قمرة : ايه باتمان حكيلنا على الاكشن لي درتها
اسلام : ضحكي علبالك 😒
قمرة : لقيت لي يعاونك و تزيد تحل في فمك .... وعلاش هاجموك ؟
اسلام : من بكري العشيرتين ميتفاهموش و مور واش صرا المرة لي فاتت ولينا كثر
قمرة : امممم يعني راك تقول بلي انا السبة
اسلام : لالا صح مكانش لازم ديري هكاك بصح لي صرا صرا بسبة هشام وقت بدا يخلط فالهدرة
قمرة : مزالك شاد فرايك على واش درت
اسلام : ايه جامي لا درت فرايي
قمرة : و انا جامي لا ندور فرايي و لوكان يولي بيا الوقت نعاود نفس العفسة بلا منخمم الله غالب هداك النهار انا لي تعايرت فسدتلي تصويرتي قدام الناس خلي عائلتك واش هدرت عليا
اسلام : مقتلكش بلي غلطتي كي درتي هكاك بصح الوقت و البلاصة لي خيريتيهم غالطين كنتي قادرة تفضحيها هنا فالدار و لا قدام والديها بصح ماشي هكاك فالعرس تاع الناس و زيد علبالك كيفاش رانا مع العشيرة هديك
ربعت رجليها و قالتلو
قمرة : يعني مزعفتش كي تفضحت لميس
اسلام : لالا قتلك منقبل بلي عشيرتي هي لي تهمني
قمرة : همممم
اسلام : هممم واش
قمرة : والو ....... حابة نعرف واش درت لميس يعني ... انا ظهري كسرتهولي و خطيبتك واش درتللها
اسلام : راح نحبسوا
قمرة : واش تحبسوا ... هااا قصدك تحبسوا الخطبة
اسلام : فهامتك ثقالت
قمرة : يقولك من عاشر قوما اربعين يوما اصبح مثلهم
اسلام : و هاذ القوم انا ياك
قمرة : ههههه ايه
خبطها لراسها
قمرة : ايه و وقتاش والديها و ماماك يعرفوا ... يعني باش تفسخوا لازم يعرفوا والديكم
اسلام : علبالي ؛ غدوة راح نهدر معاهم كنت حاب جوز الحكاية لي درتوها برك
قمرة : اييه ؛ تتت لميس مسكينة تكون زعفت غاضتني
اسلام : امنتك
قمرة : و علاش ما تغيضنيش فالاخر انا تاني طفلة نحس بيها خيبة الامل صعيبة سورتو كي جيك من القريب
اسلام : راكي تهدري هكا تقول عشتيها من قبل
قمرة : اوهوه قمرة و خيبة الامل لا علاقة
اسلام : مكانش كاين امل اصلا باش تصرا خيبة امل
قمرة : لي يشوفها ميقولش بلي صح
بدات تعوج و تهدر كيما لميس
قمرة : كيفاش تهدري معايا هكذا علبالك انا خطيبة الاغا .... و مرت الاغا المستقبلية
طرطق بالضحك كي كانت تقلد فيها و جابتها سواسوا كيما هي
قمرة : ههه وقت دخلت هنا نخدم حبت تحاوزني على جال حوايجي قالتلي بلي انا هي خطيبة الاغا و لازم ديري كيما حابة يعني منا تعرف شحال كان عندها امل ...... بصح واش دخل لي صرا فيكم يعني هي غلطت بصح نورمالمون هاد المشاكل ميدخلوش بين الكوبل حاستك درتها سبة برك
اسلام : .... الحاجات لي ديرهم صغروها بزاف و انا نكره وحدة هكا
قمرة : .... حقا مزالها توجعك يا اغا
حطت يدها على الجرح هذاك و تسقسي فيه بعينيها
اسلام : اسلام
قمرة : كيفاش !!
اسلام : بلا اغا قولي غير اسلام
قمرة : وعلاش 🥺
اسلام : بلا رسميات ؛ منحبش اسم الاغا
تبسمت و رجعت شعرها للور
قمرة : بصح لي هنا كامل يعيطولك اغا
اسلام : نكره هاد الاسم علبالك ... متمني نعيش حياة نورمال بلا قيود بلا مسؤولية
قمرة : كاين ناس حاسدينك على جال الاسم برك
اسلام : كل واحد كيفاش يخمم
.......
هبط من الطونوبيل و هي هبطت موراه و جا داخل ديراكت للقصر
سمرة : نقدر نسقسيك
زياد : خير
سمرة : وعلاش تعاملني هكا علبالك بلي زينب هي لي بدلت ختك ماشي انا
زياد : علبالي بصح الله غالب مجيتيش على قلبي
سمرة : ميهمش اذا دخلت لقلبك ولا لالا بصح كاين طريقة الناس يتعاملوا بيها مدام مغلطتش معاك مكالاه ديرلي هكذا و حتى اذا كنت مجرد خدامة
دخلت و هو استغفر
زياد : هادي كامل بسبتك يا قمرة باعتتني مع هاد المهبولة عند صاحبتك
......
قاعدين يضحكوا حتى سمعوا صوت الاذان سكتوا حتى كمل
اسلام : انا نروح نصلي
قمرة : ايه تقبل الله ... تصبح بخير
اسلام : و نتي بخير
دخلوا للقصر ؛ دخلت لشمبرتها تتبسم صلات و رقدت
صباح جديد :
قاعدين فالطابلة و الخدامات بداو يحطوا فالقهوة تلموا كامل و اخر واحد هبط كان اسلام لي كان ساكت شوية و دخل واحد من الحراس
💂♂️ : يا اغا كاين حاجة لازم تعرفها
اسلام : خير
💂♂️ : ملقيناش اسامة ( وليد هشام لي داوه )
اسلام : كيفاش !! كيفاش حتى خرج
💂♂️ : هربوه بارسكو كنا رابطينوا و الحراس لي كانوا قدام الباب هداوين ناضوا كانوا مصروعين
اسلام : كيفاش قدر يخرج من القصر
💂♂️ : خرجوا من الطريق لي مبني تحت القصر بارسكو ميقدرش يخرج من الباب الرئيسي ولا مور القصر الليل كامل و حنا حارسينوا
اسلام : تقدر تروح
.....
كانوا قاعدين فالصالون و اسلام مربع يديه
اسلام : يعني كاين واحد من بيناكم لي هربه
اناهيد : شكون راح يقدر يديرها
اسلام : يعترف خير ما انا نعرفه .... اسامة كان كنز بالنسبة لعشيرتنا كان قادر يعوض كامل الخسائر لي دارهم هشام و الشاطر هذا خسرنا فكلش
....
نور : يا اغا
اسلام : واش كاين نور
نور : انا شفت واحد البارح هبط لتحت ... للحبس
ناض من بلاصته
اسلام : شكون ؟؟
نور : .... قمرة
يتبع بعد قليل 💚💚......
أنت تقرأ
عشيرة الاغا _ باللهجة الجزائرية _
Storie d'amoreحكايتنا هاد المرة غير ؛ فيها نوع من الخيال تحكي على عشيرة الفارسي و ابطالها هما قمرة و اسلام و الباقي تعرفوه فالحكاية ملاحظة : الكرونيك من تأليفي و هي خيالية لا علاقة لها بالواقع
