وثاني يوم من الصبح اجتني صبرية وانه غفلت كل الي بلبيت وطلعت وابوك كان عند سماح لان هو اصلن صار مايبات يمي من جابت المهم طلعنه ومشينه بسيارة تقريبا ساعة ونص وكفت سيارة كبال بيت تعبان وقديم فدخلنه البيت فلكينه رجال طويل جثة واسود البشرة وعينها عورة ورجلها عرجه وصوته قوي من يحجي فاول مادخلنة كال هلا بكريمة بنت زير لاتخافيين فجاوبته كريمة ماتخاف قلبها ميت فضحك ابتسامه خبيثة كال أي اليوم نشوف تخاف اولا ولاتخافيين يام الولد مو نفسج بالولد راح تحبلين وتجيبين الولد الي تتمنينها وشريجتج ماتخلف الولد بكل عمرها فكال للوحده تشتغل اوياها جيبيلي نوع البخور كذا وشغلها وجاب تراب اسود ريحته عفنه وقويه حتى اقوى من ريحه البخور نفسها وجاب غراب اسود وذبحه ورش الدم على جسمي وملابسي واخذ من هذا الدم وخلطه مع تراب الاسود وكال هذا تراب تشربينها لرجلج دوم حتى يصير مايشوف غيرج ويكره شريجتج كره العمى
وبعدين كال طلعي ايدج فكتب طلاسم غريبة وحروف ورموز وكال طلعي رجلج وسوه نفس الشي وكال تروحين ويوم 14بالشهر العربي ترجعين وتجيبن ملابس لرجلج عركان بيها ومن ملابس البنت المولوده وشي من شعرها فكتله هذهوا كال ترجعين حتى عملج يضبط وشرط تروحين منا مده اسبوع من اليوم ماتسبحين ولاتصلين ولاتصومين ولاتذكرين الله ولاتسمعين قران وبالج رجلج يتقرب عليج ابددد ومن بعد الأسبوع اسبحي وعاشري رجلج بس من هل اليوم ماتصلين ولاتصومين ولاتذكرين ربج ابددد وراح يتصخرلچ الي ينفذ اوامرج لكن اله بيج مثل مالرجلج بيج ومالج حق ترفضين اوتعترضين ،فكملنه وطلعنه منها ورجعت للبيت تقريبا ب4العصر فلكيت ابوك سأل وين رحت من شفتها سويت نفسي مريضة ودخت ووگعت بالارض ومن سألني كتله كنت عند الطبية مريضة مرض نسوان واليوم تعبانه روح السماح وعوفني ارتاح
وتقريبا نص الليل حسيت شخص يتقرب علية كل وابالي كان ابوك لكن لان هذا مو ابوك هذا شخص طويل وضخم وريحه نفسها كانها نار تحرك وجهي تكول سنا تنور ومخليته وجهي بيها وبده يرفع ملابسي ويتقربلي لكن الغريب هذا الشخص أني ماكارهه لمسته وصار بينه الي صار ومثل مااجه اختفه فجأه وثاني يوم اكعددت على صوت اصرأخ واعياط من طلعت من غرفتي لگيت ابوك ماسك سماح ضرب لحد مامخليها زركة والدم من خشمها وحلكها من كد الضرب واني بقلبي عرس احسها من يضربها واسمعها تصرخ برددت ناري وابوك يكتلل بيها وسحلها لحوش انه غفلتهم رحت لبتها واخذت من ملابسها وگصيت اشويه من شعرها حتى ارجع لعدنان واكمل انتقامي واخلص منها لان بتها عمرها شهرين ورجعت حبلت اردود واني بور كلشي ماكو بس القهر بس اشكد فرحت من شفتها تنظرب من الي كان حتى من ينام يلهج بأسمها ومر على هل الشي تقريبا تلث تشهر ويومية ابوك وسماح مشاكل ويصيح اكرها مااحب اشوفها ومامهتم لحملها الثاني وحتى بتها صار كانها غريبه مو بتها وأخر شي كالها راح اطلگج ومااريدج ومااريد بناتج كانت عده بنت وحامل بنت وانه مستمرة بالسحر الي اخلية لابوك وحبلت وكنت حامل بيك أقل من شهرين وابوك صار يعبدني وانا صرت الكل بالكل عنده وبعد ماارجعت لعدنان وهذه غلطتي وهل المرة اجاني هل الشي اليجيني لكن خنكني وراد يقتلني وكالي ليش ماارجعتي العدنان ارجعي لا كولشي ينگلب على راسج وهنا فجأه اجانة عمك اسماعيل لابوك واخذها وراحوا من الصبح واجه الليل وهما ماكو ولثاني يوم اجاني من سالته وآني كل وابالي عنده شغلة كال سماح جابت واجتني رقية لكن حسيت من كلامه حن وبددت الهفة المحبه القديمة تحيه من جديد اشو هذا يحجي وعيونها دمع اني من شفت بناتي انقهرت وآني ظلمتهم ومن هل الحجي فهنا كلت لا مالها أرجع العدنان اشو هذا السحر كأن مفعولة راح وبدده رجع يحن وفذزيت على صبرية وثاني يوم عند عدنان فحجيتله فكال أنت الخنتي والمتصخر زعل وغضب اعليج ولازم نرضية ومراضتها هسه نسويها فكال البسي دشداشة رجلج البيها عركها وجاب ضبعها وذبحها وغركني بدمها واشوية وجها عدنان تغير ووجه صار كانه وجه ذيب واسنانه اكبار وطالعة لكدام فأني من شكلها المرعب صرت ارجف فحجه بصوت خشن أنت الي الا أن بنت رجلج يوصل عمرها عشرين سنه وبعدها اتركچ وتصير الي وملكي ، ومن بعدها سوه كلشي بيها لكن مجرد ماخلص كلامه رجع شكله وصوته عدنان السحار فگال گومي خلصت ترضية ،بس خصصي غرفة مابشر يطبها كل يوم تروحيلها حتى ترضينة ، ومرت الايام والسنين وبعدها اجيت أنت لدنيا وسماح راحت هي وبنتها ونگطعت اخباره عنها فقط ابوك يدزلها مصرف بيد عمك اسماعيل ،لكن بمرور الايام السحر الي اخليه لابوك للمحبة بده يأثر عليه وتمرض ، ومن عمك راد هو يشرف على اكله بعد ماعرف من الطبيب انو ابوك ماعنده عله بجسمه بس جائز شخص يخليه سم بأكله مفعوله يمرضها على طول الزمن وسويت مشكلة وتهمت مرت عمك بالسحر خفت انكشف وتنفصح قصتي ومرت عمك تكرهني وطول عمرها تتواصل وي سماح وتتهمني اني سحارة لان فرقت ابوك عن مرته فذبيت التهمه عليها وشوهت سمعتها كدام كل اهل منطقتنه بأن سحاره وصارت ناس تكره وتتجنبها حتى ماتفضحني ، وبالفترة الي بده ابوك ينادي بأسم سماح ويتذكره قررت اترك السحر ومااشربه منها لان تعبت من بعدي عن رب العالمين وقررت أرجع اصلي بعد ماهذا الشيطان آخر مره كالي أمال بنت رجلج بلغت العشرين وهذا أخر مره اجيج وراح اروح الها واتملكها ، لكن من رجعت اصلي اجاني وعذبني بالضرب وكال اقتلچ إذا تصلين وتصومين وتقرين القرآن ، وآني بقيت مصرة على التوبه حتى من رحنه للعمرة اني وابوك كان بطلب مني لكن من رحت للعمرة وصلنه لبيت الله انعميت ونحجبت عني الكعبة ورجعت واني ماوصلت بيت الله ولا اديت المناسك ورجعت واني بگلبي هم ان ذنبي جبير واثمي عند الله أكبر وانصبيت بلجلطه بليلتها اجاني بشكل مرعب وآني اصلي لحد ما احس قلبي وگف من الخوف وآني اليوم راح اروح لدار الحق اتمنى تسامحني وروح دور على مرت ابوك واخواتك مكانهم يعرفه عمك اسماعيل وطلب منها تسامحني وتبريني الذمه ، فبعد الفاتحه رحت لعمي وطلبت يأخذني لاخواتي الي بحياتي ماشايفهم فرحنه ودخلنه بيت قديم وتعبان بمحافظه ثانية لكيت مرة كبيرة بالعمر ومنحني ظهرها وامبين القهر والهم كاسرها ،اول ماشافتني كالت لعمي فاضل فكاللها لا فاضل أنتقل لرحمه ربها فهي دموعه صارت توگع سكتها ،وتكول مات لاحول ولا قوة الا بالله العلي العظيم روح وربي وقلبي مسامح ياغالي الله ينتقم من الي كان السبب أمك بعدهي فكاللها عمي لا هم توفت كالت اللهم لك المشتكى والله لايسامحه وحسبي الله ونعم الوكيل عليها حطمت بنتي بسحورتها اخذت بناتي وهجيت لاخر الدنيا وماخلصت من شرها وتعال شوف اختك مربوطه بلغرفة مخبلها وقبل اكدر عليها هسه صرت جبيرة بالعمر فصرت اربطها اني واختها حتى ماتهج منها واحنه حرم مالنه احد ولعلمك اعرف أمك راحت للسحار وشسوت صبرية دلاله من تمرضت بالمرض الخبيت اجتني وحجتلي وبرة ذمتها وطلبت ابريها الذمه ،وبعده جبت مرت ابوية واخواتي اوياي وكاعد اعالج باختي عد المشايخ وادور على هذا عدنان حتى يفتح العمل الي دمر بيه حياة اختي وهاي هي ياعمي قصة امي بس شنكول غير الله يسامحها .
