هلا حبايبي،
ملاحظه : أنا ما عندي شيء اسمه كوبل رئيسي و كوبل ثانوي، امشي ع قاعدة الكوبل اللي جزئيته تحصل نسبه كبيره من تفاعل أركز عليه، سو اللي يحب كوبل يتفاعل ع جزئيته السالفه بسيطه،
الشروط : (٣٥٠٠ كومنت و ٥٠٠ فوت)
أحبكم 😘😘😘😘
.
.
.
.
.
.
ناصر كان جالس بمكتبه و يدينه تقلب بالكيبورد و عيونه مركزه ع شاشه أصابعه تعرف طريقها و كأنها تعزف البيانو،
عقد حواجبه لما سمع ضجيج برا مكتبه، رفع راسه يناظر الباب و تو بيقوم انفتح الباب و دخل الثاني بدفاشه و نظرات حاده،
يقرب من مكتبه،
"أسفه استاذ دخل بالقوة،"
_نطقت السكرتيره بنبرة مرتبكه،
"ما عليك ما قصرتي،"
_نطق ناصر بهدوء و سكرتيره طلعت مقفله الباب وراها،
و ناصر التفت يناظره ببرود مستفز،
"خير يا...."
_ترك جملته معلقه يزيد من غضبه،
"شتبي مني إنت ليش قاعد تحشر خلافاتنا بالشغل، لاقيت فرصه عشان تطلع السواد اللي بداخلك علي،"
_نطق بنبرة حاده قويه، يناظر عيون ناصر اللي تناظره ببرود،
"بالشغل!!! اي شغل ممكن يجمع بينا.... تحسب روحك منجد شاطر و تقدر تجلس معاي بنفس طاولة الإجتماعات،"
_نطق ناصر بنبرة مره هادي و ملامح أهدى و برود مو طبيعي،
"أقولك لا تخليني أطلع نرجيسيتي عليك صدقني ماراح تقدر علي،"
_نطق من بين أسنانه بنبرة حاده، و ناصر ما تغيرت تعابير وجهه،
وسحب القلم يلعب بيه ببرود،
"مستوعب منو أنا و منو إنت أو جنون العظمه مأثر ع راسك،"
_نطق ناصر ببرود،
"قسم بالله لو ما توقع ع هالورقه الحين بعلم أبوك عن ميولك ووقتها بنشوف إذا بتبقى جالس ورا هالمقعد و تتأمر،"
_نطق فادي بنبرة تهديديه ناصر حرفيا اهتز قلبه و هو يعرف اللي قدامه ما يمزح و ممكن يسويها بس أكيد ماراح يخليه يمسك نقطة ضعفه،
"نافخ ريشك بأبوي أو بشيء ثاني،"
_رد ناصر بهدوء، بدون ما يبين عليه شيء، و الثاني متأكد انه ناصر بس يمثل هو حافظه أكثر من نفسه، قرب منه و حط الورقه فوق المكتب و سند يدينه ع المكتب مقوس ظهره و يقرب وجهه شوي من ناصر،
"لو أبي صفقات بدون تعب و مع شركات تنافس شركتك تدري مو صعبه علي،"
_نطق بنبرة مستفزه، و ابتسم بطريقه مغريه،
أنت تقرأ
شَجَن
Romanceلعلنا خلقنا لنظل هكذا .. خطين متوازيين يعجزان عن الفراق وعن التواصل ولن يلتقيا الا اذا انكسر احدهما. "حاولت أتجاوز مين انت و مين أنا اعشاني ابيك معاي عشاني أعشقك، و مابي الحقد اللي بقلبي يوقف بينا،" _نطق بضيق يناظر عيونه، دق قلبه لما شاف ابتسامته ا...
