ورحنه الرجال وكان رجال جبير بالعمر عمرها بحدود ثمانيه وثمانين سنه عمرها وكان هذا الشخص مو المالك
للارض بيت امنيات فقط هذا الرجال مالك ارض هذا المجمع كامل وهو باعه للدوله حتى توزعه بيوت عالموظفين ولما وصلنه لهذا الرجال وحجينلها كل الي صار ضحك وكال عمي تروحوا انتم شنو مصدكين هل الخرفات والتخيلات وهل الاشاعات طلعوها اولاد عمي لان حاقدين عليه اشلون بعت هل الارض بمبلغ جبير لدولة وطردنه مع الاسف وكان تعامله اويانه ابد موزين وطلعنه منه واحنه محتارين شنسوي فشيخ محمد گال اخوية الحل نروح لشخص جبير بالعمر اكيد يعرف ماضي هل الارض وهذا المالك يعرف شئ فما يريد يحجيه الظاهر الشئ الصار بالسابق بهل المكان مخزي ومحرج فمايريد شخص يعرف بيه حتى ماينفضح الحل ندور شخص جبير بالعمر من اهل المنطقه اكيد عنده القصة الحقيقية للارض واحنه بالطريق كان اكو اشويه عن بيت صاحب الارض محل بيه مره متوسطة بالعمر فنزل الشيخ كال راح اشتري بطل ماي وصدك نزل ورجعنه كال انزلوا لكيت الي ندور علية ونزلنه ودخلنه للبيت الي بيه المحل كانت ام صاحبة المحل الحجية ام طالب مره جبيرة بالعمر يمكن باخر الثمانينات لكن رغم المره ظهره محني وتقدم العمر ماشاء الله بكامل عقلها وذاكرتها يعني ماناسية شي من الماضي فدخلنه وكعددنا وسألناها عن قصة هل الارض كالت هل الارض ملعونه كلها دم بس ناس هل الوقت ماتصدك هل الكلام وتبدي القصة من كان صاحب هل الارض شاب وابوه كان عنده املاك خير من الله مو بس هل الارض الي باعها للدوله وهذا وهوشاب عشك مرزوقه بنت
ابو هاجر وهذا كان رجال فكر وحافي وشخص حقود وطماع وبنتها لافت على هذا بالسحوره والاعمال وتزوجته وانتقلت من بيت اهلها الى قصر ابوه ومن اجت كانت عنده اخت جدا جميلة وبنت خير ودلال وكانت هاي مرزوقة تحقد على هاي البنت بشكل عجيب يمكن لان هي ماشافت بيت اهلها الي عند هل البنت بيت اهلها ,او لان هذه البنت اجمل منها بهواي وبددت اشويه اشويه تتقرب عليها حتى ادمرها وتسوي عكس المحبه جاي تمثلها عليها
وبددت اشويه اشويه هي وامها يطلعن عليها كلام عنها مامعروف من قبل لاتزوج مرزقه اخوها مثل لايغركم جمالها ترى بيها صرع وبليل تتخيل شغلات لان مخاويه جن ,ومن هل الكلام وما وقفت هنا لا ,و هذا الكلام تحجيليها الوصيفه شنو الوصيفه قبل كانت خادمه من الناس الفقرة تخدم بيوت الافندية والناس الغنايه وكانت وصيفة بيتهم صاحبتي ام عسى مره فقيره وصاحبته ايتام كالت بعد موت امها بالمرض وبعد شهرين مات ابوه انتقلت اخته حتى تعيش اوياهم لان باع بيت ابوه القصر واخذ البيت الي انتم رحتولها بيه وهنا بددت احقاد مرزوقه تطلع على ارض الواقع قبل كانت تخاف من امها وابوها وبددت اشويه اشويه توغر صدر اخوها ضدها من اختك كذا واختك كذا فصار بمرور الايام هل الاخ يحقد على اخته وبيوم من الايام كعد البيت على صوت مرزوقه وهي تصرخ يبووه اكعد شوف اختك
فتحت غرفتها طلعلي رجال غريب دفعني وشرد اخت لكيت اوياها واحد فهنا الاخ عقله طار اوله مسك اخته ضرب وهي تبجي مظلومه مااهتم
واهل قبل ناس تستنكف تاخذ بناتهم للطبيب بهل الموضوع فيرحون للقابلة ’بسكته وستر وهنا جابوا ام عمران وهي كانت صاحبة ام مرزوقه ودفعلها فلوس حتى تكول البيت مخطئه فعلا
وكلام مرزوقه صحيح وهنا اخوها الظالم الي رحتوله وطردكم كالها انت عزيزه عندي مااقدر اقتلج ,راح ادفنج نص دفن يعني يدفن
من حد صدرها لباقي جسمها بالارض ويترك راسها طالع وكانت هاي المنطقه بذاك الوقت تتسمى البور ارض صحراء جول محد يجي يمها ومن بعد ما دفنها اجه اخو مرزوقه ووياه ساحر قتلوها ودفنوها وماكانت لوحدها لا دفنوا اوياها سحر وسحر لاخوها طاعه ومحبه لكن عدل رب العالمين اقوى من كيد البشر ،وهذا الي صار وبعد شهر من هل الحادثه مرزوقه تتمرض ويطلع بيها المرض الخبيث بصدرها وسبحان عدل رب العالمين وماطول شهرين وينهش المرض جسمها نهش ،
جسمها وما طولت وعلى فراش الموت حجت كل شئ لرجلها وكل الي سوتها وهذا راح وفك روحها من السحر وخاف من حساب الحكومة على الي سووه باخته فسكت لكن من توسع العمار ،واول مره هل الأرض صار بيها شي
بيوت لناس بسطاء كان فترة الحصار سعرها قليل كلش ومنهم اختي اشترت قطعه وكعددت بيها تحلف تكول يومية بليل مره عجوز تطلعي أفز الكاها واقفة عد راسي وتباوع بوجهي وافزز مذعوره اخر شي رحتله وكتلها ابيع بيتي عليك بس انطيني فلوس الارض ومتنازله عن البنيان وتركتها وشالت وبقت هل الأرض فتره كل اليجي فتره ويتركها وبعد السقوط والاعمار توسع اجت الدولة واشترت منه الارض ووزعتها على الموظفين وهاي كل قصة الأرض وناس الاكبار تغرف سالفة كلها ماتت وماتت اوياهم قصة الأرض لذلك محد يحجي بيها والناس تجي تشتري الارض وماتسال ،وهنا عرفنه قصة الارض وطلعنه من بيت المره ،فقال الشيخ محمد والروحاني رجعونه للبيت مره ثانية وفعلا رجعوا ،وبعد يومين لكينه جثه البت الي حجت عنها ام طالب لكن ماباقي منها الا عظم الجمجمه والجسم باقي عظم واحد لكن عظم الرأس شي بداخله مثل الحرز وهذا مربوط بسيم على عظم الراس ومخيط هذا السيم مثل خياط الثوب يعني بوقتها هذا الساحر الملعون ثاقب عظم الراس ومخلي هذا العمل بيه ،ياالله على حقد البشر لما يوصل مرحله فقال الشيخ هذا يتنكع بماي وملح والبيت كلها ينغسل
بماي وملح قبل لايتعمر ،بيه شئ وينترك فترة ويتشغل بيه سورة البقرة ليل ونهار ويستمر على هل الوضع ألى بداية الشهر القمري الاتبدون تعمرون بيه وترجعون تسكنون بيه وان شاء الله كلشي أنتهى .
