فوگعت بالقبر المفتوح وصارت تصيحلهن طلعوني راح اموت هنا خاله طلعيني انا اخاف من الظلمة وهنه زادن عليها الخوف بقولهن ماينفك نحس عدم الحمل الا تباتين بلقبر احنه راجعت للبيت وراح انعوفج والصبح نرجعلج وهنه كذب كعدوا هي وامها الملعونات ، يحضرن عليه جن حتى يتسخر ويتملك عقله وجسمها ، وفعلا كملن شغلهن وطلعن اختك بس اختك الي وگعت ومو هي نفسها طلعت طلعت وحده بلا عقل ، وحتى زوجها صار يشوفها شيطان ، ويخاف ينام يمها مثل ماحجالك ،بليل يشوفها غير شكل كل هذا حتى تموت ويخلصن منها ، والحقد يوصل الانسان يسوي افعال ابعد من الي ممكن يتصوره عقل بشر ، واختك اذا مالگيت الها علاج قبل شهر القمري الاول من العام الهجري الجديد ، ترى اذا ما هجت تقتل نفسها ، فهنا اني گتله واني المن جايج اريد حل لاختي ساعديني اختي گاعد تموت كدام عيني ، واخذتها لهواي محد عرف علاجها ، فرددت ،العلاج أمرين الاول كل عمل شياطن ينعمل شما كان أذاها ينفگ وينتهي تأثيره بموت العقد هذا العمل ،يعني ممكن ينفك بموت مرت خالك وامها ، وهنا مااريدك توگع بمشاكل ، والحل الثاني مايعرف هل النوع من الاعمال وفگها الا واحد اسمه يونس السوداني ، وهذا ساحر وعدنا بالي يشتغلون بهل الامور يتسمى حلأب النجوم وهي اعلى درجات السحر لكن يونس يعرف القدر لاي شخص من خلال علم النجوم ، فجأه تاب وترك هل العمل والسبب لان حلم كأنه كان عايش بايام نبي المسلمين ، ودخل مع مجموعة من الناس حتى يلقي تحيه عنبي النبي اعرض عنها وصده وگعد مثل المتخبل ، فقرر يوتب ويعالج كل شخص مسحور لوجه الله وبحسب المرحله الوصل الها بمعرفة سحر صار يعرف اشلون يفكه بحسب طريقة العمل وأني لهنا بعد مااعرف شي روح دور على يونس السوداني اخر مره كان هنا بس هو ما يثبت بمحافظة من محافظه للمحافظه يعالج ناس ، واخر مرة هو بلبصرة بس حاول تسأل الروحانيين بكل محافظة توصل الها كلهم يعرفونه وبعضهم هما يجيبوله ناس يعالجهم ، وهسه تروح مناه وعلاج اختك يم هذا الشخص فكملنه وطلعنه اني وصديقي والف حسبه براسي وين احصل هذا الشخص وهنا قررت ارجع لشغلي بالعسل بلكي اعثر بهل الشخص ومن شفت الحجي تذكرت هو ساكن بالمقابر واكيد يعرف روحاني ، واليوم اجيت عندك شيخ محمد فحجي كاظم گال شيخ سامع هل الاسم گال مره واحد من اقاربنه گعد بيت مسكون وحيل تأذه رغم بيته جديده وتركه وگعد بالايجار بس بعد فترة قالوا رجع للبيته اجاه روحاني سوداني طهر البيت من الي بيه وصحيح البيت رجع طبيعي بس اتصور عندي رقمه وفعلا بده يدور بجهازه وطلع رقمه وخابره وسأله عن الشخص وفعلا طلع هو نفسها وهذا الشخص هم عرفها من شخص ثاني وهم اتصل عليها گالها هو بلغهم رايح للبصرة و بعد ما رجعنه من شيخ محمد اني وارام وبات عدنه ثاني يوم من الصبح سافرنة للبصرة ، وبعد يومين بحث عن هل الشخص عثرنة بيه ، وحجله ارام مشكلة اختها ، وعن المقبرة المهجورة الي باتت بيها وطلع يعرف جده مرت خاله ، ويعرفها هي اشكد مشعوذة ومؤذية ، فگاله اني اجي اوياكم وبأذن الله علاجه عندي بس بشرط ، اختك ماترجع لزوجها لان اذا رجعت وجددت العمل عليها هل المره تقتل نفسها بدون نقاش واني اعرف شحجي نياز واعمالها شيطانيه اعرفها بشكل جيد ، ياما قتلت ومرضت وفرقت بين اثنين ، وفعلا اجه المعالج اويانه انه نزلت بالنجف وهما كملوا طريقهم لاخته حتى يعالجونها وبعد مامر شهرين ، اتصلت على ارام گالي عمو اختي الحمدالله تعالجت ، وبددت ترجع لطبيعته اشويه اشويه وبددت حتى حالات الصرع تجيها تختفي ، ومن بددت ترجع لعقلها ، بددت تسأل عن زوجها وكل المرت بيه ماتتذكر منها اي شي اخر شي تتذكر من كانت بلقبر وتگول من وگعت واني انادي خالتي وامها وهنه يقولن احنه راح نروح واني مرعوبه وابجي و اشويه وحسيت مثل الحشرات تزحف بددت تصعد على رجليه ، واشم ريحه كريهه وريحه نفس بوجهي بس هذا النفس حار مثل الهب يحرق وجهي وشخص بعيد ينادي باسمي وبعدها فقددت ماصحيت الا واني عدكم واديه مربطه ورجال الروحاني يقره عليه ، ومن بعدها اختي كالت هذا الشخص بعد ماارجعلها ، وهسه رفعت دعوة طلاق وقررت ترجع لحياتها لشهادتها ، واحنه قطعنه كل علاقة النه مع بيت خالي هذا ومانريد منهم شي بس ورقة طلاق اختي ونعيش بسلام بعيدا عن المشاكل والاعمال الشيطانية والأذى ، واني اشكرك عمي على وقفتك اوياي وخلص المكالمه عبارات شكر وامتنان ، وأخر القصة احب اكلكم شي بيت شعر لطغرائي عن الشخص الحسود يقول فيه :
واحذرْ حسودَك ما استطعتَ فإنه
إن نِمْتَ عنه فليسَ عنك براقدِ
إن الحسودَ وإن أراكَ توَدُّداً
منه أضرُّ من العدوِّ الحاقدِ
كون حذر لان مو كل من ضحك بوجهك هو محب ولا كلمن ادعى الموده هو مخلص وصادق . ودمتم بحفظ رب العزه🙏 ♥️
