عشيرة الاغا _ باللهجة الجزائرية _

الحلقة 31

فالاول مكنتش راح نزيدلكم حلقة بارسكو التفاعل راهو يفضل و سماطتلي مقدرتش نزيد نكتب منبعد في خاطر بعض البنات كملتها سووو قراءة ممتعة و ملتقانا غدوة ان شاء الله في حلقات جداد
💚💜💚

تبسمت لميس باستهزاء

لميس : متشوقة نعرف واش راح ديري
قمرة : ههه قتلك شحال من مرة متضحكيش بزاف راكي جيبيها فروحك و دوكا خرجي يلااه
لميس : ماشي انا لي نتحاوز مرانيش فقصرك

حكت رقبتها مقلقة و قالتلها

قمرة : اذا مول القصر و موالف يحاوزك واش راكي تستناي من الاخرين

.....

خرجت لميس منارفية و قمرة مسحت على شعرها

قمرة : راح ندمكم واحد واحد ولا ميكونش اسمي قمرة

رجعت لبلاصتها و تفكرت كيفاش يماها دافعت عليها مقبيل و لي قالو خوها حسسوها بلي ظلمتهم بزاف

.......

صباح جديد :

شاهين : لورين هيا اهبطي تتعشاي حبسي مديري كيما الدراري
لورين : منقعدش مع وجوه الشر تاع داركم
شاهين : يا ربي صبرني ؛ لورين منوقتاش نديرو على عائشة و البنات الصغار
لورين : الصغار لي راك تهدر عليهم طوالو عليا و نتا تقولي صغار و مرت خوك هاديك ....
شاهين : علبالنا عائشة مهبولة مطلقت حتى واحد يا لورين يهديك ربي راكي ملبارح مكليتي والو راح تقعدي هكا
لورين : مرانيش قادرة ناكل

وقت دقدق الباب نطق شاهين

شاهين : ادخل
.....
قمرة : نقدر ندخل
شاهين : اههه قمرة ادخلي ادخلي

وقفت مترددة تخزر فلورين دارلها شاهين بعينيه على لورين وهي غمضت عينيها بايجاب وقتها خرج

.....

قمرة : واشبيك تباني مقلقة
لورين : لالا راني مليحة
قمرة : على البارح ياك
لورين : لالا

سقمتلها شعرها للور و قالتلها

قمرة : علبالي بسبتي لي صرالك هكاك البارح
لورين : لالا مكان مدخلك بصح هوما مفهمتش وعلاش مراهمش حابينك
قمرة : تعرفي بلي انا ميهمونيش و محبتهم يشدوها عندهم .... اضحكي و حبسي متتشنفي

تبسمت حتى بانوا ليفوسات تاعها

قمرة : هكا
لورين : لوكان تكسري الحاجز لي بيناتنا ....
قمرة : اكسريه نتي

عينيها برقو وقت سمعتها ؛ جبدتها عندها تبوس فيها

لورين : لوكان تعرفي شحال كنت مستنية هاد النهار بنتي
قمرة : مكانش قصدي نزعفك مني .... علبالي شحال كنت تسيي تتقربي مني و انا فكل مرة نصدك ..... سمحيلي ماما بصح كنت خايفة ندخل وسطم