شَجَن

هوس

هلا حبايييييبي.

ملاحظه : كوبل سامي و فيصل و ماجد و فهد،
استغرب انه عليهم طلب بس التفاعل عليهم ضعيف،
و أدهم و أحمد اغلب البارتات يكونون اخر جزئيه بس التفاعل عليهم بالمستوى،

الشروط :( ٧٠٠٠ كومنت و ٦٠٠ فوت )

أحبكم😘😘😘😘
.
.
.
.
.

كان جالس بالكافي يشرب قهوته بهدوء و قدامه الحلى اللي يحبه بس ما قدر يلمسه مو قادر يبلع شيء، و يحس بكتمه بصدره،
من أمس بتحديد من وقت تهاوش مع مهند و كل واحد منهم نام بجهه،
و الصبح لما فتح عيونه لبس ع سريع و طلع بدون ما ينتظر مهند لين يصحى، هو اللي كبر الموضوع حتى بدون ما يفهم قصده و كأنه يدور عليه زله، مستحيل يتنازل يعتذر ع سوء فهم من مهند،
غمض عيونه بقوة و بلع ريقه يناظر الشباك، يتجاهل الجزء المتندم فيه لإنه طلع قبل يصحى مهند و يشوف ردت فعله،

سمع رنين جواله و سحبه بهدوء يناظر رقم خويه، عقد حواجبه و قفل الجوال ما يبي يسولف مع أحد،
طلع من الشركه بدون ما يعطي علم لأحد و بدون ما يخلص شغله و ألغى كل المواعيد اللي كانت عنده مع العملاء،
لو يدري ابوه ماراح يسكت بس نفسيته كانت سيئه و مو ناقصه،.
ناظر الجوال بنرفزه لما تكرر اتصال خويه بإصرار،

"هلا،"
_نطق بنفاذ صبر يوجهه كلامه للي ع الخط أول ما انفتح الخط،

"هلا..... ليش طلعت كذا..... انت شفيك اليوم بس مضايق؟"
_نطق اللي ع الخط بنبرة جاده، و الثاني زفر بنفاذ صبر هذا اللي ناقصه،

"مانب رايق لشغل، اعصابي مشدوده،"
_نطق بنبرة هاديه مصطنعه،

"أكيد ذاك الهمجي السبب أنا قلتلك بضيع من وراه، و هذا قاعد اشوف توقعاتي فيك، صاير مستهتر و بطلت ملتزم من وقت تعرفت عليه.... و ترا أبوك بدأ يلاحظ تهاونك بالفتره الأخيره،"
_سمع نبرة صاحبه الجاده، و كأنه كلامه هو اللي ناقص،

"اجل محاظرتك لبعدين مو ناقصني شد اعصاب أكثر.... بقفل الحين،"
_نطق بنبرة جاده و قفل الخط، يحط الجوال فوق الطاوله يزفر بصوت عالي، و حضن كوب القهوة بكفوفه و إلتفت بعفويه يناظر حوله، ثواني و كشر ملامحه لما لمح اللي كان جالس بعيد عنه و رفع له كفه يسلم عليه بملامح خبيثه،
صد عنه يصك ع أسنانه و ناظر الشباك ما يبي يبين له انه صاير يلعب بأعصابه،
سمع إشعار و نزل عيونه يناظر الرقم اللي ما كان غريب و رفع الجوال يقرأ الرساله،

*صاير تتوتر كل ما شفتني، شفيك خايف مني؟*
قرأ الرساله بملامح حاده و قرر يتجاهلها ماراح يعطيه وجهه،