آلَجـہٰـ̨̥̬̩ـزٍء آلَثـہٰـ̨̥̬̩ـآنـہٰـ̨̥̬̩ـي
فصدك والله ثاني يوم عدنه أم علاء وضياء قمنها بواجبهم بهل الي الله قاسمة وهما ناس طيبين ومتواضعين وماحسسونه احنه أقل منهم بس هبه كانت بجامعة وعده امتحان واتأخرت بس ضياء كل اشوية وسأل عنها وعينها عالباب والله وبعد الغده اجت هباوي فارتاحت من طريق وتعب وهذا كل اشويه عمو هبه اجت عمو اتغده فأمه ضحكت فگالت حجي احنه اليوم جايين نخطب هبة لضياء هو من اول ماشافها ،واخذت قلبه وعقله وتباوعله وتضحك وماردت احجي لحد ماهبه ترجع من الدوام وتسمع الكلام واعرف رأيها قبل رأيكم ، فهبه بعد ماخلصت كلامها كالت خالة وشفاء اني واضحه اني العرفته انتم خطبتوها الها ، وكلشي منتهي خاله وانا مااقبلها على نفسي ينگال عني دخلت بين ولد خالتها المخطوبين وخربت كولشي واني اعرف تريدك من كنا بلمدرسة سوه تحجي لطالبات عنك وانتم بحكم المخطوبيين ، فأجاها رد من ضياء فگال عمي انا لا خطب شفاءولا اريده وشي ثاني اذا هي خيالها معيشها بوهم فأني مالي علاقة لعلمج من قبل لا ارجع للعراق هي تتصل وادز صورها بس اني ماحركت قلبي بشي هي بنت خالتي وخلص وحتى خالتي كانت تخابرني تعال ضياء وعروستك موجوده وادري ده تخلي بنتها كدام عيني وكنت ماانطيها مجال مره افشلها ومره اتجاهل كلامها كأني مااسمعت شي وبعدها كملت امها كالت من اول مااجيت وكلسع امها اشوكت خطوبه الولد ، وأني اسكت وأغير الموضوع ، لان اني شفاء ماعجبتني ومستحيل اطلع وحده للخارج مثل اخلاق شفاء وتربيتها والي مع الأسف اختي ماعرفت تربيها تربية صحيه وهسه انتم قابلين اولا فضياء حجها هبه كدام أمج وابوج اني رايدج واتمنى تكوين زوجتي وشريكه عمري لبقية حياتي وصدگيني حتى دراستج مااخليج تعوفينها تخلصين هنا واذا حابه هناك تتعينين حابه تكملين دراسة عليا والله ماعندي كل مانع بس وافقي وشفاء بنت خالتي وبس هي مااعرف شمكذب عليج على علاقتي بيها بس عمري مااجت ابالي تصير زوجتي ، فگالت هبة اني موافقة واني وامها هم بلغنهم موافقين بس ام علاء كالت انروح لتركيا هنا تصير الخطوبة على عطلة نص السنة للهبة وطول هل المده ابد لاتجيبين طاري لاكدام شفاء وامها ولاكدام اختنه ام طارق تعرفين هي وام شفاء سرهن واحد ومن يقريب زواج ونرجع للعراق علمود الزواج أنبلغهم واحنه مناك نسافر وانتم ارجعوا وفعلا سافرنه وصارت احلى خطوبه وبنتي كأنها ملاك وفرحتنه ماتنوصف رب العالمين عوضها بزوج ابن اوادم وراح يعوضها عن كل عوز وتعب عاشتها بحياته مانعرف هاي الخطوبة راح تكون هي بداية طريقها نحو القبر مو للحياة جديده بلد ثاني ، المهم رجعنها وهبه رجعت لدوامها ومرت الايام واجت العطلة الصيفية وطول هل المده هبه وخطيبها وخالتها يتواصلون عتلفون وآخر مره بلغونه حضروا نفسكم لان زواج بلعطله لان علما تخلص هبه دراسة علما تكمل اجراءات السفر لزوجها لان طويل والله ورها 3تيام ضبط أكعدنه على باب البيت تفلش طلعنه نرگض طلعت وسيلة اجت هادها يافكروا ياحافيات تبوگن خطيب بنتي يلماشايفت ومن هل الكلام وغلط وسب وهي وبنتها يردن يأكلن هبه فلزمنهن اني وابني ودفعنهن خارج البيت بس قبل لاتطلع حجت حجيها خوفتني وياريت اخذتها بمحمل الجد كالتلها والله ماتتهنين الها اخليج تتحسرين على عقلج وصحتج وبعمرج لاتزوجيين ولاتسافرين وحجتها بحقد وغل 😱
وتمر الايام ويعبر شهر بورها الحادثة كلامهن وهددتهن علبيت واجت ضوية وكلنا مخبوصين بتحضيرات اشو هاي ام شفاء وبنتها متحولات لطيبات ويتعذرن وناقص ينزلن على رجل زوجتي وبنتي يبوسنها والتكبر والغرور اختفى وزوجتي وبنتي على نيتهن واقتنعن اتغيرن ونسن ضياء وقنعن قسمته مو يمهن ،بس اني قلبي مامتطمن واحذرهم وهنا لاحجي انت توهوس تغيرن والله هداهم وشفاء صارت تجي عدنه لا وبعد تبات بيوم بأيته عدنه ، والله نص الليل اكعددت واسمع حركها بلغرفة الي بيها جهاز عرس هبه فأجيت بسكها وفتحت الباب وانصدمت من الشفتها هاي شفاء ادور بغراض بنتي فعططت بيها شتسوين لج هنا فجفلت مني وجهه صار اصفر لاعمو اجت هنا ضيعت سلسلتي الذهب فگلت خاف وگعه وي غراض هبه فرزلتها وطلعتها من الغرفة والعجيب كعدنه الصبح مالكينها ، فمن حجيت لزوجتي وبنتي لموني البنية تغيرت اكيد زعلت وراحت لبيتهم بلا ماتبلغنها ليش هل الشكل خطيه كتلهم والله هل البنت كانت تسوي شي بجهازج بس ربج عالم وقلبي مامرتحلها هي وامها وتصرفاتهم احسها مو طبيعية ذني ابالهن شي يردن شي بس من احجي لهبة ولزوجتي يگوللي لا انت لان مامصدك تغيروا ، المصيبة بنتي تاكل الاكل اليجيبنها وهي مطمئةتكلي يابه رب العالمين الحافظ والنعم بالله خير الحافظين لكن الحذر واجب وهنا شفاء بهل الفترة صاروا عبالك ملائكه بس ناقصهن جناحات المهم وتمر ايام وبعد للعرس تالث تيام ، واكعد من الصبح على اصراخ ام هبة ولج يمه هباوي اشبيج فرگضت عليها الگيت بنتي اعيونها گالبت وشكلها يخوف وخشمها وحلگها يصبرن دم وتأن فأخذت ورحت اركض للمستشفى وبنتي من نامت كولشي مابيها ، فركض لطوارئ حتى يوگفون النزف فگالوا احتمال تكسر بصفائح الدمويه صاير عده بس بعد نحتاج تحاليل حتى نتأكد المهم تحاليل وسونارات وخلولها دم ، ورها تلث تيام واحنه بعدنه بلمستشفى وهبه ساهيه ودايخه ماتدري بالدنيا وحتى الدكتور يگلي محتار مستحيل حالة بنتك تصير فجأه لابد من سبب وضياء خطيه الولد مگابلنه بلمستشفى ماعافنه ابد گال عمي تحتاج اطلعها للخارج اني مستعد من باجر كتله لاعمي واني بيني وبين روحي عقلي يگولي بنتي مرضها مو مرض طبيب شفاء وامها بلغ اصوابهم رغم اجن للمستشفى ومثلن انهن مقهورات بس عيونهم تگول غير شئ ومثل مايگولن عين القلب ابصر ، بعدها طلعنه للبيت وهنا بددت المصيبة بنتي بددت تتصرف تصرفات غريبة ، تحجي وي روحها تصفن اهملت نفسها من بعد الدم الي كانت تنزفها توقف صارت تجيها حالات مثل الصرع واني واخوتها مانكدرلها تكول بيها قوت عشر زلم اقوياء مو هبه الضيعفة الي وزنها مايتجاوز ال51كيلو شعرها بدها يوگع ، صارت عباره عن روح وتمشي بلبيت اهملت خطيبه يجي تعوفها وتدخل للغرفة ومرت تضل تصرخ اطلع مااريدك مااحبك ، اكرهك ومن يروح من نسألها تكول اشوفها وجهه مثل شيطان واسنونه طالعة مثل اسنون الحيوانات ، وبهل الفترة للعلم ماخلينه دكتور يعتب علينه لابغداد لا بالبصرة لا باربيل لا بسليمانية كل الاطباء تقريبا نفس الكلام عدها مرض بالدم وصرع والشفاء يم رب العالمين وهذا علاج وربكم الشافي ، ومر على هل الحاله شهرين يومينه نگعد على حال يوم تنزف يوم صرع ونعزلت حتى عنا والعرس تأجل او نلغى بمعنى ادق بيوم كعدنه عده مكتبه ازغيره اني سويتها الها عند النجار مجمعها بيها كل الكتب الي تحبها كعدنه على دخان وركضنه عليها لكينها حاركه كل كتبها واروقها ونار مساكه الغرفة وهي صافنه كبال النار مثل الصنم فبسرعة طفينه الغرفة ولفها اخوها بطانيه وطلعها واديها محتركات وهي ماتحس ، بالحريق وبعد هل الحادثه كلت خلص بنتي علاجها يم الاطباء وكلت لزوجتي بنتي ادمرت بسبب الخطوبه راح اتصل بضياء وام علاء واكلهم نفصخ بنتنا مريضه ومانعرف ليمته تتشفه وبنتج سحر واحلف اذا مااختج وبنتها ورها مايصير بهبه الله ينتقم منهن ،فسكتت كانها تعرف هنا بس ماتگدر تگول حسن نيتي اني وبنتي دمرت حياة العروس الخريجه المثقفه بنتي صارت عبارة عن خيال ويمشي وزنها نزل وصلت 35كيلو تعرفون شنو 35كيلو وزن انسان المهم اني اعرف شيخ محمد رجال تقي وعالم دين رحتله كتلها حجي انت دارس دين وهاي القصة بنتي وانطيني حل بنتي راح تموت واني شاك بيها مسويلها عمل شيطاني كال حجي اكو شيوخ عدنه يتخرجون روحانيين ويعالجون الممسوس والمسحور واعرف رجال تقي وعالج اهواي ناس واتفقنه على يوم نأخذ هبه ونروحلها ، بلكي يعرف اشبيها ، وقبل لانروح خابرت ضياء وبلغته نفسخ وبنتي ادمرت حياته بسبب هل الخطوبه فهو ماقبل وضل يبجي 😔 والله مثل المره عمي انه احبها وتدري عقلي كلها يمها واني ماتحمل ذنب اكون سبب بتحطبم حياة الانسانه الي نفتح قلبي الها فكتله عمي اعرف هل الكلام وياريت ادز احد يأخذ كل غراض العرس ونيشيان والذهب وكلشي وربي يعوضك بالاحسن بس اني احجي وقلبي نار وتشتعل بيها على بنتي وحاله والي وصلتله من حاله صدك والله اجه اليوم الي نأخذها للمعالج واجه شيخ محمد ورحنله رجال كان حوالي عمرها بسبعين كلش جبير كوه يگوم ووياه يساعده ابن وحفيده ، فكال خل تنام نامت هبه وخليها ايدها على راسها وبده يقرة ايات من القران الكريم يقرة وتقريبا نص ساعه استمر يقرة اشويه وهبه صرخت كافي كافي بس مو صوت هبه صوت خشن مرعب كلنا نرعبنها منها بس الشيخ جاوبها بكل قوتها شجابك لهل المسكينه ياملعون كال اني تسلطت عليها بسحر هاي اكلتها وسريت بدمها وكل جسمها ومااطلع الها اقتلها ، فبده الشيخ يقرة ايات من كلام رب العالمين واجه ابنها يقرة اوياها وصوته كان جدا عذب وجميل يشبه صوت عبد الباسط وهي تصرخ الان ان كال تطلع لا احركك كال ماتكدرلي اذا اطلع اقتلها واطلع فگالها احجي من سلطك عليها وليش كال سلطني فلان السحار وهذا نعرفها كلنا واحد فاسق فاجر مشعوذة والي سوت العمل وسيلة بنت حمدية على نجاسه حتى عمرها ماتعيش مرتاحه بصحتها وبعقلها فگالها انت من اي بلد گال يهودي ملك من ملوك جن اليهود ومن عبده شيطان ، ومااسلط على احد الا اقتلها اشويه گاعدين ونشوف اني وزوجتي وشيخ محمد طلعوا خياليين سود راسهم بسما ورجليهم بالارض واگفين ورها شيخ مثل العبيد فلتفتلهم كالهم تروحون لنخلة العوجه الي بستان كذا اشو الشيخ يوصف بيت اهل مرتي وبستانهم صحيح بيه هل النخله بهذا الوصف وأشر لحفيده كالها روح جيب طشت وخليه والله جابها اشويه وانشمر بيها صره جبيره ملفوفه بدله بنتي مالت الخطوبة ضلينه اني وزوجتي واحد يباوع بوجه الثاني ومرتي ضلت تلطم الله ينتقم منجن يلماتخافن الله ، المهم بده يقرة ويقرة وهبه بده يطلع من حلگها رغاوي بيض واشويه واستفرغت ماده مثل الحليب بس لونه اخضر فگال بنتك شاربه العمل بمشروب بس هاي وحده مشربه عمل للمده اكثر من شهر وذابحته بيه ذبح شوف حجي اخذوا هاي صرة العمل وحلوا كلشي مشدود بيها وهذا المتسطلت طلعته الها تلث تيام اذا صحت بعدهن وطلبت تشرب الحليب معناها الحمدالله خلصت منه وراح تطيب واذا يوم الثالث ماصحت تكول قبلت وجه كريم وهذا حديومها وانتم وين جنتو العمل ممعن بيها وقاتلها قتل وحسبكم رب العزه هو اليأخذ حقكم ، فرجعنه للبيت ودخلنه هبه للغرفة وبدينا اني وامها نفتح بالصرة الي كان من شعرها من اظافرها من صورها حتى من روبها مالت تخرج ومن ملابسها من جهاز العرس ومن شفت شفاء وشافتني وارتبكت كان جايه تقص وتاخذ من ملابس بنتي ومرت التلث تيام واليوم رابع راحت امها تگعدها لكتها متوفية لاحول ولاقوة الاباالله العلي العظيم ، ربي الك المشتكى وحسبي الله ونعم الوكيل حسبي الله ونعم الوكيل ، واليوم هبة الها اربع سنوات من توفت كأنها اليوم ماتت من حزني الي يزيد يوم بعد يوم ، وهسه اكيد تسألون شفاء وامها معقوله ماتعاقبوا اكلكم نعم ام شفاء رجلها عافها وتزوج بنت ازغيرها وضربتها جلطه وصارت مشلوله فبنتها ماتتحمل اداريها فجابتلها خادمه اجنبية ، وبيوم لگوها مقتوله بيتها ومبيوك ذهبها وفلوسها ، وشفاء فتحت مركز تجميل بالتزوير عاساس هي خبيرة تجميل وماتت عدهم مره جاي تسوي عملية تجميل عدها وهجت وماتنعرف وين وحتى ابوها تبرى منها كدام العالم حتى يخلص من الفضيحه وديون العافتهن اله ،
وأخر شي اكلكم اني كل يوم أكول حسبي الله ونعم الوكيل على كل ظالم يؤذي ناس بسبب حقده وقلبه الاسود .
