شاهين : قمرة نوضي نوضي نهدر معاك بنتي
تقعدت و قعدت ساكتة تستنى فيه يهدر تخزر فاي حاجة من غيرو
قمرة : راني نسمع
شاهين : ..... قمرة مقصدتش لي قلتو الصباح .... هدرتو كي تقلقت و تنارفيت برك
قمرة : ......
شاهين : .... اذا مكنتيش حابة تروحي متروحيش مراحش نسيف عليك
قمرة : كيما حبيت
شاهين : علبالي راكي زعفانة
جبدلها وجهها مدوروا عندوا ؛ دنات وجها و رجعت كيما كانت
قمرة : اذا كملت تقدر تخرج
قعد ساكت شحال منبعد خرج ؛ هو غير خرج لورين دخلت
لورين : هااا قمرة شفتي راهو خلاك ... هدرت معاه و فهمتو و زيد مهدرهاش من قلبو
قمرة : من قلبو ولا من ريتو ميهمنيش الحاجة كي تصح تتكسر خلاص
لورين : بصح راهو باباك
قمرة : منسحقش اب يبهدلني هكا يضربني يحاوزني بصح ميجرحنيش بالكلام هكاك ههه اليوم فهمت وعلاش من نهار عرفتوا بلي انا بنتكم و هو بعيد عليا .... بارسكو مرانيش من مقام شاهين ○○○○
لورين : قمرة
راحت تحط يدها على شعرها جبدت راسها
قمرة : خليني
لورين : قمرة مترجعيش الحاجز لي كان بيناتنا تعيشي
قمرة : حابة نقعد وحدي مراني حابة نشوف حتى واحد
غمضت عينيها و خرجت غالقة موراها الباب
.......
صباح جديد :
فايزة : شاهين وين راهي بنتك مزال ما هبطت
شاهين : مراحش تروح
فايزة : كيفاش .... وعلاش
شاهين : مراهيش حابة
فايزة : و تدي على وحدة صغيرة
لورين : فايزة التهاي ببنتك و بنات الناس عندهم والديهم اذا قمرة مراهيش حابة تروح متروحش
زيرت على يدها مقلقة و شاهين خرج راح للطابلة تاع الفطور ؛ لورين خزرت فيها مغزلة و خرجت
تلموا على الفطور من غير قمرة لي ما حبتش تهبط ؛ شرب من القهوة يخزر فبلاصتها منبعد نطق
اسلام : قمر مراحش تهبط !!
لورين : ... اههه راسها راهو يوجع بعتلها الفطور مع البنات
بيلسان : وعلاش يا اغا راك تحوس عليها مراهيش طفل صغيرة نحللوها
اسلام : لوكان تغلقي فمك ماشي خير
سكتت و حمارت و كملوا ياكلوا فالسكات منبعد كل واحد وين راح
........
صهيب : يا اغا
اسلام : صهيب ادخل ادخل .... كنت نستنى فيك
صهيب : يا اغا اسامة راهو عند باباها و الدراهم لحقونا كامل
اسلام : مليح
صهيب : و هادو الورق لي دومونديتهم باش تفريفييهم
اسلام : ايه ..... صهيب راك مليح حاس بيك حاجة هاد اليامات
صهيب : اههه لالا واش راح يكون بيا
اسلام : اذا سحقيت دراهم ولا ...
صهيب : لالا يا اغا يعطيك الصحة منسحقش دراهم
دارلو براسو ايه حتى اندق الباب و دخلت اسيا فيدها القهوة لي حطتها فوق البيرو
اسيا : يا اغا تسحق حاحة واحد اخرى
اسلام : لالا تقدري تروحي
خرجت و هو رفد القهوة يشرب منها و هدر
اسلام : هادي هي السبة
صهيب : مفهمتش ؟؟
اسلام : هادي واش كان اسمها ... اسيا ايه كشما كاين بيناتكم
صهيب : اههه لالا يا اغا وعلاش
اسلام : و الخزرات هادوك الطفلة راك كليتها بعينيك
صهيب : لالا يا اغا .... مراكش فاهم مليح
اسلام : ايه مرانيش فاهم
صهيب : حاشا يا اغا مقصدتش حاجة
اسلام : روح برك صهيب روح
صهيب : سمحلي نخرج
اسلام : ايه
......
اسيا : قمرة وعلاش راكي ديري كيما الصغار .... من البارح مكليتي والو راهو لحق الفطور
قمرة : مرانيش قادرة ناكل
اسيا : شوية برك
قمرة : تتتت
اسيا : قممممرة تحبي نعيط للاغا نعيط
قمرة : زيدي عيطي زيدي ناقصة مشاكل انا
اسيا : ايه خلاص .... نجيبلك شوية فريزة راهي كاينة
قمرة : .... امممم
اسيا : ههه شفتي كيفاش نعرفلك
عقدت حواجبها وقت سمعت صوت الباب
قمرة : انعم
فتحت الباب و دخلت
لميس : نقدر ندخل ولا راكي مشغولة
قمرة : ادخلي
اسيا : انا نروح نجيبلك الفريزة و نجي
......
قمرة : خير لميس وليتي تعرفي دقدقي
لميس : ..... قمرة .... حابة نتسامحو على كامل واش صرا .... يعني انا و نتي صراولنا بزاف مشاكل مع بعضنا علبالك انا على جال الاغا .... المهم حابة نبداو انا و نتي صفحة جديدة
قمرة : ياك لباس مراهيش حاكمتك الحمى
لميس : علبالي بلاك مراحش تامنيني بصح انا عييت من المشاكل .... واش رايك
قمرة : شوفي لميس انا انسانة لي نعامل الناس بالمثل كنتي مليحة نكون معاك مليحة و العكس
لميس : نفهم منك بلي كاين امل
قمرة : اممم
لميس : مارسي .... ياك راكي مليحة بارسكو مراكيش تخرجي منا
قمرة : راني مليحة ؛ مرضت شوية برك
لميس : ايه بالشفاء عليك ... انا نخليك
خرجت لميس و قمرة عقدت حواجبها
قمرة : زعما تسقمت هادي
تبسمت مع اسيا لي دخلت و فيدها طبسي تاع الفريزة
اسيا : واش تسحق
قمرة : طلبت السماح ؛ حابة نبداو من جديد
اسيا : زعما .... بلاك راح تتسقم وين تعرفي
قمرة : ان شاء الله
اسيا : انا نخليك نروح نكمل خدمتي
قمرة : اممم
.......
مع العشية كامل ، خرجت قمرة لبرا تشم شوية هواء وقت شافت الثلاثي قاعد كملت تمشي بلا ما تهدر معاهم
لميس : قمرة استناي دقيقة .... اقعدي معانا وشبيك رايحة
بيلسان و هند خزروا فبعضهم مشوكيين و قمرة مكانتش قل منهم
قمرة : لالا يعطيك الصحة بصح حابة نتمشى شوية
لميس : ايه دبري راسك
كملت تمشي حتى لقات اسلام داخل راحت عندو
قمرة : اسلام نقدرو نهدرو
اسلام : .... خير
قمرة : خير خير
يتبع 💚💚 ....
أنت تقرأ
عشيرة الاغا _ باللهجة الجزائرية _
Romanceحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
