تعرفون اليوم وين رحت للقبر بنتي ورده الجوري (هبة)الي خطفها الموت مني وهي عمرها بالعشرينات بعدهي عروس تعرفون شنو القتل بنيتي حسن النيه مع الناس الغلط اي بنيتي كسرت گلبي وراحت تدرون أشكد صعب عالام او الأب يدفن ضنه وهو يبقى عايش لا والله يبقى جثة وتتنفس اعذروني قلبي مكسور واليوم رحت حتى من خليت للقبر ماي ما ارتوت وحاجتني راح احجيلكم قصته حتى تتعضون أياكم تثقون بمتصنع الود لان هذا اذا لدغ سمه اقوى من سم الافاعي ، بنيتي شابه وحلوه ومتفوقه ومن الاوائل كل سنة تطلع وصلت السادس أدبي وكانت عمت عيني عليها تاخذ دفاتر صديقتها حتى تقرة لان مقدره حالي ماعندي ادخلها دورات مثل صاحبتها ورغم تدرس الوحده بس تاخذ درجات أعلى من صديقتها الي يدخلون دورات هي وبنت خالتها شفاء كانت نفس الصف بس شفاء عكسها تماما فاشلة ودولوعة وابوها اكبر تجار ومحلات وكثر دلال خرب اخلاقها وجعلها فاشلة لابدراسة ولا بأخلاق مع المدرسات والكل يشكي منها من مديرة المدرسة لحد الفراش وتسوي كل مصيبه ولاثانية بس تنسد بفلوس ابوها وعلاقتها وكانت طول عمرها تكره هبه وتحقد عليها لان هبه افضل منها بكولشي تدرس ومجتهده ومؤدبه وهادئة والكل يحبها ويحترمها ، فكملت السادس والحمدالله طلعت الاولى على فرع الأدبي بمعدل 98 بلميه وفرحتنه بيها ماتنوصف وتكرمت بالمحافظة رغم ضعف الحال ما وقف عائق كدام طموحها وكان حلمها تدخل كلية اللغة قسم اللغة الفرنسية ، وقدمت وانقبلت وداومت وهي مثل مااعرفها المتفوفه والشاطره وكل سنه الاولى على قسمها ، وصلت هبه للمرحلة ثالثة بيوم اجتني زوجتي كالت حجي اختي ضوية جايه من امريكا واخواتي متجمعات بيت اهلي راح اروح واخذ هباوي اوياي فكتلها هذهوا وهبه كالتله يمه عندي امتحان وباقي اشويه من المادة نكملها ونروح زوجتي هاي اختها من ابوها وهنا اثنين ضوية وسيلة ضويه هاي طلعت لامريكا من التسعين لان زوجها بالمعارضة وسيلة هي ام شفاء مرت التاجر وحده مغرورة دائما تذل زوجتي وتغثة بكلام لان حالتنه على كدنه وضعنه تعبان ودائما تجينه زوجتي وهي مهضومه منها والصدك بيني وبين روحي ماودي تروح اكيد شفاء وامها هناك وراح يغثوننهن ويسمعونهم كلام سم وينقهرن ،المهم راحن وزوجتي تحجيلي وصلنه وشفنه ام علاء اختي بعدهي ذيج الطيبه ام قلب الابيض وفرحت بهبه كلش وتسألها عن دراستها وعن احوالها وكلش حبت هبه رغم اختي ام شفاء تعرف كلش انقهرت من اهتمام ام علاء بهبه واحنه كاعدين دخل ضياء ذاك السافر وي امها بالكماط صاير رجال وادب وجمال وتدري يدرس مثل اختصاص هبه وهو مدرسة لغة فرنسيه بمدرسة ثانويه بامريكا بس يااخويه بنت اختي شفاء صدك هاي مامتربية ياحجي لبسها مو محترم مصلخه وكاعده يم الولد وتكمز وكلسع مبدلة لبس افضح من الثاني ، وتخبلت هي وامها من كالت ضياء اريد يتزوج عراقية مااريد وحدك مناك بس وهي عينها على هبة حتى هو الولد حسيته عينها مانزلت من هبة بس تعرف حجي أني وهبه انكسر قلبنه اليوم أختي ام علاء تسأل عنك وعن حالك تعرف شترد ام شفاء رجلها يشتغل زبال ههههه بضحكه استهزاء وبعدين كال لالالا دفان فأني وهبه وحده باوعت لثاني ودنگنها وهي فشلتها كالتلها الشغل مو عيب العيب اليصير تاجر من ورها الربا ومال الحرام ويبقى يتكبر على اعباد الله يوسيله وشوفي لگمه الحلال هاي نتيجته هباوي المتفوقه جنها ورده جوري وماشاء الله رفعة راس وهي تباوع لشفاء بأستصغار فبنتها حتى تضيع فشلة امها كومي وسحبي ضياء من ايده واطلعي لبره تعال تعال اشوفك بيت جدو اكيد ماشايفة ، وهبة بقت گاعده فهو كأللها مااريدج انت ادليني اريد هبه تدليني واذا تردين 😒 انت تعالي اويانه ولو انت تعرفيينه مالها داعي تجيبن وأني وهباوي نفس الاختصاص نتفاهم بس انت راح تبقى اويانه بس مااتصور تفهمين بلفرنسية وهو يضحك بأستزغار واستهزاء وهبه كدامهم كال يوم اروح اولا كتله روحي بنيتي لان اشوية وانروح لان تأخرنه وتعرفين ابوج واخوانج مالهم احد فأمها من القهر كالت اي محد يسويلهم خبز وجاي للعشه وهي تضحك بأستهزاء واله اكولج اكو اكل بالسفرة زاد اخذيه الهم حتى يضوكون اللحم خطيه لان صار هواي ماشايفينه فأني وهبة وحده باوعت لثانية ، ودنگنها وراحت هبة مع ضياء وانه اباوعلهم هو احسها كلش حاب هبة ومندمجين وهما يحجون عن الفرنسي وعن ادروسها بجامعة واشويه وطلعتلها وكتله ياالله نروح فهو اصر گال اني اوصلكم فكتله لا خاله انت غريب وماتندل أحنه نروح وللعلم من گال اوصلكم شفاء لبسه برموده ومصلخة لا لانروح ضياء ابقى اوياي خل نتونس انت من امريكا ل لبيوت الفكور بالمقابر ياعيني يصير بيك شي هما يرحون لا ادوخ نفسك بيهم ذولة ناس متعودين على هيج اماكن، ومن طلعنه هبة تكلي خالتي وسيلة انطتهم شفاء وشفاء تريده علمود تزوج وتسافر وصدك يمه خالتي ام علاء رايدتها من زمان ، كتله ماادري يمه مالنه علاقة ليش
كتله هباوي عجبج كالت لا يمه اني عندي جامعتي ودراستي والباقي عدم كتله هو عينه منچ كالت يمه انا وين وهو وين صح هو مؤدب وحباب بس مالي علاقة بيه هو ابن خالتي وقدمنه حقوق صلة الرحم وهذهوا ، بس تدرين يمه انقهرت من تستهزء بشغل ابوي ولو ماخالتي كان رديت بوجها غير رد .
المهم رجعوا زوجتي وهبه ونسينها الموضوع والله ورها اسبوع اتصلت ضويه كالت جاينكم اني وضياء بس منريد احد يعرف شي عن هاي الزيارة
يتبع
شهرزاد عماد🎀🎀
