لورين : متهدررييييش ؛ واش راح يديرو لوكان يعرفوا بلي درتيه يا طفلة هبلتي لهاد الدرجة لحمك رخيص
ما طلقتها غير وقت فرغت غشها كامل فيها وجهها لحمها كامل زرقتهولها و دمدمتو مجاتهاش صعيبة بارسكو والفت كثر من هكا من عند كمال ؛ الحاجة لي خافت عليها وليدها لي كانت تسيي تحمي فيه بيديها باش متقيسهاش
لورين : يا ربي واش هاد المصيبة .... استغفر الله
خرجت لبرا تتنفس حاسة روحها راح تموت فكرة انو بنتها اونسانت فالحرام هبلتها رجعت دخلت عندها
لورين : شكون هو .... اهدري شكونو ... لازم يتزوجك اليوم قبل غدوة مخافتيش وقت يسمع باباك و خوك كيفاش راح تخبي و كرشك راح تبان هاااا هنا فالعشيرة يقتلوك و ميخمموش
هبطت راسها تبكي و لورين مسحت على وجهها و راحت نوضتها للبونك
لورين : وجعتك ياك
قمرة : موالفة بكثر من هكا من عند كمال متخافيش
غمضت عينيها و هبطو دموعها
لورين : هبلتي يا طفلة قولي كيفاش قدرتي ديريها .... و وقتاش هااا و نتي دايمن هنا .... متقوليليش واحد من ولاد عمك .... قمرة قلبي راح يحبس هنا و يكون وليد عائشة ( قصدها عماد ) نكمل عليك دوك بالضرب
قمرة : ...... اسلام
لورين : اسلام واش
قمرة : .... هو بابات الطفل
لورين : الاغا ... كيفاش
ضربت بيدها على فمها و ناضت
لورين : يا ربي لوكان يسمعو يقلبو القصر فوقاني تحتاني
راحت جبدتها من شعرها
لورين : كيفاش خليتيه يمسك يا الرخيصة
قمرة : ماما طلقيني ... ماما ..... رانا متزوجين اطلقيني وجعتيني
طلقتها و طرطقت عينيها
لورين : تزوجتوا !!!!
شدت فالحيط قريب ما طاحت
لورين : اليوم انا نموت خلاص
قمرة : ماما
لورين : كيفاش هادي تتزوجي بيه هبلتي و بلا ما نعرفوا راح عقلكم و هو زعما رزين قمرة قوليلي راكي تتمسخري
قمرة : لالا ماما و حتى بابا و علبالو بزواجنا و هو كان معايا نهار تزوجنا
لورين : انا نوض خيرلي
قمرة : ماما
لورين : بعدي عليا ... هذا كامل و مخبيين عليا
قمرة : ماما صدقيني حبيت نقولك بصح مقدرتش شفتي المشاكل لي جزنا بها كامل و لي هنا كامل راهم ضدنا حابين لميس تتزوج بالاغا كان لازم نتزوجو بالتخبية
لورين : مدام علبالك هكا وعلاش تزوجتيه
قمرة : نحبو
لورين : الصبر يا ربي الصبر
قمرة : بابا علبالو ماما و حتى طاطا اناهيد و اسيا و صهيب شهدوا على زواجنا مكنتش حابة نخبي بصح تحتمت
ضحكت باستهزاء
لورين : هو يماه علبالها الخدامين علبالهم و يماااك معلبالهاش مليح
أنت تقرأ
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
