شَجَن

انقباض

هلا حبايبي،

البارت طويل بمناسبة يوم ميلاد

@nanasweet1

كل عام و إنت بألف خير حبيبي، عقبال المية سنه،

الشرط = (٢٠٠٠ كومنت و ٤٠٠ فوت)

استمتعوا بالبارت و أسعدوني بتفاعل،

أحبكم😘😘😘😘
.
.
.
.
.

دخل لغرفته مشى بسرعه للكومودينه فتح الدرج و طلع مجموعه من الأدوية و صار يسحب كبسولة من كل علبه كان ناوي يبلعهم بس قربهم من فمه تردد و رجع رماهم فوق الكومودينه، خلاص قرر أنه يبطل يشربها لازم يثبت ع قراره،

جلس ع سرير يفك ربطت عنقه و طلع العلبة لصغيره اللي بجيب سترته سحب منها كبسوله و بلعها بدون مويه لما حس بقلبه ينقبض و يتسبب له بألم قوي، لحظات و استقام بطوله يحوس بالغرفه رايح جاي،
و يحاول يطرد أي ذكرى من راسه ممكن تزيد عليه،

لف للجدار و قرب منه يلصق جبينه بالجدار، و يغمض عيونه بقوة صدره يعلى و يهبط، و أنفاسه ثقيله،
كان يحس بكتمه قويه بصدره،

صار يذكر نفسه و هو منسدح ع النقالة الطبيه بين الوعي ولا وعيه عيونه تناظر لمبات السقف المضببه و مجموعه من الممرضين يركضون بنقاله و يصرخون،
أصواتهم للحين يسمعها بأذنه كل هالسنين ما فارقته،
عض شفته و هو يتذكر أنه هذي أسوء ذكرى له في بلد غريب لحاله بدون أهل و لا ظهر،
ذكرى أخدت منه سنتين من عمره في غيبوبه بين الحياة و الموت،

ما قدر يمنع دموعه اللي نسابت ع خدوده زي الشلال،
كان طول عمره عتبان ع أبوه و أهله و إخوانه، بس بعد ما صحى من الحادث و لقى نفسه وحيد، و عرف أنه نام سنتين،
و محد من أهله حوله و قف عتب، و ستسلم للواقع أنه ما عاد له وجود بينهم،

وقتها أول ما فتح عيونه شاف طيف صقر جالس جنبه، خلاه يطير من سعاده بس رجع غمض عيونه و ليته ما غمضها صحى ع واقعه المر و عرف أنه بس طيف صقر،
و هو ما يدري حتى آيش صار معاه،
ورغم كذا تجاوز كل شيء لما بدأت تتصلح علاقته مع صقر، كان مستعد ينسى كل الماضي و يبدأ من جديد معاه، بس مع الأسف
نسى أنه أخوه هذي الحقيقه اللي محد منهم يقدر يتجاوزها ع الأقل في الأوراق أما الواقع شيء ثاني ما عمره كان بينه و بين أبوه أو إخوانه مشاعر الأهل أو احد منهم حسسه أنه واحد منهم،

دايم كان ولد الحرمه اللي خربت حياتهم، و محد سلم منها،
يدري عن كل اللي سوته معاهم بس تبقى أمه ما يقدر يكرها،
تبقى الإنسانه الوحيده اللي عطته الحنان و حبته من كل قلبها،