قمرة : صحا
نور : بلا مزية
قمرة : .... نور قوليلي .... مكانش كيفاش نسلف دراهم من عند كاش واحد هنا
نور : وعلاش تسلفي قولي لوالدي ... قصدي ...
قمرة : منسحق من حتى واحد يمدلي ... معلباليش اذا بية تقدر تمدلي و تنحيلي من الخلاص بارسكو نسحقهم
نور : معلباليش جامي سييت بصح شوفي معاها مراكي خاسرة والو انا سمحيلي علبالك باش راني نصرف على دارنا و نجهز مراهو يقعدلي حتة دورو
قمرة : صحيتي انا دوك نشوف مع بية
........
قمرة : بية معليش ندخل
بية : ادخلي قمرة ادخلي
قمرة : بية ... حبيت نطلب منك حاجة هو يعني ... قلت اذا نقدر ندي الخلاص تاعي منقبل يعني ... نسلف دراهم منبعد تنحيهملي من الخلاص
بية : سمحيلي قمرة بصح الخلاص ماشي بيدي في كل شهر تمدلي مدام اناهيد حقكم لي نقسمو عليكم و هنا كل واحد يدي دراهمو فالشهر تاعو
قمرة : اممم معليش صحا
.......
لورين : هاد الروبة قعدت فقلبي جيها شابة
اناهيد : ايه
فايزة : ان شاء الله تقبل بيها مفهمتش لوقتاش راح تبقى ميبسة راسها
اناهيد : هي راهي جايتها ثقيلة كي كانت خدامة هنا
لورين : اففف عييت ملقيت منديرلها
فايزة : ربي معاكم ؛ سمحيلي بصح عندها واحد الراس تقول حجرة كي شدت فعفسة مبدلتش رايها كامل
.....
بية : مدام نقدر ندخل
اناهيد : ادخلي بية
....
بية : هي فالحق صرات حاجة قلت بلاك تحبو تعرفوها .... اليوم جات قمرة عندي حبت تسلف دراهم و يتنحاو من الخلاص تاعها قلت لازم نقوللكم
اناهيد : اههه خير وعلاش
بية : مقالتليش
لورين : نتي مديتيلها
بية : لالا قلت نخبركم قبل
اناهيد : خير ما درتي خليها هكذا اذا محتاجتهم بزاف دور دور و تروح لوالديها يمدولها و نتي بلاكي تجبديلها
لورين : ايه
......
جازوا هدوك اليومين يجروا مع التوجاد للخطبة و لحق نهار الفيونصاي ؛ لي فالقصر لي يجري مع الطياب يجري و لي يسقم فالحالة يسقم و ناس الدار بداو يوجدو فروحهم
......
قاعدة حاطة يدها على خدها و تخزر لبرا
نور : مراحش تخرجي مدام اناهيد عرضتنا للخطبة
قمرة : معينيش
نور : راح تقعدي هكذا ... ربي يحلها عليهم و خلاص
قمرة : تخلاص هاد الخطبة و نروح لازم نشوف اسيا و نطمن عليها مسكين ملقاوش وين يحطو راسهم و انا مقدرتش نعاونها معلباليش اذا راهم ياكلو مليح اذا الدراهم كفاوها للدواء و زيد مرت عمهم متسواش دايرتهم خدامين عندها .... كيفاش حابتيني نخرج و نفرح و ختي متعذبة لهيك
نور : يهديك ربي نتي معندك ماديريلهم
قمرة : زعما نعيط لسراج يروح ليهم
نور : واش قلتي
قمرة : اههه والو
سمرة : ... اذا حبوا يقدروا يجيو يقعدو فدارنا يعني هي صغيرة شمبرة و صالون بصح خي من والو
قمرة : صححح
سمرة : ايه معندي مندير تما انا دوكا ؛ بصح لازم تدي تصريح من عند الاغا باش يقدرو يدخلو للعشيرة
قمرة : ايه ساهل ساهل
وقت ندق الباب و دخلت لورين خرجوا البنات و قعدت غير قمرة
لورين : قمرة جبتلك هادو .... عجبوني هداك النهار شريتهملك
فتحت الساشي لقاتها هديك الروبة و طالون تاعها مع سنسلة تاع ذهب
قمرة : اههه بصح وعلاش انا .....
لورين : تعيشي قبليهم
قعدت قدامها
لورين : مفهمتش وعلاش راكي تعكسي فينا هكا ؛ الحاجة لي نديروها متعجبكش
هبطت راسها مغمضة عينيها ؛ فتحتهم وقت شدتلها يديها
قمرة : مقدرة واش راكم ديرو بصح فهميني صعيبة عليا
لورين : واش لي صعيب قلت قضية ولف بصح ...
قمرة : اذا الناس لي رباوني تخلاو عليا مراحش نستنى من الناس لي عرفوني البارح يشدو فيا صراحة ... و زيد منقدرش نقعد فطابلة وحدة و نعيش مع الناس لي كانوا معتابريني خدامتهم برك
لورين : تحبي نقول لشاهين نخرجوا منا و نسكنوا وحدنا نخرجوا
قمرة : لالا ميشقاش
لورين : صحا مالا شديهم هادو
سكتت شحال منبعد شدتهم عليها
........
اناهيد : يا بنات كلش واجد
نور : ايه مدام
اناهيد : مليح
جيهان : ماما كيفاش خرجت
ليندة : تهبل بنتي خمسة و خموس عليها
دخلت قمرة بعدما وجدت روحها لبست الروبا هديك و دارت مكياج خفيف ليسات شعرها و التصاور نخليهملكم هنا قرعاجيات
......
ليندة : اوهوه شكون جا قمرة جيتي تهببببلي
قمرة : تعيشي
نور : غير دخلي لشمبرتك تخافي يحسبوها هي العروسة
هند : ماشي لهاد الدرجة بعدااا ؛ هذي غير كي مولفتوهاش بحاجة مسقمة
ليندة فتحت فيها عينيها و قمرة تبسمت و رجعت شعرها للور
أنت تقرأ
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
