والمكان صار مرعب بالظلام بعد انقطاع الكهرباء عن المكان لكن وآني متجمده بمكاني من الرعب حسيت نفس حار قريب على وجهي اشلون شخص واقف مقابل وجهي كولش ويتنفس هنا حسيت رعب والخوف جمدني بمكاني أريد اتحرك حتى اطلع من المكان اريد اصرخ مااكدر الا ان كطع هذا الصمت والنفس صوت لبنية تكلي أنا مظلومة وماراح اعوفهم بحالهم راح احركهم مثل ماحروكني وظلموني عفاف الظالمة ياويلها مني فجأءة رجع الضوة فتحت عيوني وانه ارجف ماكو شي والجثة كدامي واسمع محمود اجه ووياه ممرضة حتى تساعدني لكاني كوه اتنفس فجاني يركض خيرج حجية اشبيج وجهج اصفر وترجفين !!!!
كتلة لا ابني بس ضغطي هبط وطالعة لبرها اغسل وجهي وارتاح وارجع اكمل كال محتاجه شي كتله سلامتك فكال هاي بسمة زميلتي اجت تساعدج كتلك اكلك يمه هاي الميته وين اهلها !!! ليش مايجن اقاربه امها خالاتها يساعدوني كال خالة البنية امها ميته وابوها متزوج مره ثانية ومرت ابوها وابوها واخوتها وكفين ورها المستشفى يكولون مانشارك بغسلها هاي ماتت منتحرة وكافرة شوف احد يكفنها ويكمل واحنه بس ناخذها ندفنها وحتى عزه وفاتحه مانسويلها هاي كافره وخارجه من رحمة الله !!!!
فالمهم أني رجعت ورها ماارتاحيت اشويه واجت الممرضه وكملنه جهازها واجه محمود واخذها لكن أنا نفس قبضة القلب والخنگة اشكد غسلت نسوان محتركات مثل هل الجثة ماشفت المهم أجه محمود وجاب اوياها الأجر من اهلها كتله اوليدي هذا الاجر الك بس اريدك تكلي هل البنية بنت منو وين اهلها كال ليش حجية تسألين؟؟؟ كتلها لا ماعندي شي بس أرد اعرف شنو قصتها ؟
كال حجية هاي البنية بنت حجي جبير ابو القماش تعرفينه كتله أي هذا رجال معروف واله صيته بين الناس .
بس أول مرة اعرف عنده بنية كل الاعرفه عنده خمس ولد شباب !!!
كال حجية هاي البنية مو بت مرته هاي مرتة ام البنية ماتت من اسنين وبعدها اخذه مرته ام الاولاد وهذا كل الي اعرفة عنها اشلون ماتت وليش انتحرت ماادري !!!!!!
فأني بيني وبين نفسي كلت اندل بيته بنفس شارع الحجية ام راضي حجية وتخاف الله وحاجه بيت الله مرتين أروح واسألها عن قصة البنية فكملت وطلعت للحجي ورجعنه للبيت .
وكان وي صلاة الفجر فصليت وكعددت حجيت لحجي صار فگال تعوذي من ابليس هل الكلام تهيأت لان شكل البنية كان متشوة من النار واقري سورة الزلزلة سبع مرات لطرد عارض الجن والانس والوهواس ونامي وارتاحي من السهر .
فرحت لفراشي وماحسيت على نفسي اشلون نمت وانا بعالم الطيف شفت نفسي بيت بس هذا البيت مو بيتي لا هذا البيت اعرفه كلش زين البيت الكبير المبني على احدث طراز هذا بيت التاجر حجي جبير الي كلها ناس تضرب المثل بيتها وثروته المهم بس وانه داخله للبيت اسمع صوت بنيه تبجي وتگول والله يايابة ماسويت شي ومظلومة والله عفاف هي وابن اختها اتفقوا عليه حتى تقتلني أنت واخوتي وتنادي باسم اخوتها وتستعطفهم فانه امشي بنصهم لكن كأن اشوفهم مايشوفوني فدخلت داخلت البيت وللغرفة الي يجي منها الصوت وقبل لا أدخل شفت مرت ابوها وابن اختها واكفين باب واعيونهم كلها شماتة وفرح فدخلت للغرفة لكيت البنيه اخوتها وابوها يعذبون بيها ورابطينها بشباج الغرفة مثل الحيوانات وكل واحد منهم يسلمها بضرب لثاني وهي تصرخ وصايره دمايه حمره وابوها يصيح اقتلج واطم عارج يازانية وهي تحلف مضلومة ومرت ابوها وابن اختها سووا عليها هل الفضيحة حتى تقتلني وبعد ماطلعوا اجت مرت ابوها وخلت يمها نفط وجداحه وتكلها احركي روحج احس مايقتلج ابوج انشاالله تموتين محروگة واشوفج بنعش مااشوفك عروس وانت تشبهين امج المشعولة بواگة الزلم فجأة ورها اشوية نار شبت بكل المكان وطلعت من غرفة البنية واكلت البيت أكل وشبت بكل البيت اله انه مااجت يمي ومن رهبت الناس والصراخ فزيت من الحلم مذعوره فكمت من افراشي فأجه الحجي على صوت صراخي وطمني وذكرت الله وتعوذت من الشيطان بس انه الحلم طابع بدماغي ومانسيت منها أي شي فكلت ارتاح وباجر من الصبح اروح للحجية ام راضي اسألها عن قصة البنية شنو ؟؟! واشلون ماتت
وبالفعل ثاني يوم كعددت وي صلاة الفجر واول مابددت الشمس تطلع بدللت وكملت وأجرت سيارة فرحت للحجية فوصلتها فسلمت عليها وبعد السؤال والحجي سألتها فكتلة حجي جبير عند بنت كالت أي سودة عليه ماتت محروگة وهي طفلة الله ينتقم من مرت ابوها الظالمة الماتخاف الله استغفر الله يكولون هي حركتها الماتخاف من الله كانت دوم تدعي عليها اشوفج محترگة وبنعش ومااشوفج عروس وكانت ظلمتها وهذا الكره حقدها على امها لان امها غريبة وقبل جبير بشبابه حبها واتزوجها وفضلها على عفاف الي كانت بنت عمها ومن زغرها الها لان عفاف مو حلوه وام البنية كانت أية من الجمال 😔 لذلك بقى الحقد بگلبها حتى بعد ماماتت والناس استغفرالله تگول هي الها يد بقتلها عن طريق الاعمال والشعوذة لان أمها وهي معروف عنهن هشي يمشن بطريق السحر والاذية ورجال لايحل ولايربط الحجي بيدها وبالاخص من جابت الولد الخمسة واحد ورها الثاني .فبقت هل المسكينة تحت رحمتها من كان عمرها 5سنوات وهي تأذيها الا أن يوم من الايام وهذا الكلام حجتها عفاف لوحده من جارتها وهي نقلتي الكلام تكلها اجينها ولگينها البنت هي وابن اختي بغرفتها بعلاقة مو شريفة وآني ذبحت نفسي اصرخ والطم وجبت ابوها واخوتها حتى يشوفون ناقصة التربية شتسوي بشرفنه وصخت الثوب الابيض بس والله يااختي حتى الجارة الحجتلي صديقتها تكول ماصدكتها وبالاخص هذا ابن اختها معروف عنها ساقط وسمعته موزينه وخطبها وهي البنية ماقبلت بيه بس اشلون هيج تسوي وهي ماتريده اصلن فحجيت للحجية الحلم كالت جائز لان شكلها مشوه وخوفج كتله حجية شنو أول مره اغسل محتركات بس هل البنية مظلومه كالت طبعا وكل ناس نفس رأئي ورأيج ويعرفون مرت ابوها ماتخاف ربها فتغديت وطلعنه انه والحجية حتى توصلني رأس الشارع فجأة وتشوف الأطفاء والشرطة والدنيا مكلوبة وين كبال بيت حجي جبير هنا جمددت بمكاني وانه اشوف النار مشتعله بلبيت كولشي محترك مثل ماشفته بالحلم كانما الحلم تكرر لكن بالواقع ! والناس والاطفاء يردون يسيطرون عنار ميكدرون سبحان الله تكول تزيد ماتنقص ومن بعدها طلعوا الولد الخمسة من البيت هم وابوهم عبارة عن رماد محتركين ومالحكوا عليهم وناس تصيح لاحول ولا قوة الا بالله العلي العظيم البيت انطفى كل الشباب ماتوا وبقت بس امهم النار أكلت رجليها والله اشوية ونسمع طلعوها وهي تصرخ من الم نار والحرك وعلى ولدها الحتركوا كدام عينها وكل اشويه تصيح حوبت اليتيمه الطاهرة حوبت اليتيمة كل الصار بية الله انتقم الج ولامج مني ولدي راحوا ياعالم شباب مثل الورد صاروا ارماد الله عاقبني
وبعدها رجعت للبيت وانه مصدومة من صار واشلون الحلم الشفتها صار حقيقة فصليت ونمت من التعب وهنا بالحلم رجعتلي البنية وكانها تكلي مرت ابوية هي الدخلت ابن اختها عليها بعد ماشربتني منوم حتى ابوي يقتلني وكل هذا لان تكرة امي الي ماتت من اسنين وماكفاها هذا هي الحركتني بعد ماتعبت من ظرب اخوتي ابوي وجابت النفط والجداحة خلتني لمن غفيت وذبت علي النفط وشعلت نار ونزلت تصرخ انا انتحرت
وتنادي ابويه واخوتي وانا حركتها وحركت بيتها حتى انتقم للسنين الظلم ولفضيحتي وللظلم اخوتي ابوية الي شافوا حركة النار ووجعها قبل لايموتون مثلي موتي وهي راح ابقى ورها لحد ماتتخبل ماراح اعوفها بحالة وهي تصرخ انا مظلومة بعد ماتحول وجهه مصلوخ من النار مثل ماشفته من غسلتها ففزيت من الحلم وانا كوه انتفس لكن هل المرة من فز الحجي على صوتي يباوعلي بنظرات رعب ومصدوم كتله اشبيك كال شعرج اشبية !!!!فرحت للمراية شفتها شعري كلها ابيض مثل لون القطن رغم من نمت كان اسود وكلشي مابيها!!!!!!!!!! ولحد الآن شعري كلها ابيض ومن سألت كالوا هذا قرين البنية الي اجاني بالحلم والانسان من يشوف الجن يتحول لون شعره للون الابيض مثل ماصار اوياي !!!
وبعد مده سألت عن عفاف فعلا ورها ماتگرمت من نار وصارت مقعده على كرسي دخلت مستشفى الامراض العقلية بعد ماصارت مجنونه وتتخيل البنت اليتيمة تجي تريد تحرگها . وهاي هي القصة الصارت اوياي وأخر كلامي اياك ان تؤذي بشر يكون سلاحه لدفع ظلمك 😔 حسبي الله ونعم الوكيل 💔.
