شَجَن

هدوء

هلا حبايييييبي،

الشروط : ( ٥٠٠٠ كومنت و ٦٠٠ فوت)

أحبكم😘😘😘😘
.
.
.
.
.

سند كان معزوم ع عرس واحد من رجال الاعمال اللي يشتغل معاهم، كان لابس ثوب و شماغ و ابتسامه خفيفه ع وجهه و نظراته هاديه زي عوايده،
واقف مع مشعل و اثنين معرفه يسولف معاهم و يسلك لهم بهدوء، ما كان يبي يجي بس كان مضطر يحضر بسبب المجاملات العمليه بينهم، و لانه ابو ناصر تعبان شوي كان لازم يجي بداله يقوم بالواجب و يعتذر عشانه،

"عقبالك سند،"
_سمع واحد من اللي واقفين معاه و ابتسم بهدوء يهز راسه،

"الله كريم،"
_نطق سند بإبتسامة تسليك صار يكره هالجمله، اللي بمناسبه و بدونها يسمعها،

"ترا عندي عروسه لك اذا تبي طبعا،"
_نطق الثاني بنبرة جاده عاقد حواجبه، و سند هز اكتافه لا شعوريا،

"لا و الله ما أفكر بزواج،"
_نطق سند بنبره هاديه، و الثاني عقد حواجبه أكثر،

"ليش ما تفكر تراك عديت الاربعين و انت عزابي،"
_نطق الثاني بإصرار،

"و ناوي ع الخمسين،"
_رد سند بثقه و ملامح هاديه،

"تدري انه رجال اذا وصل لهالعمر بدون زواج يصير تطلع عليه اشاعات الله يعفيك منها،"
_نطق بنبرة جاده، و سند رفع حاجبه و مشعل جعد جبينه، وواحد من اللي معاهم ضغط ع ذراعه اللي نطق عشان يسكت،

"اشاعات وشو؟؟"
_نطق سند عاقد حواجبه و فهم تلميحه من نظراته الجاده،

"يعني انه اعوذ بالله يمشي بطريق الشيطان.. يميل لجنسه،"
_نطق بتوضيح و نظرات مستفزه استفزت مشعل قبل سند، اللي ابتسم ببرود،

"و الله الزواج ماله علاقه يا كثرهم اللي يميلون و محد يدري عنهم ما جات ع السناجل...... و ع العموم أنا ما احتاج أخبي شيء، انت بس التهي بحالك شوي بترتاح و خلي سالفة الاشاعات علي لا تشغل بالك،"
_نطق سند بإبتسامه خفيفه، و اللي قدامه عقد حواجبه و صك ع اسنانه،

"اممممممم مو مسألة شاغل بالي لإنه ما علي منك بس ما احب اللي يكثر عليهم الكلام وقتها ما يجي الكلام من فراغ و انا لصدق اتقرف من هالنوعيه،"
_رد عليه بنبرة قويه، و سند ما تغيرت ملامحه،

"حقك و الله بس نصيحه كل ما سمعت اشاعه عن احد خلي بينك و بينه مسافه لانه انا بعد اتقرف من الملقوفين اللي يحشرون خشمهم بحياة غيرهم،"
_نطق سند ببرود و إلتفت يبتسم لشخص اللي كان واقف جنبه و اللي انتبه له لما ضغط ع ذراعه بقصد، و انسحب بخطوات هاديه و مشعل اللي ما دخل بالحوار لانه سند كفى ووفى بس خزه و لحق سند،