شَجَن

تجمعات ٢

هلا حبايييييبي،

ادري طولت شوي بس بهالفتره قاعده أمر من إكتئاب و مو سهل علي انزل بسرعه و اتمنى تقدرون هالشيء،
بس تتحسن حالتي النفسيه بعوضكم،
+البارت طويل...

الشروط : (٣٠٠٠ كومنت و ٥٠٠ فوت)

أحبكم😘😘😘😘

.
.
.
.
.
.

كانوا جالسين بصاله و طاوله مليانه مكسرات و حلويات و شاهي و قهوة،
يسولفون من بعد الأكل،
و في نظرات من تحت لتحت و نغزات من تحت الطاوله،

فيصل كانت عيونه ع سامي اللي جالس جنب فهد و كل شوي يبتسم له أو فهد يهمس قريب من أذنه و يحس النار شاعله بقلبه من قربهم المبالغ فيه،
حتى أنه سامي ما ناظره كان كل تركيزه و يا فهد،
فتره طويله ما شاف هالإبتسامه بوجهه سامي و يوم يشوفها تكون لفهد،

و بنفس المكان كان جراح يحاول يتجاهل نياف و نياف يسوي المثل كل واحد منهم يصد ع الثاني و يحاول ما يناظره،

بس مزح مهند كان معطي جو للقعده بسوالفه و استهباله مع كل واحد، و كأنه يتعمد يلطف الجو المشحون بين الموجودين خصوصا جراح اللي كان منطوي و بين الجمله و الثانيه فتره طويله من الصمت،
و ابتسامته المكسورة واضحه للكل خصوصا أحمد اللي جالس جنبه و كل شوي يتحسس فخذه و يهمس بأذنه، و حتى جود انتبه لتجاهل نياف الكلي لجراح من وقت دخل اعتقد أنه نياف مو عاجبه قرب احمد من جراح لهالسبب يصد عنهم لانه ما يدري عن سالفتهم،

جود و صقر كانوا جالسين جنب بعض بينهم مسافه صغيره تركها صقر عشان جود يقعد مرتاح،
و كان يشغله بسوالف عشان ما يطفش من القعده،

جود كان منتبه لقرب فهد و سامي و استغرب كيف انهم أصحاب مقربين لهالدرجه، و اللي كان يزيد استغرابه انه صقر برضو علاقته قويه مع فهد وواضح بينهم ميانه،
ما ينكر انه ما توقع فهد عفوي و لطيف هالقد، اسلوبه يجذب الكل حتى صقر،

"فهد متى ناوي تتزوج،"
_تساءل مهند بإبتسامه يناظر فهد اللي التفت عليه،

"لا والله من بعد المرحومه مو ناوي ارجع أتزوج بعيش عزابي، بلا زواج بلا قيود وزن ع راس،"
_نطق فهد بضحكه خفيفه،

"ترا حلو تجدد طاقتك بزواج و تقوي نشاطك،"
_نطق مهند بضحكه خفيفه بادله ياها فهد اللي فهم المعنى و الكل فهموا المعنى المبطن الواضح،