شَجَن

ملاذ آسير

هلا حبايييييبي،

توضيح : بعطي رأيي بسالفه شهاب و سند و أم صقر،
بهالعلاقه أكثر شخص مظلوم هو سند مو أم صقر،
أم صقر صار عندها عيال تسند ظهرها فيهم بس سند عطى كل حياته لشهاب حتى لو علاقتهم منتهيه،

في اللي يلومون شهاب أو يكرهونه احسها طبيعي لانه في اللي مو متقبلين برود علاقته مع عياله،
بس سند عطوني سبب مقنع لكرهكم له؟؟ أكثر شخص مظلوم احس اللوم عليه، و أكثر شخص طيب برواية سند بإختصار،

شهاب أول ما تزوجها و قبل يلمسها علمها بكل شيء و انه هو مغصوب زيها و انه يحب غيرها، (ما ابي أحرق)
و هي كان طلبها بس انه يصير عندها ولد تسند ظهرها فيه بالمستقبل اذا انفصلوا لانه هذا كان الإتفاق بينهم،
بس هي تراجعت و قررت تكمل معاه و شهاب كمل معاها لانه ما يبي الانفصال بدون رضاها، بس بكل مرة يرجع يعطيها حرية الطلاق بس هي رافضه، هي متمسكه فيه مو عشان عايلتها لانه الحين ماراح تخاف من أحد بس هي تبي شهاب و مكتفيه بإحترامه لها،
اشوف ام صقر و أم فيصل الأمهات المثالين بشجن اين كان اللي راح يصير بأحداث الروايه بالمستقبل لانه دايم الاهل يشوفون مصلحتنا بطريقه تقليديه تناسبهم أكثر ماهي مناسبه لنا،

ما كنت ابي ام صقر تكون الطرف الشرير بالقصه بس عشان المتابعين يتعاطفون مع شهاب و سند، لانه دام يصير كذا بالأفلام و الروايات الطرف الثالث يا شرير يا يموت عشان الابطال يعيشون براحه،
العلاقه بإختصال تحتاج بس اشوفها بنظره منطقيه بعيد عن كوني حرمه لازم تتعاطف مع حرمه،
ام صقر شخص مثالي حنون و طيب بس حرمه تقليديه، تكتفي بإحترام الرجل لها، لإنها انحرمت من هالشعور مع عايلتها صارت تدور بس ع الاحترام و متنازل عن الحب و غيره،
زي اللي انحرمت من حنان الاب و صارت تبي رجال كبر ابوها تتزوجه عشان تجرب ذاك الشعور،

خلاصة الكلام مافي حرمه تتمنى تعيش حياتها مع رجال ما يحبها و يحب غيرها، و مافي حرمه تتمنى انه زوجها قي،
يمكن هذا اسوء شيء يصير مع الحرمه تحصل زوجها قي،.
بس لو الزوج من البدايه واضح و هي اللي متقبله و مكمل بالعلاقه هنا مقدر ألوم الرجال بشكل نهائي، و ما عمرها تقدر تزعل او تتهمه بالخيانه لانه كان واضح من الأول،
و هذا وضع شهاب و أم صقر، مع إنه شهاب ما خانها هو كان قاطع علاقته بسند،

في اللي راح يتفق معاي و في اللي يختلف معاي ببعض النقاط و في اللي ماراح يعجبه كلامي بس هذي وجهة نظري،
يعجبني اعرف وجهة نظركم بس بمنطقيه،
(دايم مناقشاتي مع ماما اقعد اتفلسف بالأدلة لين هي تستسلم، عشانها عاطفيه بزياده،)