الا ان يوم اختي وگعت عدهم وجابوها النه وكانت ترجف وتجيها حالات مثل الصرع ، وتصرخ وعينها تنگلب ، وحالته الغريبه فنقلنها للمستشفى الطبيب عاين حالته على انها حالة صرع ، نتيجه حزن ،او بمعنى ادق نتيجه حالة خوف او رعب مرت بيها ، وبعد من بقت اسبوعين بلمستشفى ماتحسن حاله اخر شي سمعت الاطباء يحجون بينهم يردون يحولونه مستشفى للامراض العقلية هنا تخبلت اختي المثقفه الدراسة مجنونه مستحيل فأجيت لابويه كتله يله نطلع گال ليش كتله نطلع وبلبيت نحجي فبدون وعي اخذت اختى وابويه واطلعت ورجعنه للبيت ، وبليلته مانمت للصبح فقررت الصبح اروح لزوجها افتهم منها اختي اشبيها وللعلم هو جابه وشمرها علينه وراح ولا كأنه ذاك ذبح نفسها حتى يتزوجها ولاكأن هاي مسؤؤليته المهم الساعة ب6الصبح اني براس شارعهم منتظره يطلع لان مااتحمل انزل واشوف هل الحقيرة زوجه خالي ، فوالله ورها ربعه ساعة من الانتظار اشوفه طلع ، بس شگله متغير ولحيته طويله وشكله مريض يمشي بغير وعي المهم نزلتله ديار اختي اشبيه ، ماجاوب صفن بوجهي اشويه وهو مثل المجنون يتصفن ، ورها بجه گالي اختك راحت للمقبرة الجبل مع امي وبيبتي بليل وكتلها لاتروحين ،وهي عانددت وراحت ومن رجعت بليل اگعد الگاها شگله بشع ومرات اشوفها مثل وجه القرد وانرعب منها حبيبتي جوان تغيرت صارت ،مجنونه وامي تقلي ارح اخليها تحمل وماحملت تمرضت بليل تتشنج ، وتكره تسمع القرأن والاذان وامي تكلي هي بعد هل الحالة تحمل لاتخاف ومامهتمه وبعدها تركني ومشه واني ضليت حاير وتيقنت اختي زوجه خالي خبلته عن قصد لا تحمل ولاشي بس هاي تريد تقتله بعمل شيطان وبده يرجع كلام امي الله يرحمه لابوي عنها وعن جدتها السحارة، وهنا اشلون اخذت اختي للمقبرة الجبل هل المقبرة مهجورة من اسنين طويله وحتى اهل القرية الي بصف الجبل هجروا المنطقة والسبب ، حسب كلامهم البعض بيوتهم تحترق بدون سبب والي يقولون بليل يسمعون اصوات نساء تبكي وتصرخ والي يسمع اصوات اطفال وهذا القرية والمقبرة مهجوره من سنه 79 والمكان مرعب بنهار اشلون هايه اخذت اختي وراحت بليل ، لهل المكان وموضوع الحمل عند دكتور شنو علاقته بالمقابر هاي كذابه اخذت اختي حتى توصلها لهل الحال فرجعت للبيت لگيت ابويه ، خطيه واگعة ومتشنجه مثل حالته اول مااجتنه فرحت ارگض بدون وعي للشيخ رعد شيخ الجامع ورجال حافظ كلام رب العالمين اجه اوياي من اجه وشاف حالتها ، ضل يضرب ايد بيد گال لاحول ولاقوة الاباالله العلي العظيم 💔 فعنده ماي زمزم فرشه على وجهه ، وبدده يقرة ويقره قرأن اشويه واختي التفت عليه وعيونها مثل قطعه الدم حمرة وتحجي بصوت مثل صوت الرعد صوت مرعب وقوي صاح بقوه اطلع من المكان لا احرگ البيت هاي الي روحها انباعت الي ومااطلع منها الا اقتلها ولا انت ولا الي تقرة يأثر بيها اشويه واختي انغمى عليها ، وفقدت فشيخ گال ابني رحم الله امرئ عرف قدر نفسه الي بأختك شي قوي جايها عن طريق سحر ومو اي سحر سحر اسود والخادم كافر وهذا العمل معمول بمقبرة على تراب جثة شخص ميت من سنين طويلة حتى اختك تصير رماد وهي عايشة يعني ماتبقى لابصحتها ولابعقلها ! وانطاني ماء مقري عليه كال اذا كلش تشنجت اشمر عليه هذا الماء تهدأ اشويه وماتأذي نفسها ، وتركني وراح وظليت محتار شسوي ، فعندي صديق يحب هل الامور والناس تقرة طالع ويؤمن بهل الشغلات كنت دائما اضحك على قناعته بهل الشي فگلت اروح لصديقي بلكي يعرف شخص يعرف بهل الامور صدك والله بعد ما ضربت اختي ابره المنوم القويه تخليها نايمه خاف تگعد وابويه خطيه مايگدرلها ومريض رحت الها وحجيتله قصة اختي گالي اني اعرف مره عجوز تقرة الطالع هل المره يزيديه بس مجرب كلامها نهائيا ماتغلط وتوقعها بالمكان وسمع انو هي كانت تشتغل بسحر لكن بعد ما مره سوت اعمال ونقلبت عليه واحترگت رجليها تابت وتركت شغلات السحر والشعوذه وصارت تقرة الطالع وكلامه مضبوط وناس تجيها من كل مكان احاول هذني اليومين اخذلك منها موعد ونروحلها وصدك والله بعد ايام اتصل بيها كال حضر نفسك باجر حصلتك موعد منها
واتصور هي تگدر تعرف اشلون اختك وصلت لهل الحاله ، وطول مده انتظاري للموعد اختي مانخليها تصحى كلها على علاجات المنوم لان اذا صحصحت تتحول لبشر مرعب تكسر وتأذي نفسها وتتشنج ومره تبجي ومره تضحك ومره تحاجي ناس بلغة غريبه لاهي كردي ولا هي عربي لغة اول مره اسمها ، وابويه من يشوف حالتها يزيد عليه القهر والمرض فالحل الوحيد ابر المنوم تخليها فاقده وماتدري بدنيا علما نشوفلها حل ، وحسبي الله ونعم الوكيل على الي كان السبب ، فالمهم رحت لصديقي وتركت سيارتي بيتهم لان المره ساكنة بيت معزول بطريق وعر وصعب ماتمشي سيارتي احسب شيخ طلعنه من السبعة الصبح ماوصلنه لبيته الا بلخمسه العصر المهم وصلنه بيت زغير وماكو احد دگينه الباب طلعتنه ، مره الظاهر تشتغل اوياها فدخلتنه على مره عجوز كلش على عكاز بس من تحجي صوته خشن وتخوف من شالت راسها عيونها بيض ماتشوف ورجليها محروگات ، فگالت ارام اشعندك هنا فأني باوعت على صديقي گال والله ماكتلهم شي عن اسمك فهي ضحكت كالت ماگالي شي ، احجي انا لو انت تگول العندك ، فكتله اذا العندي تعرفينه اني جاي اسمع منج فضحكت كالت اختك اخذت ابن حفيده نياز مو كتلة منو نياز كالت الي امك حجتلكم عنها جدة زوج اختك السحارة اني كنت الخدامه مالتها واني عمري 14سنة وهي علمتني كل هذا ، وهذا شغلها اني اعرفها بس مرت خالك خوش حفظت شغل جددتها بس اختك مسكينه صارت ضحيه هل الماكرة واني راح احجيلك شصار بتفاصيل مو لخاطر لخاطر ابو امك المرحوم لان اله دين برقبتي قديم ، واله معزه بقلبي تبقى لحد مااموت ، المهم اختك ام رجلها عمرها ماحبتها ورادت تموت بالسحر من ايام خطوبته ابنها الها ومتخبلة من اول ماحجها ابنها عنها ولعلمك اجتني وكانت تريدني اشتغلها سحر اسود ومو اي سحر هذا سحر محد يگدر يسويه غير جددتها وحتى هي وامها اشكد حاولن يتعلمنها وماكدرن ،ومحد عرفها بعد جددتها غيري انا وطردته وكتله اني بطلت هل الشغله من زمان ، ولعلمك اختك ماحبلت لان هي عملت عمل للحمل ، حتى ماتحبل واختك كانت تشوف شغلات بلبيت ، حتى يخبلنها ،هي واخوات رجلها واختك كانت تتقوى بالقران فما أثر فيها العمل ، بس منعها من الحمل ففكرت هشي مايجيب نتيجه من شافت حب زوجها الها زاد مانقص ، فرجعت وسوت عمل لصحتها وبدده شعرها يوگع وجسمها الحلو يذبل وكل هذا مابدل حب زوجها الها ، واني هنا مصدوم شنو من مره هاي تحجي الاحداث كأنما عايشة اويانه فقطع كلامه شيخ محمد اخويه لا تكون بهذا اليقين (كذب المنجمين ولو صدقوا ) واحنه مسلمين ونعرف كل هل الامور تصير بتسخير والشرك بالله ،كمل اخويه واعتذر قطعتك ، فكمل ارام وگالها فغيرت تعاملها مع اختك ومثلت المحبه حتى تكدر توصل اكرمكم للشغلات نسوان من اختي حتى توصلها لهل الحاله ، واختك كانت تحذر منهن وتقرة قران وتصلي والشي الي اخذتها من اختك بفترة تگطع بيها عن الصلاة وعن كلام رب العالمين حتى تكدر تأذية ، واجته بحجه علاج الحمل وقشمرته وگالتلها نروح لمقبرة الي بلجبل تطوفين على سبع قبور قديمه تنفتح عنج عقده الحمل وتحملين وفعلا اخذته وراحن بليل ، والماتعرفون انتم جدة مرت خالك اندفنت هناك ومن ورها دفنها ناس هجرة القرية والمقبرة لان الناس صارت ماتقبل على اهلهم يندفنون لجوار هاي الكافره والمشعوذه ومرت خالك وامها ، كانوا يروحن بليل يزورن القبر ، وفعلا القرية انسكنت بعد موته من قبيله غزازير اكثر قبائل الجن كفر برب العالمين وهاي القبيلة كانت معاقبة من أيام النبي سليمان ، وتكره البشر كره والي يحاول يسخر منهم مايتم العهد معاهم الا يكفر حتى يقبلون ، بولاءه ويطيعونه ويخلونه يرتكب كل محرم ، وفعلا اخذنها هي وامها وخدعنها المفروض تلبس ملابس طويله وطوف بهل المقبرة حتى تراب المقابر يخلصها من النحس وتحمل وكانت تمشي وهنا يشمرن حجار وراها حتى تنرعب او يشغلن بالها ، وينفذن الي ابالهن ، وصدك لمن وصلت قبر قديم متهدم شمرن حجار التفت حتى تسألهن ،شنو هل الصوت دفعنها هي وامها وگعت بالقبر المفتوح !!!
يتبع بالجزء الثالث 🎀
