo?"

Tumaas ang isang kilay niya. Sandali niya akong tinitigan bago sumagot.

"It's mine." He answered.

I nodded slowly. Hindi na ako muling nagtanong pa. Nagpatuloy kami sa paglalakad. He lead the way inside his house. Magara na iyong tingnan sa labas ng bahay niya pero hindi ko alam na kakainin pala ako ng pagkalula dahil sa buong kabuuan nito.

It's a modern rustic style dominated with brown, black, and dirty white colors. I can see wood everywhere, from the shiny wood tiles, exquisite furnitures, up to its minimalist and manly ornaments.

The house resembles the character of the home owner.

"You have a nice house," wala sa sariling naisatinig ko. "Sino'ng kasama mong nakatira rito?"

Nakatayo ako ngayon sa gitna ng kanyang living room, pinagmamasdan ang kabuuan nito.

"Ako lang, maliban sa mga kasambahay." Sagot niya.