طلعت لورين لشمبرتها و النهار هداك جاز صعيب عليهم حتى على قمر لي قعدت فشمبرتها غير تبكي هدرة سمرة قاعدة تتعاود فوذنها حاسة روحها تنوم بصح هادي هي الحقيقة المرة .... وقت دخلت نور جرات مسحت وجهها
نور : قمرة بية راهي تحوس عليك باش طيبي العشاء اذا مقدرتيش تعوضك سمرة حتى هي دخلوها تخدم هنا
قمرة : لالا دوك نوض
فتحت الباب و فنفس الوقت خرجت سمرة من شمبرة سلوى لي ولات شمبرتها تاني ، دورت قمرة راسها و طلعت للكوزينة
.......
اندق الباب و دخلت منى لقات لورين فوق البونك و متكية راسها عينيها تنفخو من البكاء وقت شافت منى فتحتلها يديها و منى سوطات عندها تشهق
منى : يعني دوكا راح تكرهيني
لورين : وعلاش نتي معندك حتى ذنب ... راح تقعدي بنتي المفششة لي نحبها و نموت عليها
منى : كنت خايفة .... و بنتك قمر ؟؟
لورين : ... منى علبالي بلاك جيك صعيبة بصح .... راني متلهفة نشوفها نعرف كيفاش عاملة .... فالاخر تقعد بنتي لي من لحمي و دمي بنتي لي رفدتها 9 شهور فهميني
مسحت دموعها و قالتلها
منى : فهمتك ... و اذا مرضاوش والديها قصدي ... والديا يجيبوها
لورين : راح نديها بالملاحة و لا بالقوة ما يهمني فحتى واحد هديك تخصني انا و هوما معندهم حتى حق فيها يكثر خيرهم كبروها بصح لازم ترجع لبلاصتها .... معلباليش اذا قدرو يوفرولها حياة مليحة ولا لالا
.........
حطوا الطابلة لي كان نصها فارغ واحد ما عينوا ياكل قمرة رجعت للكوزينة حطت السنيوة
بية : يلااه البنات روحو تتعشاو ... قمرة متتعشايش
قمرة : لالا بية مرانيش قادرة
بية : دبري راسك بصح وقت تمرضي مكان مدخلني
طلعت للبيرو تاع الاغا وين دقدقت شوية و كان قاللها ادخلي ؛ قعدت واقفة ستناتو يكمل تليفون ..... كوبا و دار ليها
اسلام : واش تسحقي
قمرة : يا اغا حبيت نستقيل
اسلام : وعلاش !!!
قمرة : ظروف
اسلام : متقدريش تدخلي و تخرجي كيما تحبي
قمرة : يا اغا لازم عليا نروح اليوم قبل غدوة
اسلام : السبة
قمرة : يا اغا فهمني منقدرش نكمل نخدم هنا عندي اسباب شخصية
اسلام : ايه خلاص غدوة صباح جوزي على بية تمدلك حق واش خدمتي
دارتلو براسها ايه و دارت خارجة من رجعت دورت راسها
قمرة : مارسي كي عاونتني من قبل .... اتهلى فروحك
اسلام : و نتي تاني اتهلاي فروحك
تبسمت معاه و قعدت تخزر فيه مفهمتش بصح حاجة دايمن تخليها تغرق فعينيه .... هبطت راسها و خرجت
..........
صباح جديد :
نورة : رؤيا هادي ختك جات سوور
أنت تقرأ
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
