شَجَن

تصنع

هلا حبايبي،

ابي اوضح شيء سامر اهو سامي اخو صقر،
بدون م انتبه كتبت سامر، بدال سامي،،

استمتعوا بالبارت ولا تسون تفاعل يبيض الوجهه،

أحبكم😘😘😘

.
.
.
.
.

جالس بالحديقه الخلفيه حق الشركه، مكان فاضي ومريح،
من دوشة الموظفين، يمكن محد من الوظفين عارف قيمة هالمكان، و هذا من حسن حظه، صار المكان اللي ينحاش فيه، ومحد يدري عنه، او يزعجه، من يوم سالفة الكافية، صار يتحاشه يجلس هناك، غير انه أخوه طلب منه يحط حدود بينه بين الموظفين، و مايبي تجاوزات، وش هي التجاوزات و هو ما يكلم أحد، غير مساعده الخاص، واللي اسمه رائد ما يدري من وين يطلع له بكل مره، يلاقيه قدامه زي الجني، صار يجلس هنا وهو يتوقع باي للحظه يطلع له من تحت الأرض،

تعود بهالفتره ياخد قهوته ويجي يجلس بهالمكان، يستمتع بالهدوء،
حتى أخوه صقر ما عاد يتقابلون رغم انهم عايشين بنفس الفيلا، ويشتغلون مع بعض،
تجنب صقر له حتى لو كان يزعجه بس بيبقى احسن شيء،

قطع سلسلة أفكاره رنين الجوال، رفع جواله ناظر الاسم، وفتح الخط،

"هلا وغلا بالقاطع،"
_نطق اللي ع الخط بإبتسامه،

"هلا ماجد شخبارك،"
_نطق جود بهدوء،

"بخير دامك بخير.. مشتاقلك جود وربك فقدتك... احس بفراغ كبير رغم برودك كنت معطي لحياتي معنى،"
_نطق ماجد بإبتسامه،

"تشتاقلك العافيه،"
_رد جود بنفس الهدوء،

"ياخي ما تقدر تقول وانا اكثر، او وانا مشتاقلك،"
_نطق ماجد بمزح، تعود ع هدوء جود، وإختصاره للكلام،

"وانت متى بتكبر ويصير عندك عقل،"
_نطق جود بإبتسامه جانبيه،

"ههههههه هذا اللي ماراح يصير، كل ما شفتك أقول الحمدلله ع نعمة الهبل،"
_نطق ماجد بضحكه عاليه،

"تنكت،"
_نطق جود بسخريه،

"اضحك والا بتموت ناقص عمر،"
_نطق ماجد بضحكه، جود ما رد عليه،

"نسيت اسألك وش سويت مع اخوك صقر،"
_رجع نطق ماجد بتساؤل،

"ولا شيء،"
_رد جود بختصار،

"ما كلمته ولا هو كلمني،"
_كمل جود كلامه بهدوء،

"ليش ما حاولت تكلمه،"
_نطق ماجد بإستفهام،