قصة ﴿لعنة أمروخ﴾
آلُجٍزء آلَآوٌلَ
اليوم راح احجيلكم قصة غريبة وهل القصة صارت مع زوج اختي طول عمري احجيلكم قصص مقابرنه بوقتنه الحاضر اليوم راح احجيلكم قصة من المقابر القديمه الي عمرها قبل عشره الالاف سنه واكثر هسه تتعجبون حجي شجابك للمقابر القديمة والاثار راح اكلكم ابن ادم اذا حكمه الطمع، والجشع يروح يبحث بلقديم والجديد بس احب انطيكم نصيحه القناعة كنز ، واول شي اكلكم اختي متزوجه من رجال مهندس ومثقف وموظف واختي معلمه قديمة والحمدالله امورهم زينه عدهم بيت بمكان زين وسيارة وموظفيين يعني مامحتاجيين احد وحياتهم احسن من اهواي ناس غيرهم لكن الشي الموزين بالقصة هذا زوج اختي طول عمرها ماحمد ربه وشاكرة طول عمره عينه على الي اعلى منها ويقارن نفسه اوياها مايباوع للي اقل منها ويحمد ربة على النعمه العنده ، وبددت قصتي اوياهم بيوم رجعت من الحراسة ساعة بلخمسه الصبح ونمت والله ورها اشويه اسمع باب يندك واحد يصيح بالباب ابو خالد الحكني اختك تموت بالمستشفى اني هنا ارد اكوم على حيلي ماكو رجليه ماتت من الهبطه ،وطلعت اركض اني وابني خيرك ولك مهند اشصاير اختي اشبيها بس يبجي ويلطم اختك احترگت الحكني راح تموت ويصيح انه قتلج ناهده اني كلها من وراي ويلطم ويبجي المهم رحنه اني والولد وهو والحجيه رحت لناهده اختي لكيتها شحجيلكم عازلينها ومن ورها جام نشوفها وهي تصرخ جسمها صاير لحم مستوي وكاعدات المضمدات يگصون بالحم االمتحرك الله لايشوف هشي لاحد ، والشرطه والدنيا مخبوصة عبالهم رجلها حارگها جرجروه وهو يبجي ، واسمعوا شهادة
الجهال طلعت كهرباء ضاربه بغرفتها وحارگة كولشي وهي نايمه الظهر وهو بدوام وجهال بلمدارس لحد مارجعين لكين نص البيت محترك وجيران فازعين مخلصينها وماخذينها للمستشفى بس بعد ماجسمها مشوي وباقيه بس نفس رحنه للدكتور گال ننتظر لو ربكم يلطف بيها لو يتسسمم جسمها والأعمار بيد الله💔
المهم بقينه بليل اني وهو ولدي والحجية كنالها اخذي جهالها وراحت تبات اوياهم هي واخت زوج اختي ،وهو ماقبل لا يجون لبيتنه لان ابعيد وليل ولا يروحن لبيت اختها لان هو جهالها الاكبار بنات واخته بس ولد عدها فگال غرفتين مابيهم شي بلبيت ولاتوصلون جهه المحروگة ،ناموا هل يومين علما ناهده تكوم بسلامه وارجع اعدل البيت ، وعددت اول ليله وثاني يوم من الصبح اجت الحجية وهي لونه مخطف وشكلها مرعوبه وليله كلها مانايمه خيرچ حجيه بيچ شي كالت تعبانه اشلونه ناهده كتله والله على وضعها تحت المراقبة ، فگالت لرجلها الجهال اخذتهم اختك لامك ومايرجعون للبيتهم لحد ماامهم تكوم بسلامه حتى ماتخسر جهال مثل ماخسرت امهم بس شنو بغضب فكتله حجيه اكو شي كالت موقتها احنه بالمستشفى نرجع للبيت ونحجي فأجه دكتور گال ارجعوا المريضة تحت المراقبه وانتم كبار بلعمر وانتظاركم هنا مايغير شي يبقى شخص مرافق اذا استجد شي هو يخبركم ، وكلشي لابيدي ولابيدكم بيد رب العالمين ، فزوجها كال روحوا انتم واني ابقى مااعوف ناهده لحد مااتطمئن عليه فرجعنه للبيت حتى نرتاح واني بقلبي سؤال بس اوصل ليش زوجتي وجه مرعوب بس لا زوج اختي هو الحارگها بس ماحجت حتى ماتصير مشاكل فوصلنه وارتاحينه فسألتها حجيه ليش حاجيتيه هل الشكل اكو شي هو اله يد بالي صار لاختي كالت اي الها وموالها كتله شنو حزوره؟! كالت لا جهال حجولي بيتهم صارت تصير بيه شغلات غريبه من بعد ماجايب تماثيل وكتب قديمة للبيت تحجلي سارة بنت اختك تكلي بليل يطلع صوت غريب من الغرفة الي بيها تماثيل والكتب قديمه حتى ورقهم من جلد وكل گلوب نخليه بالغرفه يضرب ويحترك مجرد مانشغله ، وامي قبل فتره من حرگها دخلت للغرفة تريد شغلها شافت عجوز شكلها مثل الساحرة عيونها تضوي بلضلمها وهي مقابله تماثيل وتبجي بكاء قوي ومن فتحت الباب امي التفت عليها وصرخت بوجها ورها هل الحادثة بقت امي اسبوع ماتسمع وكل مانگل لابوي يگول خرافات ولا تباعون افلام رعب ماكو شي ، فأني اشگ رجل أختك سحار شيسوي بهل الكتب وتماثيل والغرفة كلشي مابيها رغم هي بصف غرفة اختك الي احترگت ، ومن نمت عدهم بالليل ليلنه كلها نسمع صوت مره تصرخ صراخ مرعب ومره صوت مثل صوت البزازين ومره نار تشتعل بالغرفة نفتح الباب ماينفتح والصوت مااختفه اله لحد ماصاح الله أكبر وجهال اختك مرعوبين ويترجفون ويحجولي الي صار اوياهن قبل لاتحترك امهن گالت نشوف العجوز الي شافتها امي تمشي بلبيت ومره بغرفتي مره بغرفة اخواني مره تطلعنه بمرايه امي وهي تصرخ وتبجي وبليل نطلع نشرب ماي من المطبخ نشوف خياليين سود وگفات باب الغرفة الي بيها التماثيل والكتب ومن جاب ابويه عبود الاعور هنا اني عبود السحار اشعدها بيت اختي كالتلي مو اكلك اشك برجل اختك يمشي بهل الطريق.....
يتبع
في الجزء الثاني 🎀
