عشيرة الاغا _ باللهجة الجزائرية _

الحلقة 33

قمرة : اياااه لحق الفجر محسيناش للوقت
اسلام : ايه
قمرة : افففف انا مرقدتش و عندي طريق اليوم
اسلام : لوين !!!
قمرة : للمدينة عندي شغل تما
اسلام : وشمن شغل
قمرة : حاجة متخصكش يا اغا
اسلام : دصرتيني نتي
قمرة : هه خلاص سمحلنا يا اغا .... انا نروح نسيي نرقد شوية

.....

صباح جديد :

غلقت كابتها و دارت يديها على حزامها

قمرة : ما نسيت والو نورمالمون

دورت راسها وقت دقدق الباب

قمرة : انععم

دخلت منى و غلقت موراها الباب

منى : راكي رايحة !!
قمرة : متخمميش راح نولي
منى : ..... راني نشوف فيك بديتي توالفي .... يعني فالاول قلتيلي بلي راح تروحي تعيشي فالمدينة و تنساي كامل واش صرا هنا بصح راني نشوف فيك بلي نسيتي واش هدرتي
قمرة : لالا منسيتش بصح ... بصح جابلي ربي خليتلك 21 سنة كاملين باش تعيشي فبلاصتي ملازمش تحلالك بزاف ههه يعني فالاخر هادي بلاصتي و هادي عايلتي و نتي ننصحك ديري نفس الحاجة و تحوسي على والديك بارسكو نورة كانت متلهفة باش تشوفك

تبسمتلها قمرة باستفزاز و رفدت كابتها

قمرة : لازم نروح دوكا 

دارتلها بيدها للباب منى خرجت مقلقة و قمرة قلبت عينيها

لورين : اههه قمرة راكي خارجة
قمرة : ايه هذاك هو
لورين : بلاكي على روحك و كي تلحقي عيطيلي
قمرة : ايه متتقلقيش
لورين : الشوفور راهو يستنى فيك ... ايه ياك غدوة جي بارسكو غير غدوة نروحوا للعرس منكونوش فالدار
قمرة : ايه علبالي اصلا غدوة عشية نكون هنا
لورين : ان شاء الله

شدت كابتها و خرجت لقات شاهين واقف مع الشوفور

شاهين : بالسلامة قمرة اتهلاي فروحك
قمرة : الله يسلمك ... حقا زياد مكانشه ملبارح مشفتوش
لورين : راهو خدام بصح نورمالمون يدخل فالليل معلباليش وين همل
شاهين : راهو كبير يا مراة

عوجت فمها و قمرة نطقت

قمرة : معليش كنت كابة نشوفوا قبل منروح ... هداك هو لازم نروح
لورين : سلمي على صاحبتك
قمرة : الله يسلمك

ركبت و الشوفور ديمارا محستش بالطريق حتى لقات روحها غفات .....

......

سلوى : مدموزال منى
منى : وي
سلوى : كاين واحد راهو برا راهو حاب يشوفك
منى : شكون
سلوى : راهو يقول بلي باباك ... نخليوه يدخل
منى : ... قولي للحراس يدخلوه
سلوى : ايه

.....

منى : واش يسحق هذا

.....

كمال : منى بنتي وشراكي
منى : راني مليحة ... خير واش تسحق
كمال : ... هو فالحق ... معلباليش كيفاش نبدهالك .... بصح .... انا و يماك و حتى ختك رانا نعانيو ... من قبل قمرة كانت تعاونا بلي كتبه ربي ... بصح دوكا حق الخبز مراناش نلقاوه ...
منى : و نتا واش راك دير ، متقدرش تخدم كيما الرجال
كمال : ... وعلاش انا لقيت و قلت لالا ... و زيد كبرت و المرض و ...
منى : بالمختصر واش تسحق
كمال : انا قلت اذا تعاونيني بشوية دراهم و ...
منى : هااا جاي تطلب دراهم ... تعرف بلاك انا الوحيدة لي فرحت بلي دارته هديك المراة وقت قلبت بيني و بين قمرة نشكرها كي خلاتني بعيدة على ناس طماعين كيما نتوما ؛ تموت و متشوفش دورو مني فهمت
كمال : لالا نتي متحبيش الملاحة ... علبالك بلي راكي بنتنا و نراكيش من العائلة الحاكمة ناسية بلي عندك واجبات علينا
منى : و الدراهم واجب الاب ماشي الاولاد نتا لي لازم تنفق على عائلتك ماشي انا .... يا حرااااااس .... ارفدوه منا و منسحقش نزيد نشوفوا قدام القصر
💂‍♂️ : حاضر مدموزال

خرجوه و هو يعيط

منى : مليح وجهو صحيح جاي يطلب مني الدراهم

.......

بدات ثاوب من شدة العيا و النعاس لي جاها و هي تستنى فيها .... قمرة من بعد ما لحقوا للمدينة راحت قدام دار سيرين تستنى فيها تدخل

قمرة : افففف وقتاش جي الهاملة هادي

شوية و تلقى طونوبيلتها داخلة

قمرة : اهههه راهي جات ؛ صونيلها

وقت صونالها حبست طونوبيلتها تخزر فيهم متعجبة ؛ هبطت الكارو و دارتلها بيدها ارواحي ... قارات الطونوبيل و ركبت

سيرين : خير قمرة واش من ريح جابتك عندي
قمرة : معليش تخرج دقيقة
🧔 : ايه مادموزال
.....
سيرين : واش تسحقي غير خفي بارسكو معنديش الوقت
قمرة : سيرين يا سيرين تعرفي عجبتيني بزاف بلي درتيه اخر مرة
سيرين : مليح مالا
قمرة : اممم بصح حبيت نسقسيك وقتها كيفاش حتى قدرتي تحطي الذهب تاع عجوزتك عندي
سيرين : على هادي جبتيني
قمرة : سقسيتك ريبوندي
سيرين : واش راهو مخليك تتاكدي بلي انا لي حطيتو ههه حابة تبراي روحك
قمرة : هههه سيرين نتي درتي هكاك باش تحاوزيني
سيرين : واش راح نربح كي تتحاوزي
قمرة : سراج ، علبالك بلي سراج كان حاط عينه عليا و نتي كي خفتي درتيلي هكاك صح ولا لالا

راحت تفتح الباب لقاته مغلوق

سيرين ( بدات تعيط ) : افتحيييي الباب افتحييي
قمرة : تغيضي علبالك سراج لوكان جا يحبك ميخممش يخزر فغيرك  ....
سيرين : يخزر فوحدة كيما نتي مجرد خدامة عندو
قمرة : تحبي نحكيلك وقت دخل عندي فالكوزينة و .... قالي بلي راكي عاجبتيني ... و قالي بلي نتي قبلي برك و سيرين قادر نخليها
سيرين : بلعي خيرلك
قمرة : و نتي سمعتيه وقتها و درتيلي الضربة تاع السرقة لوكان كان عندك شوية كرامة لوكان خليتيه
سيرين : اسكتي اسكتي .... ايه انا لي ديت الذهب و حطيته فشمبرتك ... انا لي حصلتها فيك بارسكو خرجتي وحدة **** دوري بالرجال

سكتت قمرة شحال منبعد قالتلها بكل برود

قمرة : و دوكا جينا للصح ....

  يتبع 💚💚💚 ....