آلَجـ♥̨̥̬̩ـزٍء آلَثـ♥̨̥̬̩ـآنـي
وبعدنه نحجي اني وزوجتي فدك التلفون زوج أختي من المستشفى اختي مع الأسف توفت لاحول ولاقوة الاباالله العلي العظيم فرحنه بسرعها للمستشفى ، فلكينها زوجها وبناتها يكسرون القلب وبالذات بنتها الزغيره كلش منهارة على امها وتبجي والمنظر يقطع القلب وفقد الأم مو هين يكسر القلب ويعذب الروح المهم كملنه الاجراءات واخذوها للمغيسل النساء وكملنه تحضيرة ودفنها اصعب شي بدنيا ان تدفن اختك بيدك لكن أمر الله ومالنه الا القول اللهم لانسألك رد القضاء ولكن نسألك اللطف فيه ، ورحنه للبيت اهل زوج اختي وكملت الفاتحه تلث تيام وبعدها هو بقى تقريبا مده اسبوع بيت اهلها لحد ماجاب ناس عدلو البيت وصبغوه وشالوا كل اثار الحريق ومن هل الاسبوع رجع للبيت هو وجهال واخته بقت فترة عدهم ،لكن مره وحده كالت بعد مالي علاقة مااجي ابقى عدكم فهو تحمل مسؤؤلية الام والاب لجهاله لكن بليله تقريبا ساعة ب2 بليل دك تلفوني واني بالحراسة سارة كوه تحجي خالو تعال الحكني راح اموت من الخوف اني واخوتي ابويه مدري اشبيه وگع بالارض ويتشنج بشكل غريب ويطلع منه صوت يخوف خالو تعال اتصال على اعمامي محد يجاوب وعمتي خابرتها تكلي بيتكم مسكون اخاف اجيكم للصبح واجي فهنا عفت كولشي ورحت اركض للبيت اختي بلا وعي لكيت ابوهم وگع بالارض ورجليه واديه معقوفات بشكل يخوف وبيها حاله تشبه حاله الصرع فأخذنه اني وابني وركضه للمستشفى وهناك ابر وعلاجات كالوا عنده حاله صرع عرضيه جايتها عن طريقة صدمه او خوفه قويه فهنا اجه ابالي كلام زوجتي عن سحر والكتب وعبود جابه للبيت المهم صار احسن ورجعنه للبيت بس هو مو طبيعي ساعه يضحك ساعة يبجي ومن انحاجيه عصبي واني محتار شسوي وي هذا كتله خل اخذ البنات لبيتي ضل يصيح ويحجي بغضب لا بناتي مايطلعن من بيتهم امهم ماتت يضل من بيت للبيت لا هذا بيتهم ومحد يطلع فراح ينام فحجيت وي سارة بنت اختي جبيره كتله خالي اشبيه ابوج كالت ابويه خالي يخوف بليل يقرة كلام غريب ويشعل اشموع مرات يجرح ايده ويطلع دم يرسم بيها مثلثات ورموز غريبة ويحجي وي اشخاص لكن من اباوعله من جوه الباب هو گاعد لوحده خالي وبيتنه بليل يخوف تفتر بيه عجوز مرعبة كانها شياطين بس تصرخ وتبجي وتملخ بشعرها لدرجه تطير قطع من شعرها بلگاع ،واني بليل من اطلع اشوف مثل الخياليين واكفات باب غرفة الي مخلي بيها بابا التماثيل والكتب جابهم ومن أگل لابويه مايصدكني واني بليل اشوف بالاستقبال ملك ضحم وشعره طويل گاعد بالاستقبال بالظلمه ومن اشغل الاناره ماكو شي خالي اني اخواتي يشووفون اكلهن ماكو شي لان اخاف عليهم و اني راح اموت من الخوف الله عليك ابقى اويانه بليل لاتروح للبيتكم اني مرعوبه وعمتي عافتنه
لان كعددت بليل لكت مرها شكلها يخوف گاعده عد راسها وتباوع بوجهه ومن فتحت عيونها وصرخت فعمتي خافت وگالت بعد مااجيكم ومن كالت لابويه ماصدگها وتعارك اوياها حتى بيبي اجت وبقت عدنها دخلت للمطبخ بليل شافت شخص شكلها مثل القرد جسمه وراسه بشر كاعد ياكل باقي الاكل علطباخ ومن گالت لابويه تخبل عليها وضل يصيح انت كبرتي بلعمر وصرتي تتخيلين حتى رادت تاخذنه اوياها ماقبل ، فبذيج الليل بقيت عدهم وقررت ابقى عدهم لحد مااشوف حل لهذا الرجال اشبيه ، فگعددت اوياها وهو متضايق مني ، فكلت والله تضايق تطرد مااعوف بنات اختي الك وتخبلن فبقيت اول يومين والله ماكو شي ،فثلث ليله اني متعود بليل اذا ماعندي طلعة افتر علقبور اقرة القرآن الكريم ، والله جاي اقرة وبنص القراءة اشوف على ضوه انارة الغرفة الخفيفة بزون جبير لونه اسود وعيونه بيض واني ولا گأن اشوفها بس اشويه وبده يطلع منها صوت يزمجر واني مستمر بكلام رب العالمين واشويه ودخلت سارة فتحت اضاءة الغرفه فتحت عيوني زين ماكو شي فتعوذت من الشيطان ، وكلت جائز اثر بيه الكلام وصرت اتخيل فصليت ركعتين بعد ماكملت قراءة ونمت ، وثاني يوم الصبح اكعددت هذا رجل اختي ماكو سالت سارة كالت خالو ابويه من اكعددت ماموجود هنا قررت افتح الغرفة اشوف شنو من كتب وتماثيل عنده لان هو تعارك اوياي من كتله ارد ادخل اشوف شنو بالغرفة فحاولت ماانفتح الباب اول مره وبكثرة المحاولة انفتحت فأدخلت وشفت شي بحياتي ماتوقعت راح اشوفها ومعقولة زوج اختي المثقف الواعي يسووي هل الشي ؟؟؟؟؟
