هاااي حبيباتي ؛ هاد الحلقة تاع البارح سمحولي بارسكو قطعولنا الانترنيت و دوكا راني نبارطاجي باش نحطلكم و حتى تعليقاتكم مراحش نقدر نرد عليها كامل بصح راح نقراها كامل خليولي ارائكم و اقترحاتكم فالتعليقات و حقاااا الناس لي ظل تسقسي وقتاش نحط شحال نحط فالبروفيل تاعي تلقاوني حاطة التفاصيل مع الميساجات على هاذي لازم ديرو ابوني باش كي نبعت ميساج يلحقلكم و مراحش نزيد نرد على هاد النوع من الاسئلة .... قراءة ممتعة 💚💚 ...
تلموا على الطابلة واحد واحد ؛ شوية و دخل اسلام و فالاخر هبطت لميس ، زيرت على روبتها وقت حستهم متجاهلينها
لميس : حابة نهدر معاكم دقيقة .... حبيت نطلب من السماح تلبالي غلطت على هاديك نتمنى تسمحولي عمتو طاطا اناهيد كامل نعتذر منكم واحد واحد سورتو عمو شاهين و طاطا لورين ان شاء الله تقدروا تسمحولي على لي صرا
وقت لقاتهم ساكتين غمضت عينيها و طلعت لشمبرتها
......
فالليل :
كانوا ملمومين فالصالون هادي عادتهم كل خميس يديرو سهرة بين بعضهم حتى نطقت فايزة
فايزة : احممم ... انا خممت فحاجة ؛ يعني وعلاش نقعدوا نستناو و حنا قادرين نديروا العرس تاع سيبال و الياس
عائشة : وعلاش نزربوا ما كان ما قلقنا
اناهيد : لالا انا ليا نديروه على شهر مليح
محرز ( بابات الياس ) : حاجة مليحة عندنا شحال مفرحناش واش رايك سيبال بنتي
حمارت و قالتلهم
سيبال : كيما تحبو عمي انا معندي حتى مشكل
فايزة : و نتا الياس
ضحك باستهزاء و قاللهم
الياس : مدام العروسة قابلة نديرو كيما حبت
سيبال ذابت فبلاصتها و جيهان ضحكت و قرصتها
سيبال : تصبحوا بخير
طلعت تجري لشمبرتها حشمانة
ليندة : بووه على الحشامة
لميس قلبت عينيها و موراها لحقتها قمرة
.....
قمرة : تتتت راكي تغيضي لميس
دورت راسها عاقدة حواجبها
لميس : واش تسحقي
قمرة : ههه غير اجري على روحك الياس طار من يدك و الاغا مشكيتش راح يبقى معاك
لميس : واش تقصدي بالياس
قمرة : لميس عزيزتي نسيتي بلي انا كنت خدامة هنا وقيل
لميس : و اييه
قمرة : الريح لي جوز فالدار هادي علبالي بيها فما ادراك حكايتك نتي و الياس
لميس : بلعي خيرلك
قمرة : تتتت متخافيش مراح نقول والو ههه ماشي علجالك على جال سيبال باش متزعفش و عرسها قريب بصح منكذبش عليك حابة نعرف واش راح يديرو كي يعرفو بلي كنتي مع الياس منقبل و هووب رميتيلوا الما و لسقتي فالاغا ..... خليك من الماضي و حكيلي كيفاش جاتك السوربريز تاعي
لميس : اما سوربريز ......
قمرة : لميس مزال فهمك ثقيل ، راني نهدر على سيرين
لميس : .... نتي لي درتيها ....
قمرة : الحمد لله لي فهمتي
لميس : نتي خرجتي متسوايش
قمرة : شتتتت .... تشفاي فاخر هدرة واش قتلك ... قلتلك بلي راح تخلصيها غالية هكذا المرة الجاية قبل ما تخممي تدناي ليا تعرفي واش راهو يستنى فيك
أنت تقرأ
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
