فبعد ماتوفى ابويه بقيت عد الجوارين فترة لكن حسيت نفسي صرت ثقيلة عليهم فتركتهم ورجعت لبيت ابوية لكن اني مو لوحدي بلبيت أمي اوياي حتى من كنت عدهم ابد ماتركتني لكن اشلون ذوله مايشوفها مااعرف ومن اكلهم على امي يكولون امچ هجت ماتنعرف وين هذا كلام اعمامج وابوج قبل لا يموت وكلها تگول خطيه شوف الصدمه اشلون أثرت بيها فصارت تتخيل امها ورجعت للبيت امي اوياي وماعافتني واني بهل الفترة وصلت للثالث متوسط هنا بيوم فجأه لكيت عمي يدك بالباب فرحت فتحتله الباب اهلا عمو تفضل كال
انت بنت اخونه وعرضنه ما تبقين لوحدج بعد راح انبيع بيت ابوج تجين تسكنين عدنه بيت اعمامج كافي تبقين لوحدج احنه نربيج ونصحح تربية امج تربية الملاجئ والشوارع وهنا أحس كلام عمي خانجر بقلبي ومن جاوبتها كام وضربني على عيني تشوفين خاله الندبة الي بعيني هاي ضربة عمي ، فما مابيدي شي اله ادموعي الينزلن سكته لكن فجأه امي طلعت ورها وجهه صار احمر مثل الدم .فأني من حزني وهضمتي صحت يمه فهو كمل ضرب تصيحين على أمج العاهرة الي عافت اخوي وهجت شوفي وي منو بعد مااخوي حواها من الملاجئ والشوارع ، وخلال اسبوع باعوا البيت واخذوني غصبن اعليه للمحكمه اوقع وكالوا اذا اعترضتي نقتلج يابنت اللقيطه ،ودينار ماانطوني من فلوس البيت رغم باعوها بسعر غالي لان بيتنه بمنطقة زينه ، وانتقلت مع بيت اعمامي الي هو بيت جدي ابو ابويه اصلن وصرت ملطشة خدامه وبطلوني من المدرسة الي كانت روحي بيها لكن ، عمي الي ضربني بعد يومين جاي يغسل بمكينه سيارته بلبانزين وفجأه شبت النار بيها مانعرف شنو سببها واحترگت ايده وكال دكتور لسلامته لازم نبتر جف الايد كامل حتى ماتتلوث وينشب بيها المرض الخبيث ، لكن ماأخذت ابالي الي صار اوياها يكون بسبي ، وعقوبة الها لان ضربني وظلمني وأكل حقي فسألتها الحجية هم شفتي أمج من طلعتي من بيتكم فجاوبت اي امي كانت اوياي وابد ماعافتني وحتى من رحت للمحكمه اوياي واشكد احاجيها احسها تسمعني بس ماترد بس تبتسملي ابتسامتها الحلوه الدافية وماتحجي الا أن مره من المرات كنت جاي انظف بلمطبخ التفت لكيت عدي ابن عمي الجبير واكف وراي ونظرتها مو مريحه رغم اني لبسي بلبيت كلها طويل ومستور بس هو ساقط وسمعته فاشله بلمنطقة فحاول يتقرب عليه فدفعتها وفجأءة انضرب على وجهه ضرب بكل قوة بس مو أنه الضربته لا أمي الضربتها لحد ماوجهه انشل وصار اعوج والسانه انشل صار بس يصيح وماينفهم حجية فأني تركته وطلعت اركض لغرفتي وقفلت عليه الباب هنا عرفت أمي الي تطلعي مو أمي لا هذا كأن مو من البشر على شكل وهيئة امي وره اشويه اسمع البيت انخبص واخذوها للمستشفى بس الحمدالله هو حلكه انعوج لايحجي ولاينفهم شيگول ، صح فرحت لان مايحجي بس عيني طلعت من شغل البيت الي انكسر ظهري بيه لوحدي وكل اليجي يتأمر على ندى من نسوان اعمامي وعماتي وبذات عمتي ساهره مااعرف ليش تكرهني رغم والله لامأذيتها وخدمتها وماارد بوجها بس دائما تكرهني وحتى ضرب تضربني للعلم هي الشرطت على اعمامي اول مااجيت يبطلوني من المدرسة وابقى بلبيت مااعرف ليش يمكن لان دخلت الخمسينات ومامتزوجه وتركت الدراسة لان فاشلة ،وغبية بدراسة حتى من كان ابوية عايش دائما يذكر هي احد الاسباب الي خلت اهلها يقطعونه وتكرة امي ودائما تصيح لقيطه وبنت شوراع وهل الكلام كدام اهل ابوي لحد ماكرهوه وكرهوا امي بدون مايعاشرونها ويعرفونه في بيوم اجه خطار ، ونكسر ظهري بالشغل وتنظيف والماعين فأصعددت لغرفتي حتى انام اشويه واسمع باب الغرفه تكسر وحده تصيح وتعيط اكعدي يابنت تايه بس فتحت الباب هجمت عليه عمتي ساهرة وطاحت ضرب وغلط وسب حتى باخوها الميت واهانه كلها لان نسيت ملابسها بالغسالة ماشريتهم فبعد الضرب ماكفاها فطلعت من جيبها مكص اتريد تگص شعري لان شعري كلش طويل واحبها وتريد تگصه واني ابجي واصرخ والناس الجوه المايخافون الله مااحد صعد منهم گال خل اصعد اخلص هل اليتمه من ايد هاي المريضه وكلهم يسمونه المخبلة ويعرفون تصرفاتها اشويه وكامت تصرخ عمتي ايده انشلت ماتكدر تحركها وبعد اشويه وبددت تصيح نضال نضال وفاتحه عيونها نضال امي وعيونها وراي التفت شفت امي بس العجيب هي شافتها مثل اني اشوفها بس امي عادية وشكلها طبيعي بس عمتي لا كأن تشوف شكل غير الي اشوفها لكن ايدها انشلت وصارت مثل المخبلها وتصيح هاي البت ملبوسها ملبوسها ونزلت تركض على جدي وبيبي وتصرخ من الخوف ومن ايدها الي انطبع عليها اصابع بشر من نار واحترگت ايدها وبقت بالشهر ايدها مشلوله وملفوه بس احسن شي تعاقبت صارت تخاف تحجي اوياي وصارت تعاملني كأني موموجوده بلبيت وبعد بحياتها ماصعدت لغرفتي وصارت هي تغسل ملابسها وتقضي امورها بعيد عني لكن مابطلت طبع السوسه والنفاق العده ومن بعد هل الحادثة بددت توز بأذان جدي واعمامي زوجوها هل البنت فگر ومثل ماطفت بيت ابوها راح تهجم بيتنه زوجوها وخلصونه منها صدك ورها اسبوعين جابولي واحد من نفس شارعنه للعلم هما راحو عرضوني عليه كأني لحم باير مالها كل قيمه وزوجوني لواحد بيد امها واذا امها تضربني يصير اوياها عليه ومايخاف الله وتزوجته ابلاش الغرفة على اخشاب امها وابوها الي تزوجوا قبل 30سنه والغرض كلشي قديم بلبيت اليه وهو مخلصها بنات وملاهي وشرب ولا اخلاق ولاخلق وضرب وأهانه الا أن مره من المرأت اجه وحجه مع أمها اشويه اشو هذا صعدلي موتني كتل كتل كلها هذا علمود نسيت المرگة بلا ملح واني ماعندي غير اغطي اديه ابوجهي لان ضربها على اديه ويصح اكسر اديج المايشتغلن وما يخدمن امي وابجي وانادي امي وابويه واشويه واشوف امي ورها واكفها بس هل المرة وجها صار اسود اسود ويطلع منها انيين عجيب الصوت قوي لحد ما احس اذاني توجعني منها وهذا مايسمع ومستمر بلضرب والسب واشويه واشوف بدده يطلع من تحت رجلين امي نارر ناررر والغرفة كلها صار عبارة عن نار ونار شبت برجلي وحرگتها حرك هو اول شي احترك من الغرفة وبعد فقدت الوعي من گد الدخان ونار وماصحيت الا بلمستشفى واسمع ام زوجي تصرخ على ابنها لان صار خفت ومات وهاي تصيح عليها المنحوسها الفگر حرگت ابني وهي ماصارلها شهرين من اتزوجتها ، واني ولاكأن اسمعها بالي كلها هذا الكائن مو امي وامي ميته مستحيل عايشة ومنهزمه مثل مايكولون ، لكن هذا الكائن الي على هيئة وصورة امي امنين اجاني وليش يلحقني وينتقم من كل اليأذني وآخر اليوم طلعنه ومااحجيلكم أمي شسوت بيها من رجعنه واخواتها وكملت من اجتهم عمتي ساهرة وصارت اوياهن عليه وكلهن يصيحن كدام العالم المنحوسة الملبوسة ومن هل الكلام وخلصت الفاتحة وامها طردتني من البيت ، وأهل ابوية مايردوني فأني اعرف عمو نزار هذا كان وي ابويه يشتغل بمحطه القطار فرحتله حتى يساعدني وصلت لمكان شغله فگالوا بعد ماجاي صدك والله اشويه واجاني شافني ضل يبجي لحالي گالي ابويه وين اشكد رددت اوصلج محد خلني واجيت لعمامج وعمج جبير طردني بنتي اني مريض قلبي تعبان واريد احجيلج شئ خاف ربچ يأخذ الأمانه ومااكدر اروح لدار الحق واني شايل هل الذنب ، بنتي بيوم اني وابوج عدنه دوام خفر بلمحطه فجأه خابرني وهو يبجي نزار تعالي بسرعه وهو صوته يرجف وگوه يتنفس اشبيك خير كال تعال شغله ماتتحمل تلفون فبسرعة رحتله فوصلت للبيت فتحلي الباب ابوج وهو يرجف واديها كلها دم كتله اشبيك شمسوي كالي عصبتني وتهورت وقتلها كتله منو كال ام ندى وهو يضرب وجه اخوي نزار كالي شتصرف شسوي الحگني راح اموت من القهر اروح للشرطه لو شسوي فكتلها اششش وسديت حلگلها ودخلته جوه ، دخلت شفت امچ سايح دمها ابوج ضاربها سجينها برگبتها ورايحه دمها صافي وصاير وجها اصفر فكتلها دمها صفها وجه اصفر روح جيب شغلات اموات من كفن وكافور وشغلات تجهيز الميت اعرف بيهن لان ابويه يغسل اموات وكتلها شيل مرتك وغسلها وانا اكلك شتسوي وجيب گطن وادوات علاج من صيدلية حتى نربط الجرح خاف اكو دم بعد باقي ، وبالفعل جاب ابوج كولشي ومن بعد ساعة كملنه وغسلنه امج وكفناها ، وكتله انت اغسل الدم ونضف كولشي بحيث مايبين شي واني راح اجيب سيارتي واخذها ادفنها وانطيني المستمسكات واذا سالني دفان كالها مالها احد وجيرانه ولكينها مقتوله واني رجال جاي ادفنه لوجه الله ، وفعلا اخذتها ودفنتها وابوج بقى بلبيت علمودج من ترجعين من المدرسة وعلمود ينضف الدم وبنتي انا تعبت وضميري يأنبني على سويتها بأمج وتسترت على صديقي واستغليت هي مسكينه مالها احد ومحد راح يفگده ويسأل عنها ومرض قلبي كلها من تأنيب الضمير ابوج مات وارتاح واني بقيت هنا واني بس اسمع وادموعي تنزل كأن حياتي نقصه تحطيم اكثر وحزن جديد يكسر ظهري فكتله أطلب منك طلب وديني دليني بگبر امي وذيچ الليلة ، الي لگاني بيها الحجي بلمقبرة من وصلت القبر امي اشويه وعمو نزار اعيونها وراي صارت وبده يصرخ ام ندى سامحني ام ندى وطلع يرگض من المقبرة وبقيت لوحدي يم قبر أمي وهاي قصتي خالة ، وابو خطاب يگول من حجتلي زوجتي اتذكرت صحيح هل المره انا دفنتها وجابها واحد اسمها نزار من انطاني مستمسكاتها وكالي جارتي ومالها احد ولكينها مقتوله واجيت ادفنها ، والبنية بقت عدنه طيبه مؤدبة وهاي يتيمه فأخذتها للشيوخ يعالجون من المس وهل الامور فگالوا هاي مو روح امها لا هذا جن عاشق على صورت امها ومتعلق بيها لدرجه مايتحمل يشوفها تحزن فظهرلها على صورة امها فمررت شهور وهي تتعالج واهلها ماواحد اجه دور عليها او سأل ، ناس ماعدهم صلة رحم ومثل ماتعرف ابني خطاب زوجته متوفيه وعده بنات اثنين يتامه فخطبتها الها وافقت وتعلقت بلبنات وعوضتهن عن امهن واليوم ندى زوجه ابني وهي ام البيت
المعدلة الطيبة.
شهرزاد عماد🎀
