قاعدة تاكل فرحانة بالخبر لي سمعته
اناهيد : اسلام هدن روحك
اسلام : يما من الفجر مبانش حسه موالف قبل ما يخرج يقول
فوزي : صهيب ماشي طفل صغير باش تتقلقو عليه
تبسمت عائشة وقت دخل واحد من الحراس
💂♂️ : يا اغا لحقتلك برية
ناض رفدها قراها و خرج يجري ما هامتوا حتى حاجة من غير صهيب ؛ خرج طونوبيل تاعه و راح مسافة طريق كان وصل غير هبط عقد حواجبه
اسلام : نتي واش راكي ديري هنا !!!
تنفضت وقت سمعت صوتوا و دارت
قمرة : ... جيت نشم هواء معنديش الحق
مسح على وجهو فهم بلي كاين واحد راهو يلعب بيه و قاله ارواح تدي صهيب من هاد البلاصة شرط تكون وحدك
قمرة : يا اغاااا
ما جا يطلع راسو ليها كان داخ معرفش واش حطولو فنيفو و نفس الحاجة داروها لقمرة
........
فتح عينيه يخزر وين راه لقا روحو فالارض و قمرة طايحة قدامه فشمبرة بانتله شغل حبس و مكان حتى حاجة فالشمبرة هديك من غير هو و قمرة و الباب فتح عينيه يخزر وين راه لقا روحو فالارض و قمرة طايحة قدامه فشمبرة بانتله شغل حبس و مكان حتى حاجة فالشمبرة هديك من غير هو و قمرة و الباب ؛ غمض عينيه و حط رجل على رجل فتحهم وقت حسلها بدات تنوض
قمرة : وين راني .... ( تنفضت من بلاصتها ) وعلاش جبتني لهنا
اسلام : اممم جبتك باش نجوزوا فاكونس ... راكي تشوفي فيا مربوط و تقوليلي وين جبتني
قمرة : .... و انا وعلاش ربطوني معاك
اسلام : لوكان كان علبالي لوكان مرانيش معاك
دور راسه و هي قلبت عينيها مفهمتش وعلاش حتى يديوها معاه و هو تاني قاعد يسيي يربط فالحكاية وعلاش بعتوه عند قمرة و وعلاش داو صهيب مفهمش قعدوا شحال هكاك و واحد ما جا عندهم
قمرة : راح تقعد هكاك ما دير والو
اسلام : امممم و واش حبيتيني ندير زعما نوض نكسر باب تاع الحديد و انا مربوط
قمرة : زعما اغا و نتا سرقوك مقدرتش ممبا تسلك روحك
اسلام : لا حول و لا قوة الا بالله
قمرة : انا قادرة على شقايا نقعد نتبع فيك نحصل هنا
ضحك باستهزاء و هي تكسلت فالارض تتلوى تسيي تفتح فيديها
اسلام : قريب
قمرة : قريب قريب
اسلام : لي يتكل عليك يبات بلا عشا
قمرة : شحال كوميدي يا اغا ماشاء الله
قلب عينيه و جمع رجليه عندو و دنا يديه لصباطو ( حشاكم ) و قعد يسيي يدخل فالخيط و يربطو
عقدت حواجبها و هي تخزر فيه
قمرة : واش راهو يدير هذا
مور ما ربط الخيط تاع صباطو بالخيط تاع يده قعد يحرك فرجليه حتى تقطع الخيط رمشت شحال من مرة و هي تشوفو كي فتحو و فتح تاع رجليه و ناض
قمرة : و انا
اسلام : ياك قادرة على شقاك منخافش عليك
قمرة : ااااهههه كيفاش ديرلي هكا
خبط فالباب مرة و زوج حتى فتحلوا واحد وقتها ضربوا و نحالو السلاح
قمرة : راح تخليني
اسلام : شهدي خيرلك بارسكو اذا لحقولك راح تموتي
قمرة : يا اغاااا
خرج و خلاها قاعدة تعيط سكتت وقت سمعت صوت الرصاص و الخبيط
قمرة : منسمحلوش ليوم الدين .... اشهد ان لا اله الا الله و ان محمد رسول الله
طلعت عينيها وقت حست ببنادم دخل لقاتو هو
قمرة : رجععععت
اسلام : غضتيني
قمرة : امنتك افتحلي افتحلي
قعد عاقد حواجبو
اسلام : راكي حاسة للنبرة تاعك معايا
قمرة : يا اغا افتحلي
اسلام : لا حول ولا قوة الا بالله
قمرة : مليحة الحوقلة
اسلام : ايه و عندي مراح نحوقل معاك
فتحلها و هي ناضت
قمرة : يعني تدي حسنات على ظهري
اسلام : اجري قاعدة تتكسلي
جبدها من يدها و خرجوا يجريو غير لحقوا برا قاللها
اسلام : كي نقول ثلاثة اجري بلا ما تخزري مواراك
قمرة : منقدرش
اسلام : اقعدي موتي هنا ..... واحد زوج
غمضت عينيها و بدات تجري و هو لحقها تيرا شوي قيس ما ظللهم و لحقها شادين طريق الغابة
اسلام : نتي متفرقيش بين زوج و ثلاثة
قمرة : انا غير جاني الكوراج ديماريت نقعد نستنى فيك
اسلام : صبرك يا ربي
كملوا يجريو حتى بعدو وقتها بدا يطيح الليل و مولاوش يشوفوا الطريق مليح
قمرة : كي ممتناش بسبتهم راح نموتوا هنا يا كاش حيوان ياكلنا يا البرد يقتلنا يا ....
اسلام : يا نتي تقتلينا ... متعرفيش حاجة اسمها السكات .... شكون من حيوان لي راح يجي ياكلك يرحم باباك وين حاطة روحك امشي قدامي ولا روحي وحدك
قمرة : ما تعيطش عليا ديجا كثر خيرك هنا و خلاص انا نكمل وحدي
اسلام : ايه روحي طريق السلامة
دورت راسها و كملت تمشي
قمرة : واش داني نيبس راسي اهههه دوك نتبحر لالا قمرة متريسكيش غير ولي
رجعت تجري .........
أنت تقرأ
عشيرة الاغا _ باللهجة الجزائرية _
Romantikحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
