شَجَن

هِيَاج

هلا حبايييييبي،

تنبيه: جملة متقطعه عشان يزيد عدد الكومنت مالها داعي،
ما شخصنتها بالبارت السابق عشان البنت اعتذرت بس ليت ما تنعاد،

ثانيا طول بارت شجن وصل ١٠ الاف كلمه سو ازيد عدد الكومنت لما يزيد طول البارت،

الشروط : ( ٦٠٠٠ كومنت و ٦٠٠ فوت)

أحبكم😘😘😘😘😘
.
.
.
.
.

صقر كان سايق سيارته عين ع طريق و عين ع جود اللي جالس جنبه يناظر الطريق و كفه بيد صقر اللي يبوسها كل ما حصل فرصه، و ابتسامه ع شفايفه مو قادر يخفيها،
بس وقف عند الاشارة تسند ع المرتبه من ورا و ميل راسه يتأمل جود، و ضغط ع كفه بخفه عشان يلتفت يناظره و تتلاقى عيونه مع عيون حبيبه، و بقى يتأمله بصمت بدون ما يفتح فمه،
مو مصدق انه صار له بنهايه و هو اللي قضى سنين فاقد الأمل،

"صقر.... الاشارة،"
_نطق جود بخفوت لما سمع هرن السيارة اللي وراهم،
صقر ضحك بخفه و رجع يحرك السيارة،

"ما بقى فيني عقل،"
_نطق صقر بنبرة مبتسمه، و جود كتم ابتسامته من جملة صقر،

"اكيد انت تدري منو ماخذ عقلي،"
_رجع نطق و إلتفت يناظر جود بإبتسامه،
جود ابتسم بخفه و هز كتفه،

"دامك تسأل معناها احد اعرفه،"
_رد جود بإبتسامه خفيفه، و جود توسعت ابتسامته و رجع يناظر الطريق،

"ايه عز المعرفه.... كنت ابي أطلب منك تتوسط لي.... يعني عشان يتلحلح شوي و يحن ع قلبي الضعيف،"
_نطق صقر و هو عين ع الطريق و عين ع جود اللي عض باطن خده،

"ما تشوف انه المسألة خاصه فيكم مالازم احشر نفسي فيها،"
_نطق جود بإبتسامه خفيفه، و صقر رفع كف جود و باس باطنها بوسته المعتاده يمرر لسانه عليها بخفه، بس قبل يفتح فمه،
جود سحب جواله و ناظر إسم ماجد دق قلبه من التوتر يعرف سوالف ماجد بس ما يقدر يتجاهله،
فتح الخط و كان يبي يسحب كفه بس صقر تمسك بكفه رافض يتركها،

"هلا ماجد،"
_نطق جود بنبرة هاديه،

"جود كيف حالة سند الحين؟؟ تكفى طمني شصار عليه؟"
_نطق ماجد بدون مقدمات و جود عقد حواجبه،

"خير شفيه سند!!"
_نطق جود بإستفهام مو فاهم شيء،

"فهد أرسل لى رساله يقول سند بالمستشفى مرة تعبان في احد معتدي عليه و صورة لسند بالمستشفى...... شلون ما عندك علم بهالشيء،"
_نطق ماجد بنبرة جاده، و جود كشر ملامحه،