هلا حبايبي،
استمتعوا بالبارت واسعدوني بتفاعل،
احبكم😘😘😘
.
.
.
.
.
طلع من باب الفيلا الداخلي، ودق قلبه لما جات عيون ع صقر اللي جالس بسيارة وواضح انه قاعد ينتظره، قرب من سيارة بتردد، يتمنى أي شيء يصير و ما يركب معاه،
بس رجوله كان لها رأي مخالف لرأي عقله، كانت تقرب من سيارة بخطوات ثابته،
لين لقى يده تفتح الباب وركب بهدوء،
"صباح النور،"
_نطق جود بهدوء، واهو يربط حزامه، رافض عيونه تتقابل مع عيون صقر،
"صباح النور،"
_رد صقر بهدوء وحرك السيارة،
"أسف ع تأخير ما كنت ادري انك قاعد تنتظرني،"
_نطق جود بخفوت بدون ما يناظره،
"لا تعتذر انا طلعت قبل الوقت،"
_رد صقر بهدوء وعيونه تناظر الطريق بتركيز،
بعد جملة صقر حل الصمت بينهم وكل واحد يناظر قدامه، بس عقله مع اللي جالس جنبه، براسهم ألف كلمه بس اللسان عاجز عن النطق،
جود كان يحس و كأنه سيارة صقر مافيها أكسجين كل ما ركبها اختنق،
وبس يدعي ربه يوصل بسرعه، وكانه جالس ع جمر،
قطع صمتهم صوت جوال جود اللي طلعه بهدوء من جيب سترته، يناظر اسم ماجد ينير شاشه جواله، بلع ريقه وفتح الخط،
"هلا،"
_نطق جود بخفوت، صقر بدون شعور ناظره بجانبيه،
"صباح النور حبيبي جوج،"
_نطق ماجد بإبتسامه، رغم انه يدري جود يكره هالدلع،
"ليش متصل بهالوقت صاير شيء،"
_نطق جود بهدوء، وكل شوي يحاول يناظر صقر بجانبيه ويشوف وين يناظر بس خاف ينفضح ورجع نظره لقدام،
"مو صاير شيء، بس حبيت ابشرك بانه قدمت استقالتي، وقاعد اخطط لرجعتي بهاليومين،"
_نطق ماجد بجديه،
"طيب توصل بسلامه،،"
_نطق جود،
"جود...بتستقبلني بالمطار صح،"
_نطق ماجد بنبرة تاكيد مو سؤال، جود توتر شلون بيستقبله وهو مو مسموحله يقابل عايلة أمه،
"انشاءلله انت بس علمني بموعد وصولك،"
_نطق جود بهدوء، وناظر صقر بطرف عينه،، ونتبه ليده اللي تضغط ع دركسون،
"حبيبي تسلملي أكيد بس اخلص كلشي و أتاكد من موعد بعلمك،"
_نطق ماجد بفرحه بينت من نبرته،
أنت تقرأ
شَجَن
Romanceلعلنا خلقنا لنظل هكذا .. خطين متوازيين يعجزان عن الفراق وعن التواصل ولن يلتقيا الا اذا انكسر احدهما. "حاولت أتجاوز مين انت و مين أنا اعشاني ابيك معاي عشاني أعشقك، و مابي الحقد اللي بقلبي يوقف بينا،" _نطق بضيق يناظر عيونه، دق قلبه لما شاف ابتسامته ا...
