آني اليوم عندي خطار والخطار اخوية العزيز ابو خطاب هو من أهل الاعظمية هذا صديق العمر كنا اثنينه جنود وبالحرب طلعني من الموت وهو الاخو الي جابته الي الايام وفعلا نعمه الأخو والصدفه هو هم شغلة بالمقبرة وبيته قريب عالمقبرة فبليل بعد العشة واحنه نشرب جاي فجبنها حجي وكلام يأخذ كلام فحجالي قصة غريب صارت اوياها يكول اني بعز برد شهر 12 كنت راجع من جماعة كانت عدهم فاتحه فرحت اعزيهم ومثل ماتعرف بيتي قريب عالمقبرة يعني لازم ادخل بنص المقبرة حتى أوصل بيتي ونص الطريق أسمع صوت وحده تأن وتبجي وتصيح يمه اطلعي حاجيني يمه ليش تأذني اني بنتج الدنيا كلها ماتريدني ومن احجي واكول أنت محد يصدگني يمه بدوا ينادوني المنحوسة والناس تجنبني يمه أخذيني اوياج تعبت من حياتي 😞 بصراحة أول مرة صوتها بنص المقابرة وضباب الشته والظلام وصوتها وصدها مرعب فگربت عليها اشويه وآني كل وابالي الي تحجي والسواده الي اشوفها على ضوه لايت هي شي مو حقيقي او جن لكن لمن قربت والتفتلي طلعت بنية وبشر لكن عجيب شجايبها بهل الليل وشتاء وهي امبينه بنية بأول العشرينات مو كبيرة فكتلها ابويه شجابج هنا كالت عمي دنيا ضاگت بيها وماعندي مكان يقبلني الها قبر أمي فكتله عمي اتعوذي من ابليس واذكري الله كوه كومتها واخذتها اوياي للبيت واخذتها للحجيه وانطتها ملابس واكل وكتلها خليها تنام وترتاح لحد مايجي الصبح ونفتهم شنو قصتها وشجابها بهل الليل للمقابر المكان الي زلم تخاف تدخله بليل .
فثاني يوم ارتاحت الابنية فوصيت زوجتي تسألها وتفتهم منها لان اني رجال غريب واكيد ماتحجيلي كل تفاصيل المهم زوجتي كالتها خاله احجيلي قصتج وشنو الجابج للمقابر بليل إذا امچ ميته ابوج اخوانج اهل امچ اهل ابوج وين ؟؟
فكالتلها خاله اني اسمي ندى اني البنت الوحيدة لامي وابوي ،فيوم من الايام اجيتةمن المدرسة لكيت ابوي محضر الاكل وملابسي وهو يشغل بلبيت بس العجيب امي موجودة وتفتر بلبيت فليش ابويه هوالي يشتغل وآمي ماتسوي شي فبقيت اباوع واسكتت لان عقل طفلة بسادس ابتدائي ويمر شهر وابوي يشتغل وآمي بس تفتر بلبيت وماتسوي شي لكن بمرور الايام بدديت الاحظ أمي تصرفاتها غريبة مو امي العادية متعوده عليها امي جامده مثل الصنم وبس تباوعلي وتبتسم ابتسامه بارده أول مرة خوفتني لكن هذه امي مستحيل تأذني كل الي تصورتها بعقلي الطفولي ، وأبوية احسها خايف من شي خائف اسألها عن شي المهم وبليله من ليالي جاي نتعشه اني وابوية كال بابا ندى اشو ماسألتي عن أمج وين ؟؟فتفأجت اسأل ليش بابا مو أمي هسه كاعدة اويانه علعشة فأبوية اتفأجأه وفتح عيونها وجه صار أصفر كاعده اويانه وين بابا امج ماموجوده من شهر بلبيت اشلون كاعده اويانه امچ عافتنه وانهزمت فأني ضليت ابچي واصرخ شنو انهزمت ماما حاجيه كوليلها أنت موجودة وابوي مرعوب وعصب عليه مثل طبيعته المتعوده عليها من العصبيه والغضب على ابسط الاسباب وتكسير والصراخ لكن امي كاعده اويانه بس محجت ابد بس تباوع لابويه وهو معصب ويكسر ويصرخ امج مو موجودة امج انهزمت امچ ماراح ترجع بعد فجأه تحول هذا الصراخ والغصب لنحيب وبكاء بصوت عالي وانتهت ذيج الليل على تعب ابويه ونومه بعد التكسير والعصبية .
فسألتها ليش ابوج وين اهله، حتى هو الي يشتغل؟ فكالت ابوي اهل مقاطعينه ومايردونه وآمي يتيمه ابوي حبها واتزوجها كانت تشتغل محل شافها وهي رابيه بملجأ ايتام وماتعرفلها لا أب ولا ام ولذلك اهل ابويه قاطعه وكاللولها تزوج بنت الشوارع القيطه وبنت الحرام ومن هل الكلام وهذا الكلام اسمعها من كنت طفله من طلاب المدرسة والكل يعيرني بيها اجت بنت تايه وامج بنت حرام مالها اهل ومن أرجع ابجي امي تواسيني وتكولي هي من اهل البصرة واهلها بيتهم على الحدود وبالحرب انقصف بيتهم وكل اهلها ماتوا بس هي عمرها ست شهور بقت فأخذتها دوله لدار رعايه ايتام وآني عرفت هل الكلام من مديرة الدار الي كنت بيها ومن احجي لناس هل الكلام محد يصدك ويبقون ينادوني بنت لقيطه وحتى اهل ابويه ماصدكوه فأبويه عاندهم واتزوج امي ، لكن طول عمرهم امي وابويه مشاكل وخلافت ويعصب ويضربها ويرجع يعتذر ويتأسف فأمي تتحمل لان مالها احد. لكن الشهر المر ابد امي وابوية ماتعاركوا وماشفت ابويه عصب اله من كتله امي موجودة اويانه المهم بعد ذيج الليله اكعددت نص الليل على صوت امي تهمس بأذني ندى ندى اكعدي أبوج ماتت ابوج اجاني وهنا فزيت وآني مرعبه فمالكيت احد يمي فرحت اركض على ابويه لكيتها نايم بس مايتفس وجه اصفر وجسمه بارد فأكعد مايگعد فطلعت بدون وعي لجوارين ادك عليهم الباب فأجو يركضون وعمري ماراح انسى صوت ام خالد جيرانه من اجت للبيت هي زوجها ابنيتي البقية بحياتج ابوج راح لرحمة الله فهنا انهاريت وضليت ابچي والطم وأحس كلبي انكسر فالجوارين جمعوا ودزوا ابويه ودفنوه ودزوا على اعمامي الي اجو وهما عيونهم كل حقد وكره واستصغار إليه لكن اشوف امي بين الناس وكأنها تواسيني وتخفف عنا بدون ماتحجي بس ليس أنا اشوفها وناس ماتشوفها
