اليوم 22/12 كعددت الساعة هسه تقريبا بالعشرة الصبح والجو بارد واحس برد الليل بعظمي وجسمي تعبان ،طلعت لبرها الدنيا مغيمه كلش ، لدرجه الشمس خفيف انارتها ، والله اشويه واسمع صوت برها وصوت سيارة وكفت كبال بييته طلعت والله هاي سيارة نسيبنه مأخذ بنت اخويه موظف بنفط هو و امنيات بنت اخوية وجهالها اجتنه حتى تشوفنها وهي هاي البنت حنينه ،وماتوصل النجف إذا ماتجينها رغم هي بلبصرة اضافه الا هي كانت صديقة بنتي المرحومه من اشوفها كانما شفت المرحومه بنتي ، فنزلوا وفرحنه بيهم وسووا روح للبيت ، الجهال وصوتهم وهم يلعبون وفرحتنه بيهم اني والحجية ماتنوصف ، فگالتلي عمو مشتاقة لهبه أريد نروح اني اوياك نزورها واعتذر منها لان من زمان ماجايه نجف واروح اقرالها الفاتحه وصدك والله طلعنه وصلنه القبر ورشينه القبر وقرينه الفاتحه وامنيات قرت صورة يس على قبر صديقتها ،وماكدرت تمسك دموعها الي صارت ينزلن لوحدهم وتتذكر ايامهم سووه ، والذكريات الي صارت بحر النسيان ،وبالايام الماضية وبنتي وعلاقتها بامنيات وبعد من زرنه المرحومه رجعنه اني وامنيات وبطريق الرجعها سألتها بنيتي شكلج تعبان عن أخر مره شفتج بيها كالت عمو أرد اسالك كتله كولي ،كالت عمو اكو شي اسمها مكان مسكون بس مو من البشر لا من كائنات ثانية مو بشر كتله بنتي احنه مو الوحيدين الساكنين الأرض وانتهى الكلام لما وصلنه بيتنه وكان وقت غروب فالحجيه مكمله العشه ومحضرته وكعددنه ذيج الليلة احلى كعده وعشه وجمعه حلوه فبعدها ، قوري الجاي على صوبه النفطيه الحمره ، ورجعت لنفس موضوع الحجينه بيه اني وامنيات من رجعنه بعد ماسألتني عن اكو بيوت مسكونة كتله بنتي أكيد احنه مو القوم الوحيدين على الأرض قبلنه اقوام سكنوا الارض بأربع تالاف سنه وهما الجن وبعدهم لهسه بس رحمه بينه رب العالمين حجبهم عن انظارنه لكن بنتي أنت ليش تفكرين بهل الموضوع وتسألين عنها كالت عمي راح أتخبل كتلها ياستار ليش ! كالت عمو مثل ماتعرف اني ابني بيتي من اسنين ومده البناء كلها تگلي هاي المنطقة موتمام وصحيح بفرعنه كلها بيوت مبنية على احدث بناء وكلها تصاميم حديثة و فقط تلث بيوت سكنوها ناس وبعد شهر شهرين تركوا بيوتهم وبقى بس بيت واحد مسكون بشارعنه بس اني مااهتميت ابد ، كلت ناس صارت تعشق الخرافات والكذب وتأليف وحتى من كنت اروح حتى ارتب الغراض ومواد الأنشائية اني وزوجي احس بخنگة ،ومرات الوضع يتجاوز الاحساس فقط مره مرات وصلنه البيت ونسيت اجيب دبه الماي وبس ثلج عندي بترمز ،فكلت اروح الجيران الي باقيين بالمنطقه اجيب ماي لان زوجي نزلني وراح يجيب كم شغلة من السوك ويرجع المهم دكيت الباب طلعتي مره تقريبا بعمر عمتي بس اشويه انحف وشعرها ابيض كلها رحبت بيها ودخلتي للبيت كتله خاله بس ماي واعتذر نسيت دبه الماي وهذا الكلام تقريبا ساعة ب12الظهر ، فالمره كالت الها ادخلين علما أترسلك دبه العندي ماي فدخلت فالمره راحت تجيب دبه من طابق الثاني صدگني ياعمي اشوية والمرة نفسها طلعت من الحمام داخلي وتصيحلي امنيات امنيات شجابك لمكانها اني هنا طلعت اركض من البيت والله بدون وعي لحد ماوصلت بيتنه لكيت زوجي جاي حضنته وآني ارجف من الخوف ،فزوجها حچه والله ياعمي على ذيج الوضعية كلت راح يصير بيها شي فتحت القرآن الكريم وخليته على اذانها ،وخليته بسيارة وقفلت البيت بس أرد اطلع بيها للمستشفى واشوف شنو حالته وصدك اخذتها وطلع ضغط هابط حتى دكتور اتعجب كالي زين ما ميته وعبالها اني ضاربة او مخوفها ومن يومها عمو مع الاسف صار عدها خفقان بالقلب وكل هذا ياعمو وياريت بطلنه لا من قله وعينه كملنه بناء ونخسر بناء وفلوس وعمال وتكليف ونكول خرافات وماكو شي ولو باقيين بالايجار ولا كل اليصير بينه هسه ، فكملت امنيات عمو مااتعضت وكلت الا أرجع للبيت المره واشوفها فرحت ودكيت الباب وطلعتي نفسها كالت وين رحتي ماتكوليلي جبت دبه ونزلت لكيت باب البيت مفتوح وانتي ماكو ، فتعجبت وهي تضحك على بالي سرقتي شي من البيت ونهزمتي فدورت مالكيت شي ناقص ،فكتله لا اجيت اعتذر زوجي خابرني واستعجلني فطلعت ، بسرعة كتله خاله انتي لوحدج هنا ساكنه كالت لا بناتي اثنين وحده جامعة وحده اعدادية وهنا بدوام ، وزوجي الله يرحمه استشهد بالجيش ،فكتله الله يحفظهم ويرحم ابوهم خاله سؤال ،الناس جوارينه ليش تركوا المنطقة صدك مسكونه ضحكت وردت لا يوم ماكو شي ، ما عفريت وشيطان الا ابن ادم بأفعالها مع الاسف صدگت كلامها وكملنه بالبناء وتجهيز ،رغم من اروح لبيت انظف واعدل بيها تصير اوياي شغلات غريبة حتى زوجي ، لكن نكول كثر الاشاعات وكذب الناس أثر بينه فحچه زوجها گال عمي بيوم عمال الصبغ گالوا راح نبات بلبيت لان مأخذينه مقاوله وهما من غير محافظات فذوله شباب ومراهقين فكلت ماامن ابات اوياهم فأخذت فراشات من البيت ورحت العصر ، المغرب عمي المنطقة موحشه بس كلت جائز لان مامسكونه كل البيوت والله نص الليل نايمين وتعرف العمال تنام من وقت حتى من الصبح يطلعون لشغل, والله واسمع صوت بالصاله تعوذت من ابليس كلت جائز بزازين ، خل اطلع واشوف والله ياعمي طلعت وهنا شفت شي ، يمكن لو ما اقره بكلام رب العالمين كان انضرب على عقلي شفت قزم راسها أكبر من جسمه اهواي وابيض مثل الثلج وعيونه كبار وزرك لدرجه يخوفن من طلعت كان مدنك شال راسه وضحك بوجهي ضحكه نشفت دمي وگال حازم شجابك للمكان وضحك بصوت عالية اشلون الصدى القوي باذاني وماصحيت الا والعمال گوموني ، وغسلوا وجهي فامنيات كالت عمو كل هذا ومااتعضنه الا ان انتقلنه للبيت بعد ماخلصنه بناء ،
يتبع بالجزء الثاني 🎀
