آلُجٍزء آلُآۆلُ
اليوم راح احجيلكم قصة ،عن الظلم واحب اكلكم اياكم ان تظلمون احد لان الظلم ظلمات ياابن ادم يوم القيامة ، خابروني ناس على تحضير قبر للبنية قالوا هي منتحره ، وقبور هاي العائلة بمقبرتهم كلها سراديب مو محراب المهم حضرته ووصلوا كانوا امها وابوها وزوجها وامها ام البنية خطية حتى صوتها رايح من البواچي وابوها شكله مكسور ومهموم ورجلها وامها العجيب مامهتمين وكانما جايين سفرة وخلصنه دفن وداروا اوجوهم وراحوا حتى فلوس القبر على ابوها دفعهن لان من حجينه بالاجر امه هبت بيه فوك الي سوتها ندفن هل العار وندفع فلوس القبر روح روح عيني هذا ابوها هو يدفع والابو مدنگ راسه مارفعه ولاحاجهم ولا اعترض ودفع سكته ،وكملنه وراحو احنه قبل شغلنه بس ندفن ونبني محراب للاموات لكن بعد ماانتشرت شغله سرقه الجثث ودفن الاعمال بعد السقوط صارت دوله تنطينه راتب على الحراسة بليل كنت من اطلع بليل انطر على المقابر اوياي واحد من ولدي لان اني رجال جبير و صحتي ماتساعدني امشي لوحدي فبدينه نفتر الا ان وصلنه مقبرة العائلة الي دفنها بيها البنت المنتحرة وكان الجو شته وبارده والضباب مغطي المكان لدرجه ماتشوف كدامك المهم واحنه نمشي نسمع صوت أنيين وصوت مثل صوت مرة تبجي ومرة صوت صريخ قوي فأني بيني وبين نفسي كلت جائز يتهيئلي هل الشي ،لكن ابني قالي يابه تسمع شي لوبس انا اسمع هنا تيقنت انو الي اسمعه حقيقة مو خيال ولا اوهام بعقلي فكتله يابه انت دور واني ادور خاف وحده ضايعه بلمقابر او طفل ضايع عن امه وناسينه اهله وراهم بالقبور العجيب ماخلينه جهه بلمكان مادورنه ماكو اثر لكل بشر بلمكان غيرنه وللعلم بقينه ندور من 2بليل ل5الفجر وماكو شي وصوت نحيب والونيين مستمر لحد ماقال الله واكبر وگف الصوت فجأءه فتعبنه من كد البحث طول الليل فرجعنه صلينه ونمنها ، ومن نمت شفت بعالم الطيف نفسي كاعد بيت بس هذا البيت غريب وماشايفة قبل واسمع وحده تستغيث وتبجي وتصيح عمار عوفني ،عمار خاف الله بيه حرام عليك وهو جايب عطابه وكلها جمر ويجوي بيها بأديها ورجليها ومحرك كل جسمها ،وهو يضحك ويكلها حرگتج خل اشوف منو يجي يحاسبني ابوچ السكراب الخلفته كلها بنات وبيه الف مرض وعله ، لو أمج ام السكر وذبحه وهو متشمت ومتقوي والبنية بس تتوسل وتبجي بعد مامحرك اديها ومقابليلهم اطفال اثنين بنية ولد وأحد حاضن الثاني ويبجون ويرجفون وهما يشوفون هل المنظر وبس يصيحون ماما ويبجون وهذا ولاكأنما ولاقلبة انكسر اخر شي شالها وشمرها علحايط ومن قوة الشمرة فزيت واني مختنك كوه اتنفس لمن أكعددت لكيت بعد ساعه للاذان الظهر فتعوذت من شيطان وكلت اروح اتوضى واقرة قرأن علما يحل وقت الصلاة ومر اليوم واجه وقت نطلع نحرس ونفتر بالمقبرة وهل المره راح اوياي ابني الثاني غير ابني الأمس اوياي وهم بدينة نفتر ومن قربنه على مقبرة الي اندفت بيها البنية المنتحرة هم رجع الونيين وصوت قوي اني اسكت اريد اشوف ابني يسمع لوبس انه يتهيئلي فأبني كال يابه اكو صوت قوي صوت مرة تبجي خل اندور خاف وحده اهلها ناسينها بالمقابر فهنا عرفت الي سمعته مو وهم وصحيح وهم دورنه وماكو شي فبيني وبين روحي كلت لا هاي شغلة مو هينه اليوم من يطر الفجر افتح القبر واشوفها جأئز دفنها حيه جائز كانت بغيبوبه ورجعت عاشت لان هي كانت حسب كلامهم شاربه دويات ومنتحرة بس اني شفته اثر خنق بركبتها امبين واحد قاتله اشلون ابوها وامها سكتوا شفتها من فتحت وجه وخليته عتراب امبين اثر الخنق بركبتها المهم خلصنة الحراسة وكت لابني ارجع انت للبيت واني عندي كم شغلها اخلصها وارجع وصدك والله رحت لسرداب وفلشت بابه ودخلت لجوه بلايتي كلبت الجثة على حطتها بس تعرفون ابن ادم اوله نطفه مذره وآخره جيفه قذره فريحه كانت جدا قوية بعد ماشفتها وتأكدت هي متوفية طلعت ورجعت بنيت القبر من جديد فأرجعت للبيت وسبحت عن لمس جثة وصليت الفجر متأخر وقريت قرأن ونمت واني بعالم الطيف شفت البنية كأنها اجت للبيتنه وكالت اني ميته مقتولة وعرضي مهتوك بأطل روح لابويه كألها مظلومه وتروحون لغرفتي تلكون دفتر سجل جبير بيه كولشي يثبت طاهرتي وعفتي راحوا لغرفتي ضامته تحت كاشية جوه جرباية عرفت عمار وامها راح يقتلوني ويتهموني بالزنا وانا والله طاهرة طاهرة وصي امي وابوي هالله هالله باليتامه لان ام عمار تضربهن وبواجيهم اذاني واني لليلي كلها اون على اليتامه اليتأذون وضلت تبجي بصوت عالي وقوي ويرن بأني لدرجه اكعددت وانه دموعي بعيني من كلامها ورها مااكعددت واني كلش مختك وتعبان وحاير ياربي شسوي اروح لابوها واكلها حلمت وكذا خاف العالم تضحك عليه اروح لرجلها هذا شكله مايخاف الله وقاتل مرته وجاي يدفنها بكل صلافة عين شأتوقع منه مثلا حاير ياربي شسوي ....
يتبع
