شَجَن

مقابله

هلا حبايبي.

استمتعوا بالبارت ولا تنسون التفاعل،

احبكم😘😘😘

.
.
.
.
.

"استاذ جود،"
_نطق بنبرة شوي عاليه عشان يسمعه جود، ثواني وشاف جود يلف ببطء لين تقابلة عيونهم،

جود شافه يقرب منه بخطوات هاديه رزينه، مع كل خطوه كانت دقات قلبه تزيد، ونفسه يتوتر مو مصدق انه سمع صوته بعد كل هالسنين، وسمعه ينطق اسمه من شفايفه وبنبرته الرجوليه،
والحين يناظر عيونه مو عيون رائد أو غيره، وأخيرا تقابلة عيونهم بدون ما يتجاهله، وقاعد يشم ريحة عطرة،

ظل يقرب منه لين وقف مقابله بكم خطوه، يناظره بهدوء، وجود يبادله النظرات بنفس الهدوء،
يخفي توتره، بهالحظه جود حس انه زمن وقف ومو موجود غيره اهو وصقر اخوه،
ثبت عيونه ع ملامح صقر وكل تفاصيله،
ابد ما كابر ولا منع نفسه انه يتأمله من هالمسافه القصيره بينهم،

"ع وين بتروح،"
_نطق صقر بهدوء، عيونه ثابته ع عيون جود اللي بدون قصد جعد جبينه، مصدوم من سؤاله مو اهو اللي طلب انه يقابل العميل، كيف قاعد يسأله الحين،

"استاذ فيصل علمني انه انت طلبت اقابل احد عملاء عشان الدعم،"
_نطق جود بهدوء، بس ملامحه بين عليها الاستغراب، للحظات ما سمع اي رد من اخوه، بس ملامحه كانت هاديه، تمنى لو كان يقدر يقرا الافكار ويعرف ايش يدور براسه الحين،

"وهذا آيش يسوي معاك،"
_نطق صقر ببرود، واشر بعيونه ع رائد اللي تصنم مكانه وحمرة خدوده لما سمع سؤال صقر ونبرته،

"بيروح معاي،"
_نطق جود بهدوء،

"ليش ما اخدت الاستاذ احمد،"
_نطق صقر بتساؤل ولف يناظر رائد من فوق لتحت،

"استاذ احمد مريض، و انا درسة ملفات الموظفين القسم شفت انه اهو انسب شخص وعنده خبره، وسبق تعامل مع العملاء من قبل،"
_نطق جود بهدوء، ورفع عيونه يناظر البنت اللي واقفه ورا صقر تو ينتبه لها كانت نفس البنت اللي جات لمكتبه من قبل نسى آيش اسمها،

"ماله داعي بتروح معاك الأستاذه عبير،"
_رد صقر بهدوء، وناظر رائد اللي وجهه صاير الوان، وحاول يخفي غضبه بهالحظه كره صقر ولقافته،
تمنى انه جود يعترض بس ما شاف منه غير صمت،

"تقدر ترجع لشغلك،"
_نطق صقر هالمره موجهه كلامه لرائد اللي رفع راسه يناظر جود يبيه يرفض بس جود كان كل تركيزه مع صقر،
غمض عيونه يحس نار بقلبه،