وهنا بعد مااسمعت كلامهم رجعت للغرفة خفت يحسون عليه اسمعتهم وبذيج الليلة عقلي يودي ويجيب هذا خاف احاجية الله العالم شيسوي بيه المهم تعاملي اوياه عادي وطبيعي ولا كأنما سمعت شي لحد ماافكر بهدوء شنو الي اسوية ، فگلت راح اروح لابو المحل الي براس شارع بحجه محتاجه شي ، واسأل الرجال عن تفاصيل هذا البيت والمن ومااكدر اگله يساعدني ابلغ الشرطه لان ماعندي دليل عليه ولا ابوية يگدر يوگف بوجه هذا عمار ، فرحت لرجال وسألته انطاني العنوان وتفاصل والي افتهمته منه هذا البيت صاحبه مأجره وصديق عمار هذا وسمعته موزينه وكان بسجن ، وطالع قبل مده قليله مااتعجب لان عمار يعجبه يصادق هل الشكول وعنده المجرمين والقاتلين زلم ،المهم ارجعت لگيته كاعد انت وين جنتي يحجي بعصبية كتله رحت جبت حليب لجهالي ،فنظرلي نظرات غضب وسكت وهو هل الفترة يصير عصبي بس بطل ضرب وانا الغبية عبالي تغير طلع يسايرني حتى يذبني بمصيبه اكبر من مصبيه زواجي منه ، المهم كملنه اسبوع واليوم آخر يوم نروح للدكتور فگال دكتور هذا طفل وعظمه يجبر وانشاالله مايحتاج عملية وشربيه حليب جاموس مخفف بماي وكتبله علاج وجبر ايده ،بس العجبني دكتور حجه كلمه حيرتني كال اختي ابنج مايحتاج عمليه ومنو كالكم عن عمليته وان احتاج يمكم دكتور عبد الامير هو استاذي وجايين اني اعالجه هنا صفنت شگل لدكتور ، كتله دكتور سمعتك الطيبه وانسانيتك جابتنه الك ، فرجعنه للبيت وهنا قررت اعرف ليش جابني لهنا لان الي افتهمته من دكتور ابني يصير اعالج بمحافظتنه مايحتاج جيه لهنا وبعدين فهمت هو ليش جابني لاعلاج لأبنها ولاشي وانا مستغربة معقوله امه مااعترضت وسوت مشكلة مثل كل مره طلعوا متفقين عليه وهي تعرف كولشي الله لايوفقكم ، فالمهم رجعنه ،وبعد كلام دكتور قررت اذا ارجع اله افتح تلفونه واشوف اشبيه وللعلم من اول ماتزوجنه كسر جهازي وممنوع استخدم جهاز الموبايل ، و اني عايشه عادي كدامهم ولا كأن شي صار وعيني عليها الا أن شفت وحفظت رمز موبايله ، بس اذا لكيت شي شسوي لا عندي تلفون ولا اكدر اگل لاخواتي شي لان راح يحجن لامي وابوي وتصير مشاكل بسببي ، فأجت ابالي الاء صديقتي كولش من ايام المدرسة اني بطلت وهي كملت وصارت صيدلانية واشكد نصحتني اترك عمار لان فاشل وحرامات اترك دراستي على موده بس كنت غبية بمعنى الكلمة وبعد الراح راح مايفيد ندم ، فكنت عند اهلي وكتلهم طالعه اكو علاج راح اجيبة من صيدليه وطلبت من اختي بوشيتها البسها واطلع خاف اللهم هذا عمار يلكيني المهم بوشية وعباية وطلعت للاء ورحت لاهلهاوبعد سلام كتله الاء مااكدر اتاخر جايه رايده مساعدتج كالت كولي حجيتلها الي صار كلها من رحنه لحد مارجعنه كلت صدك انخابر الشرطه كتله صدك تحجين ماعندي دليل شگلهم ،سمعت هذا شيطان يفرها عليج واني مااريدج لا انتي ولا اهلي تتأذون بسببي اذا رجال توصل بيه نذاله يبيع عرضه ويوصف بيها لرجال غريب وساقط وحتى من سألت ابو المحل اليمهم كال عمي شكلج بت ناس شجابج على هذا واصلن حتى البيت انشبه من ورها ، الاء ارد افتح موبايله واصور كلشي بيه حتى اخليه دليل ضده بس اشلون كالت عندي الحل كتله وهو ؟؟كالت اني راح اسويلج خلطه منوم من اقوى الخلطات هاي خاصة ماانسويها اله للي عدهم اضطراب نوم قوي ، ونعطيها فقط لاهل الامراض نفسية تنيم مده طويلة بس انتي خليها الهم بالاكل ورها ساعة راح ينام مايگعد يوم بنهار وكالت راح اشتري موبايل واخلي بيه واتساب بهذا خطي احفظي رقم وكتبته بورقه ودزي كولشي على جهازة وراح اعلمج شتسوين حتى اربط تلفونه بتلفوني بس شنو الي البرامج الي يراسل بيه دائما كتله علواتساب كالت تمام وعلمتني شسوي حتى اربط جهازها بجهازه ، وبعده اطلعت من الاء ورجعت لبيتي حتى قبل موعد رجعتي من اهلي خاف يشك بشي المهم واني عادي ولا كأنما شي صار فاليوم بليل اخليلهم المنوم الي اخذتها من الاء والله صدك خليته بالاكل وجهالي وكلتهم وطبختلهم اكل لوحد وذوله الوحد بس نفس الاكل خاف يشكون والله اكلوا وكملوا ورها ساعه الكل بسابع نومه هو وامها لدرجه مالحگوا يوصلون لفراشهم اخذت تلفونه وفتحته وشفت مصايب ماتوقعت اشوفها طلع يصادق بنات ويضحك عليهن يشردن من اهلهن وبعدين ياخذهن لهذا بيت صديقة بغداد وبعدين يبعونهن الي يبعونها للاطباء يبيعون لاعضائهم والي يبعونهن لنساء يشتغلن شغل موزين بنات ازغار اعمارهم 16و17 سنه مراهقات ، وياريت بس هذا جيرانه رجال موظف مستلم سلفة الميت راتب ومرته صديقه امها كلش وتجي تحجيلها راحو لزيارة رجعوا لكوا الفلوس مبيوگها للعلم ضامينهن بقاصة مالگوا لا القاصة ولا الفلوس طلعت امها رايحه الهم وشايفة المكان ودزتله تفاصيل لان لكيت مراسلات علواتساب بينه وبين امها وكل هل الحجي اصور وادز كولشي لرقم الواتساب العد الاء ، لا واكو بمنطقتنه اكو محلات صيرفة ومحلات ذهب انباگت طلع هو مشترك مع العصابة بلسرقة ،ومتعاركيين ماأخذهم ومن باكو اخذوا الفلوس والذهب وضربينه ومامنطينه شي ومهددينه اذا حجه يجون يفضحونه بالمنطقة وعد اهل المحلات وهما غرب محد يعرفهم ، بس هو من نفس المنطقة ويريد يبيعني للمره تشتغل بالبغاء لان حسابه صار متراقب من بعد اخر وحده باعها فلهذا النذل قرر يبيعني لان مأخذ افلوس لكدام علمود يجيبلهم وحده مصادقه بس البنت اهلها عرفوا علاقته بيه وضربوها ومنعوها من تلفون و حتى يرجعلهم افلوسهم وصديقه دازله رسائل الدولة بددت ادور عليك لان بدوا يوصلون لخيوط توصلهم الك على سرقة المحلات ويريد يأخذ باقي الفلوس وجهال وامه ويهاجر من العراق .
ومتفقين بعد خمس تيام يأخذني لبغداد بس انه بدون جهالي وهناك يبيعني ويرجع وحتى اقبل اروح اوياها اخلي جهالي عد امي واخواتي ومن يرجع يگلهم ماتت بحادث ويسويلي قبر كذب ، وهذا الكلام متفق عليه هو وصديقه وكل هل الكلام أصور ادز لتلفون الاء فقررت اخذ جهالي اشرد لأهلي وارفع عليه دعوه واقدم كل هل الكلام للشرطه وهما ياخذون حقي وحق بنات العالم وللثاني يوم اله گعدوا بعد ماخليت شي بتلفونه وبتلفون امها ماصورته حساباتها الي يضحك بيهن علبنات ارقام البنات الي يراسهم وانخطفوا كلشي كلشي
فگعد وهو مثل المخبلها وهو وامه يصيحون اشلون نمنه هل الكد اول مره تصير اويانه فأجاني عصبي ويصيح شحاطه بالاكل كتله كلشي محاطه ياستار امنين تجيب هل الكلام اني طالعة من البيت!!!! فأني على غفله منهم اخذت العلاج وشمرته بلحمام خاف يشوفونه والله العالم شيسوي بيه وصل شيخ محمد لأخر صفحة هي كاتبة هاي اخر صفحه اني اكتبها واني تحت حكمها ليوم الفجر اشرد لاهلي واقدم عليه دعوه بلمحكمه وبعدها صفحه فارغة واخر شي راجعة كاتبه هسه اني محبوسة بغرفتي ردت اشرد فز وشافتي وسحلني من باب البيت لغرفتي وحبسني واخذ جهالي وگال راح اكتلج واكلهم لكيت واحد واياها امانه الله هذا دفتر امانة الله .
ولهنا انتهى كل الكلام الي كاتبته زينب ، فبعد ماانتهى شيخ محمد من القراءه گال حجي الاء صديقتها تندل بيتهم كالها اي كالها العده دليل قوي نقدمه للشرطه ، وفعلا رحنه للبيت الاء البنية اجت تبچي عمو صدك زينب ماتت عرفته هل الحيوان يقتلها عمو عندي دليل عليه يوديه وره الشمس واذا انت تترك حق زينب انا والله مااعوفها كنت مسافرة مؤتمر للمصر ومن سمعت زنوبه توفت من اختي تركتته وارجعت للعراق ،عمو تروح تبلغ واذا مارحت انه اروح وصدك بقينه هل الليله عدهم وثاني يوم احنه رحنه اني والشيخ محمد وابو زينب والاء وتلفون والصور والدفتر وسلمنهن وطلع امر القاء القبض عليه وعلى امه بجريمه قتل زينب وسرقه وامها مشاركة بجريمه اوياها وبعد التحقيق اعترف هو قتل زينب بحبل بلمروحه وخانگها بلحبل لحد ماماتت ومشيع انتحرت هو امه حتى يهربون من العقاب لان عرفها تريد تاخذ جهاله واتركه ، واطفال زينب اخذهم ابو زينب وبعد تقديم شكوه والشهادة رجعنه لبيتنه وشيخ محمد كال حجي ارتاح وآني راح اروح لقبرها اقرلها صورة يس والكرسي حتى تهدء روحها المتعذبه وابلغها اطفالج بخير وامان نامي بجوار الكريم مرتاحه .
