هاي حبيباتي قبل ما نبداو حبيتكم تروحو تشوفو واحد الكرونيك و تدعمو صاحبتها فضلا 💜 تلقاوها عند nour_kd
هيا نبداو
قمرة : ارواح هنا
💂♂️ : انعم مدموزال
قمرة : تروح تشوفلي دار كمال لي جا دوكا ... وقت يخرج من داره تقولي
💂♂️ : ايه و ....
قمرة : و قول للي معاك يجي يستناني دوك نجي
💂♂️ : حاضر مدموزال بصح لازم نعلمو الاغا بلي راح نخرجو
قمرة : متخلينيش نتبلى بيك و بالاغا تاعك ؛ اذا مراكش حاب الاغا يحاوزك دير واش قلت
💂♂️ : بصح
قمرة : منبعد انا نقولوا متخافش
تردد منبعد راح كي طرطقت فيه عينيها
طلعت لشمبرتها و فتحت خزانتها جبدت دراهم لي كانوا كل مرة والديها يمدوهوملها و بحكم هي متصرفش بزاف تخبيهم ؛ رجعت هبطت وين كانت
قمرة : هاك هادو نحبك تروح تشريلي كامل القضيان تاع الدار متخلي حتى حاجة تنتكل ما جيبش منها ... فهمت
💂♂️ : اههه ايه
قمرة : هيا روح و كي يعيط لي كان معاك و يقولك واش قلتلو عيطلي باش نروحو
دخلت للداخل وقتها شافت اسلام هابط مور ما غسل من الدم راحت عندو و حمحمت
قمرة : معليش دقيقة
اسلام : انعم
قمرة : نعمتك دايمة ... قلت لواحد من الحراس باش يوصلني منبعد عندي شغل اذا معندكش بروبلام
اسلام : ايه
راح و هي تبسمت تبسيمة صفراء
قمرة : ايه برك ... ميحوسش واشمن شغل عندي ... زعما نهمو ..... ياك نتي قلتيلو اقعد بعيد عليا
تنهدت و طلعت لشمبرتها تبدل حوايجها
.......
كملوا كلش و قعدوا حاجات خفاف كملهم صهيب و عماد ؛ خرجت اسيا داتلهم الباسينات حتى نطق عماد
عماد : صحا
اسيا : يسلمك
رفد عماد الباسينة و حط فيها الدوارة و دخل
اسيا : صهيب تحب نعاونك
صهيب ( خنزر فيها ) : لالا
اسيا : قلت بلاك تكون عييت مصبح و نتوما ....
عيط عليها حتى تنفضت
صهيب : قتلك عاونيني مقلتش مالا خلاص وعلاش قاعدة تحشري فروحك
اسيا : سمحلي
عينيها تعمرو بدموع و راحت تجري للداخل ديراكت للكوزينة ؛ سندت روحها على الحيط حتى شدتها سمرة من كتفها
سمرة : اسيا وشبيك وعلاش راكي تبكي
اسيا : .... مدرت والو غير قلتلهم اذا نعاونكم ناض صهيب بهدلني
سمرة : يا روحي و وعلاش البكاء الرجال لي هنا كامل حاسبين روحهم واحد فيهم مايصلح
مسحت دموعها و قالتلها
اسيا : عليمن راكي تهدري
سمرة : على حتى واحد هدرت هكا برك .... انا كملت الخدمة هنا نروح للشمبرة كي تكملي لحقيني
اسيا : ايه
أنت تقرأ
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
