هلا حبايبي،
ملاحظه : اذا اكتملت شروط شجن بمدة زمنيه أقل من همام البارت الجاي لرواية شجن،
الشروط : ( ٤٠٠٠ كومنت و ٥٠٠ فوت)
أحبكم😘😘😘😘
.
.
.
.
.
شهاب كان جالس بمكتب أبو ناصر يشرب قهوته و ينتظره ينهي اجتماعه من ربع ساعه، و هو بخاطر يدخل سند بداله،
مشتاق لشوفته و بنفس الوقت يبيها صدفه و كذا قدام سند،
"هلا ابو صقر نورتنا و الله،"
_نطق ابو ناصر بنبرة مبتسمه يقرب من شهاب يسلم عليه و شهاب وقف يسلم عليه ورجع جلس بهدوء،
"النور نورك،"
_رد شهاب بمجامله و عيونه ع ابو ناصر يجلس بمكتبه،
"ايش، الزياره الحلوه صارلك فتره ما تمرني لشركه، ايش صاير بدنيا اليوم،"
_نطق ابو ناصر بنبرة هاديه مبتسمه،
"ما وراي شيء قلت اجي انكد ع روحي بالوجيهه الخايسه بشركتك،"
_نطق شهاب بسخريه حاده و ابو ناصر ضحك بعفويه ع جملته،
تعود ع مزاج شهاب و ردوده العصبيه،
"عساني مو واحد منهم،"
_رد عليه بمزح، و شهاب عقد حواجبه،
"كنت بالإجتماع لحالك،"
_تساءل شهاب متجاهل سؤال ابو ناصر اللي هز راسه بنعم،
"أدهم عنده شغل برا الشركه و سند راح مع مشعل و ناصر يقابلون عيالك بموقع المجمع يتفقدون الموقع و يشوفون المهندسين،"
_نطق ابو ناصر بهدوء، و شهاب بس سمع اسم مشعل اظلمت عيونه و مسك قلم ابو ناصر اللي فوق المكتب يطفي غضبه فيه،
"مشعل شعدنه هناك شعلاقته بالمشروع و الموقع،"
_نطق شهاب بنبرة حاده، خلت ابو ناصر يجعد جبينه،
"عنده شغل مع سند بشركته بعد ما يخلص مشواره بالموقع،"
_نطق ابو ناصر بتبرير، و عيونه ع شهاب اللي كسر القلم الأول و سحب الثاني،
"شغلي معاك ما ابي فيه ملقوفين عنده شغل مع سند أو غيره ذا الشيء بعيد عني.... بالأول حشرت أدهم و طوفتها لك الحين هالكلب.... لا تخليني اكنسل هالمشروع معاك،"
_نطق شهاب بنبرة حاده يرمي القلم الثاني اللي كسره ع الأرض و يستقيم بطوله، ابو ناصر تعود ع عصبية شهاب المبالغ فيها فما تغيرت ملامحه الهاديه،
"اهدأ يابو صقر ترا ما تدخل بشيء، هو بيبقى بسيارته لين يخلص سند شغله، لا حشر نفسه و لا شيء انت مكبر السالفه،"
_نطق ابو ناصر بهدوء، مو فاهم سبب عدوانية شهاب مع مشعل و أدهم خصوصا مشعل،
أنت تقرأ
شَجَن
Romanceلعلنا خلقنا لنظل هكذا .. خطين متوازيين يعجزان عن الفراق وعن التواصل ولن يلتقيا الا اذا انكسر احدهما. "حاولت أتجاوز مين انت و مين أنا اعشاني ابيك معاي عشاني أعشقك، و مابي الحقد اللي بقلبي يوقف بينا،" _نطق بضيق يناظر عيونه، دق قلبه لما شاف ابتسامته ا...
