حارس المقبرة الجزء الثالث
وبعد هل الجلسة والكلام تعبنا وكل واحد راح الغرفته حتى ينام واني بعز نومي اسمع صوت كلام لكن الصوت صوت طفلة وبنت امنيات بالتحديد اول مره اتوقعت احلم فنهضت من افراشي لا فعلا هذه صوت الطفلة لكن البنت تحجي كلام مامفهوم فطلعت لكيت البنت كاعدة بزاوية ظلمة بلبيت حتى ماتنشاف فقط ينسمع صوتها فجبت ضوه ودخلت لكيت البت بيدها لعابتها وجها لجهه معين كان معها شخص تحجي اوياها فاجيت قربت عليها واحاجيها جدو شتسوين بالظلمة اشويه واسمع صوت مره لكن مرعب انت شجابك هنا ومثل شخص ضربني بقوة لحد مافقدت الوعي وماصحيت الا ثاني يوم والاهل كلهم يمي ومن سالتهم كالوا لكيناك واقع على الارض بنص البيت العجيب اني ما كنت نص البيت من سالتهم عالبنت امها كالت اصلا ماكامت فراشها طول الليل هنا اسكتت وما حجيت شي والبنت من تجي يمي تبقى تنظرلي نظرات خبيثة ابد مو نظرات طفلة وتبسم بطريقة ابد ما تناسب عمرها هنا اجه ابالي شخص هو بس الي يكدر يساعدني بهل الموضوع وبعد مرور يومين الحمدالله تحسنت حالتي فقررت اروح لشيخ محمد اكيد كلكم تعرفونه وهو اكيد يساعدني بهل الشي ولابد عنده حل لهل القصة وفعلا اتصلت عليه وكان فعلا موجود فكتله جايك بس قررت اخذ البنت اوياي وفعلا اخذتها وكانت طول الطريق هادئة سبحان الله وصلنه لبيت الشيخ والشيخ كان مشغل بلبيت صورة البقرة ورها مادخلنه بشوية بددت تبجي وتاشر على باب البيت وتكول بيبتي برة تريد تظربني بالعودة لان ماتكدر تدخل للبيت بيبتي وجها وجها كلب بيبي تخوف عيونها حمر وتصرخ ماتكدر تدخل وترجف برعب وهنا شيخ محمد قام ورفع صوت السورة الكريم ومسك القران الكريم وبده يجود السورة بصوته الجميل الا ان البنت من بعد البجي غفت ونامت وشيخ مستمر بالقراءة والرقية الشرعية ومن انتهى من الرقيه والبنت غافيه بكل هدوء قال هل البنت عليها تابعه من الجن الكافر وهذا اتابع كلش قوي وهذا خادم سحر نجاسة قوي بس العجيب اشلون وصل لهل الطفلة واول ما تابعها بدء يظهر الها على صورة جدتها ومن طلعت بليل ولكيتها بليل كنت تقرة ايات من القران الكريم لذلك ظربك حتى تسكت وما يسمع كلام رب العالمين وهنا بديت احجي لشيخ كل قصة بيت امنيات وكل الجاي يصير اوياها من اول ما انتقلت لبيتها الجديد فكالي عندي صديقي دارس علم الروحانيات وعندة معرفة بهل المواضيع اكثر مني راح اروحله واحجيله قصة هل البيت بس ضروري نروح لهل البيت بالبصرة ونشوف شنو قصته والطفلة ابد من تنقطع عن مسامعها صورة البقرة نهائيا لان هل الروح الكافرة تكره سماع القران الكريم بشكل والقران الكريم يسوي حاجز بيها وبين المكان الي بيه الطفله فماتكدر توصل الها وهذا حل علما نعالج الحاله نهائيا باذن رب العالمين واخذت الطفلة وارجعت للبيت وسورة البقرة
وطول يومين البنت حالته الف الحمدالله ممتازه طفلة طبيعه الا ان يوم الثالث اجانه اتصال من عم الطفل على امنيات تلحكي بيتكم احترك فتعالوا بسرعه هنا امنيات فقدت تصرخ وتبجي على تعبها راح بثانية وهي تراجع نفسها اشلون احترك واني حتي الكهرباء فاصلتها عنها فبسرعه اخذوا اغراضهم وكلشي يخصهم ورجعوا للبصرة فطمنتها عمو اني باجر راح اجي وراج اني والشيخ المعالج وبعدها اتصلت على الشيخ محمد اريد اشوف شحصل من المعالج الي كالي عليه كال تمام ورجال حاضر ليمته مانحتاجة وصدك ثاني يوم رحنة للبيت اخويه وهناك كانت امنيات وهي كلش مقهورة على تعبهم الي ضاع بلحضة وبليل طاعنه اني وزوجها والشيخ محمد والمعالج حتى نشوف البيت والمنطقة واول مادخلنه المكان الي كان مقبض بشكل والمنطقة وحشة كانت عبارة عن منطقة حديثة الانشاء هل المنطقة وحشة بشكل ومن بعد ماوصلنه ،ووصلنه للبيت كان البيت محترك والحيطان سود واول مافتحنه الباب صار شيخ محمد والمعالج يتعوذوا من شيطان الرجيم وبده المعالج يقرأ إيات من القران الكريم بصوت عالي وبددت ابواب البيت والشبابيج تفتح وتنسد بقوة وهذا الشي لو شخص يحجيليها فلا أصدك لو ما شفت هشي بعيني وبقينا بلبيت لحد ساعة بالوحدة بليل ،فأخر شئ اجانه ابن اخوية گال يالله نروح لبيتها فروحاني وشيخ محمد رفضوا وگالوا حجي أنت وابن اخوك روحوا احنه نبقى هنا حتى نعرف سبب كل هذا ،لان المكان بيه شئ غريب مامفهوم وفعلا تركناهم بلبيت ورجعنه والساعه بالتسعة الصبح رجعنه الهم لكيتهم مانايمين لحد هل الوقت ماحجوا شي بس تعبانين ،اخذونا للبيت نرتاح وبعدها نحجيلكم شنو الي بالبيت بس تعرفون صاحب الأرض قبلكم گنالهم اي نعرفه ، فأرتاحوا ومن بعد ما گعدوا واكلوا ،بدوا يحجون گالوا هذا البيت بيه جثت مره مدفونه من اسنين وهل مو بس هي مدفونه لا المره مدفون بمخها سحر اسود سحر خراب وموت بس هذا الكلام لا تحجونها لحد مانوصل لصاحب البيت ونفتهم منها ليش باعكم بيته اصلا
