شَجَن

عتب

هلا حبايبي،

كنت جالسه اعيد البارتات و توي انتبه لغلط ما قد ركزت فيه،

عمر جود ٢٦ سنه و صقر عمر ٢٩ سنه،

ابتدأ من هالبارت بتبتدي الشروط،

(١٠٠٠ كومنت_ ٣٠٠ فوت)

استمتعوا بالبارت و اسعدوني بتفاعل،

احبكم😘😘😘😘

.
.
.
.
.
.

جالسين بطاوله كبير حق الاجتماعات و ابو صقر يترأسها بكل هيبه و عيون حاده صقر كان يجلس ع يمينه و جنبه مقعد جود الفاضي و بعده واحد من مجلس الإدارة،
و ع يساره جالس ابو ناصر وجنبه أدهم من أكبر المساهمين بشركة ابو ناصر واللي نسبته تقارب نسبة ابو ناصر و جنبه جالس سند و ناصر،

الاضاءة كانت طافيه بس الاضاءة الشاشه الكبيره و واقف قدامها جود اللي واقف مستقيم بكل جديه و قوة يلقى ببراعة و يوضح مميزات المشروع و نسبة الخسارة المحتمله لمجلس الإدارة و المساهمين،

في اللي كل تركيزه وحواسه مع جود و حركاته و نبرة صوته الواثقه و في اللي عيونه مع جود بس عقله بمكان ثاني و في اللي عقله وعيونه و قلبه في مكان ثاني،

أدهم كان يناظر جود بملامح مبهمه و مركز في حركات جود، و طريقه اللي يخطي فيها برجوله،
واسلوبه بالكلام، و حركات يدينه و شفايفه بختصار كان مركز بجود بدقه، في أصغر تفاصيله،
بس من حظه صقر ما كان متنبه له عشان كل تركيزه كان مع ناصر،

ناصر كان يناظر جود ببتسامه عريضه ع شفايفه الكل منتبه لها،
حتى صقر اللي كانت عين ع جود و عين ع ناصر يناظره بغضب و يده تضغط ع القلم بكل قوة،

و مو بس صقر حتى شهاب كان ماسك القلم بيده يضغط عليه،
من الصفات اللي يتشاركها مع ولده اثنينهم يطلعون حرتهم بالاقلام،
كان يناظر سند بعيون حاده،

و سند مركز مع جود يناظره بفخر و بتسامه هاديه ع شفايفه، ماسك مذكرة بيده و يسجل عليها الجزئيات اللي يشوفها مهمه من كلام جود،
او يلتفت لأدهم اللي مركز مع جود و يهمس قريب من أذنه بنبرة خافته عشان محد يسمعه حركته كانت تشعل براكين بقلب شهاب تهدد بانفجار باي لحظه،

لين خلص جود كل كلامه و قرب من اللابتوب المتصل بشاشه يطفيه، و شعل الضوء بعدها،