කාලය ගෙවිලා ගියා. ජන්ග්කුක් එයාගෙ CEO කෙනෙක් වෙන හීනෙ හැබෑ කරගන්න දිවා රෑ නොබලා වෙහෙස මහන්සි වෙලා පාඩම් කලා. එයා සුපුරුදු පරිදි යුනි ගියා වගේම අනිත් ළමයින් එයාට කරන අපහාස එයා ගනන් ගත්තෙ නෑ. එයා ඒවා එයාගෙ ගමනට පිටුවහලක් කර ගත්තා. ඒ අපහාස එයාව තවත් එයාගෙ හීනෙ හැබෑ කරගන්න මහන්සි කෙරෙව්වා.
ටේහ්‍යුනුත් එයාගෙ උපරිමෙන් ජන්ග්කුක්ට උදව් කලා. ජන්ග්කුක්ගේ බුද්ධිය වගේම හැකියාව ගැන එයා ගොඩක් පුදුම වුනා.
මේ අතරේ ජීසු ඇතුලු මාණික්‍ය දෙකේ ආරක්ෂකයො හතර දෙනා ඉවසීමෙන් බලන් හිටියේ ජන්ග්කුක් මෝ රාජධානිය බේරගන්න සූදානම් වෙනකන්.
දැන් වෙලව උදේ අටයි. ජන්ග්කුක් එහා මෙහා වෙනකන් ඉඳලා ජීසු ටේහ්‍යුන්ව අල්ලගත්තා.
"අපිට තව පරක්කු කරන්න බෑ ටේ. ඩාකන් කොයි වෙලාවක අපිට පහර දෙයිද කියන්න බෑ. ඌ දැනටමත් දන්නවා අපි සේරම දන්නවා කියලා." ජීසු කිව්වේ කනස්සල්ලෙන්. ටේහ්‍යුන් හුස්මක් හෙළුවා.
"මං දන්නවා ජීසු. ඒත් මට බෑ ජන්ග්කුක්ට බල කරන්න. එයා මෝ රාජධානියෙ කෙනෙක් නෙමෙයි පෘථිවි වැසියෙක්. අපි නිසා දැනටමත් එයා ගොඩක් දුක් විඳලා තියෙනවා. මට බෑ එයාව මේකට බලකරන්න." ටේහ්‍යුන් කිව්වම ජීසු දුකින් ඔලුව වැනුවා.
"එහෙනම් අපි තව බලන් ඉමු ටේ." ජීසු කිව්වේ හුස්මක් හෙළමින්.
"නෑ අපි පටන් ගමු. මං ලෑස්තියි." කටහඬක් පිටිපස්සෙන් ඇහෙනවත් එක්කම දෙන්නගෙම හිස් ඒ දිහාට හැරුනා.
"ජන්ග්කුක්?" ටේහ්‍යුන් ඇහුවේ පුදුමයෙන්. ජන්ග්කුක් හිනා වුනා.
"මං ලෑස්ති ටේටේ, අපි මෝ රාජධානිය බේරගමු." ජන්ග්කුක් කිව්වා.
"ඒත් කූ ඔයාට යුනි එකේ වැඩ තියෙනවා කරන්න. ඒවත් එක්ක-"
"ඒකට කමක් නෑ හියුන්. ඔයාට මට වඩා වැඩ තියෙන්නෙ එහෙනම්? ඔයා කම්පැනි එකක්ම රන් කරන්න ඕනෙ. ඔයාට මේක පුලුවන් නම් ඇයි මට බැරි. මං කිව්වනෙ, මට ඔයා වගේ වෙන්නෝනෙ කියලා. මට පුලුවන් යුනි එකේ වැඩයි මේ වැඩයි මැනේජ් කරලා කරගෙන යන්න." ජන්ග්කුක් කිව්වම හිනාවුනු ටේහ්‍යුන් එයා ගාවට ඇවිත් එක අතක් ඉන වටේ යවලා අනිත් අතින් ජන්ග්කුක්ගේ මූන අල්ලගත්තා.
YOU ARE READING
The main power 💙❤️ || (Complete)
Fanfictionමෝ රාජධානිය නම් පෘථිවි ස්ථරයෙන් එපිට තිබූ වෙනම සමාන්තර ලොවක පවතින බලගතු මාණික්‍යන් දෙකක්. නීල මාණික්‍ය හා රක්ත මාණික්‍ය ලෙස හඳුන්වන මෙම මාණික්‍යන් දෙකේ බලයෙන් පමණක් පවතින මෙම සමාන්තර ලෝකය එක් බල ලෝභී දේශද්‍රෝහියෙක් නිසා විනාශ වී යන්නේ බලගතු මාණික්‍ය...
