မောင့်သခင်မ နေခြည်ထိပ်ထား(Complete)(Unicode)

Part(10)

"မောင့်သခင်မ နေခြည်ထိပ်ထား♡"

Part (10)
--------------
--------------

ငတင်နဲ့ငမှိုင်းပြန်သွားသည်အထိ သူဒေါသတွေမပြေသေး

သူ ထိပ်ထားကိုနမ်းလိုက်တယ်ဆိုတာကလဲ တကယ်ချစ်ဖို့ကောင်းလွန်းလို့ သူစိတ်မထိန်းနိုင်ပဲ နမ်းမိခြင်းသာ...

လွန်လွန်ကျွံကျွံတွေအထိ သူ စိတ်ထဲမရှိ...
အမေကတော့ ဖွားဇာအိမ်ထဲကထွက်လာထဲကငိုလာတာ အခုသတင်းကြောင့် ပိုငိုနေလေသည်...

မနက်ဖြန်လဲ သူတို့သားအမိ အိမ်ကနေ ဖယ်ပေးရဦးမည်မို့ အမေကအထုတ်တွေသိမ်းကာ ငိုယိုနေလေသည်

သူလဲဘာလုပ်လို့ ဘာလုပ်ရမှန်းမသိ....
အခုလို အမေငိုနေရတဲ့အကြောင်းရဲ့ အဓိကတရားခံက သူကိုယ်တိုင်မဟုတ်ပါလား

■ကျုပ်တောင်းပန်ပါတယ် အမေရယ်...
ကျုပ်မကောင်းခဲ့လို့ပါ အမေ
ကျုပ်အမေ့စကားကိုနားမထောင်ခဲ့လို့....
ကျုပ်ကြောင့် အမေအခုလိုငိုနေရတာ

သူ အမေနဲ့အတူ အဝတ်ထုတ်တွေရော ပစ္စည်းတချို့ပါဝိုင်းသိမ်းနေရသည်

ဆင်းရဲသား သားအမိ၂ယောက်မို့ ပစ္စည်းတွေက များများစားစားမရှိ...

မကြာလိုက်ပါ ပစ္စည်းအားလုံးသိမ်းဆည်းပြီးသည်နှင့် အမေ မျက်ရည်တွေကိုသုတ်ကာ ပုဆိုးဟောင်းလေးခေါင်းပေါင်းပြီး အိမ်ကနေထွက်သွားလေသည်...

သူ့ကိုတော့စကားတစ်ခွန်းမှမပြောတော့ပေ....
သူလဲဘာလုပ်ရမယ်မှန်းမသိတော့...
ခုနက ဖွားဇာ အိမ်မှာသာ သူစိတ်တိုပြီးပြောချလိုက်ပေမဲ့ တကယ်တမ်းတော့ သူဘာဆိုဘာမှမလုပ်တတ်....

အခုတော့ အရာရာက အမေ့ခေါင်းပေါ်ရောက်သွားလေပြီ...

💦💦💦💦💦💦💦💦💦💦💦💦💦💦💦💦💦💦💦💦

ညတွင်းချင်းသူတို့ပြောင်းချလာရသည်က အရီးတင်ရီ ရဲ့ ပဲခင်းထဲက တဲကိုပင်.....

ညနေက အမေအိမ်ပြန်လာကာ အထုတ်တွေကိုသယ်သလို သူလဲအမေနဲ့အတူအထုတ်တွေဝိုင်းသယ်ပြး အမေ့နောက်လိုက်လာတော့ အရီးတင်ရီ ရဲ့ပဲခင်းထဲက တဲဖြစ်နေသည်...

သူတို့သားအမိ ပစ္စည်းတွေရွှေ့တော့ ရွာထဲကလူတွေက ထွက်ကြည့်ကြသလို မျက်နှာတွေကရော မျက်လုံးတွေကပါ သူတို့သားအမိကိုရွံရှာကြသလိုပင်...